بیت بازی

[شمشاد]

نہیں نہیں مجھے یوں ملتفت نظر سے نہ دیکھ
نہیں نہیں مجھے اب تابِ نغمہ پیرائی
(ساحر)

 

[زینب]

شمشاد جی آپ کا شعر مجھے مشکل لگا اور سمجھ بھی نہں آئ اسی لیے مںآپنی طرف سے لکھ رہی ھوں

مرا نصیب ھویں تلخیاں ذمانے کی

کسی نے خوب سزا دی ھے مسکرانے کی

مرے خدا مجھے طارق ا حوصلہ ھو عطا

ضرورت آن پڑی ھے کشتیاں جلانے کے۔۔۔۔

 

[محمد وارث]

یاں کے سپید و سیاہ میں ہم کو دخل جو ہے سو اتنا ہے
رات کو رو رو صبح کیا یا دن کو جوں توں شام کیا

(میر)

۔

 

[شمشاد]

میرے دیئے ہوئے شعر میں ایسی تو کوئی مشکل بات نہ تھی اور ویسے بھی آخری حرف دیکھنا تھا کہ اگلا شعر کس حرف سے دیا جائے۔ ی سے دینا تھا، خیر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ ہمارا گھر ہے ساتھی یا خوشی کا باغ ہے
یہ کئی رشتوں کی باہم دوستی کا باغ ہے
(منیر نیازی)

 

[محمد وارث]

یہ سبھی ویرانیاں اس کے جدا ہونے سے تھیں
آنکھ دھندلائی ہوئی تھی، شہر دھندلایا نہ تھا

(عدیم ہاشمی)

۔

 

[عمر سیف]

یک بچّے کی طرح خود کو بٹھا کر سامنے
خوب خود کو کوستا ہوں خوب سمجھاتا ہوں میں

 

[الف عین]

نہ جانے اوروں کو میں کس طرح کا لگتا ہوں
یہ آرزو ہے کہ باہر سے دیکھ لوں خود کو
ا ع

 

[عمر سیف]

وقت رخصت تھا سخت حالی پر
ہم بھی بیٹھے تھے جب وہ جانے لگے

 

[شمشاد]

وفا کے خواب محبت کا آسرا لے جا
اگر چلا ہے تو جو کچھ مجھے دیا لے جا
(احمد فراز)

 

[عمر سیف]

شمشاد ی سے لکھنا تھا ۔۔۔

 

[شمشاد]

دونوں کے اشعار ایک ہی وقت میں آ گئے، ی سے شعر دے دیتا ہوں۔

یوں ہی نہیں ہے مشہورِ زمانہ میرا قاتل
اُس شخص کو اس فن میں مہارت بھی بہت تھی
(کلیم عاجز)

 

[عمر سیف]

یہی بہت ہے کھڑے دیکھتے ہو ساحل سے
سفینہ ڈوب رہا ہے تو کوئی بات نہیں

 

[شمشاد]

نئی صبح پر نظر ہے مگر آہ یہ بھی ڈر ہے
یہ سحر بھی رفتہ رفتہ کہیں شام تک نہیں پہنچے
(شکیل بدایونی)

 

[عمر سیف]

يہ اختلاف پھر کيوں ہنگاموں کا محل ہو
ہر شے ميں جبکہ پنہاں خاموشي ازل ہو

 

[شمشاد]

وہ نوائے مضمحل کیا نہ ہو جس میں دل کی دھڑکن
وہ صدائے اہلِ دل کیا جو عوام تک نہ پہنچے
(شکیل بدایونی)

 

[زینب]

یہ بھی انداذ ہمارے ھیں تمہیں کیا معلوم
ہم تمہں جیت کے ہارے ھیں تمہں کیا معلوم

ایک تم ھو کے سمجھتےہی نہں آپنا ہم کو

ایک ہم ھیں کےصرف تمہارے ھیں تمھں کیامعلوم

 

[شمشاد]

محتسب کی خیر، اونچا ہے اسی کے فیض سے
رند کا ، ساقی کا، مے کا، خم کا ،پیمانے کا نام
(فیض)

 

[زینب]

میں آس سے ملنے کیوں بھلا دل کو ہمراہ لے جاوں

کہ یہ اک عمر کی محنت مری برباد کردےگا

 

[شمشاد]

اور کیا دیکھنے کو باقی ہے
آپ سے دل لگا کے دیکھ لیا
(فیض)

 

[خاور بلال]

آنکھ ہر روز ہی پر نم ہے
لاش پر لاش کا یہ عالم ہے
اک اٹھائی،اک دفنائی ہے
اب کے کیسی یہ عید آئی ہے