بیت بازی سے لطف اٹھائیں

[تیشہ]

ا سے ناں ،،

اک حسیں یاد میں کھولے ہیں دریچے کیا کیا
ایک آنسو میں سمٹ آئے ہیں منظر کیسے ، ،،


( ایک تو میں ے ۔۔ ی ۔۔ سے بڑی تنگ ہوں ہر شعر کے آخر میں انہی کو آنا ہوتا ہے )

 

[فیصل عظیم فیصل]

یہ کوئی مشکل نہیں ہوتا ہمارے شعر میں
"ی" کو ہم خارج کریں یا اور لائیں حرف کو


و

 

[تیشہ]

وہ چاند جو شریک نظر تھا تمام شب
جب دن ہوا تو دن کے اجالوں میں کھو گیا ،،


( میری باری آپ الف ۔ ۔ و ۔ ۔ ۔ہی رکھا کریں میں تنگ آگئی ہوں ی ے سے )

 

[شمشاد]

اُٹھ گئی رسمِ محبت، سرد ہے بازارِ عشق
دل تڑپتا ہے متاعِ غم کو ارزاں دیکھ کر
(سرور)

 

[مغزل]

رس بھری کے جنگل میں
رس بھری نہیں ملتی۔۔۔

عشرت عباس

 

[محمد وارث]

یہ سجدہ ہے کہ تجدیدِ وفا ہے
اسے اللہ بہتر جانتا ہے

یہی ہے شاد میں سب سے بڑا عیب
وہی لکھتا ہے جو کچھ دیکھتا ہے

(شاد عارفی)

 

[تیشہ]

یہ محبت نہیں کچھ اور ہے صورت شاہد
تم مزہ لے کے جو سنتے ہو برائی اسکی ،

 

[فیصل عظیم فیصل]

یہی قصہ رہا تو آپکی جاں کیسے چھوٹے گی
وہی آخر حرف اشعار کا جو دشمن جاں ہے

 

[شمشاد]

یہ بستی ہے ستم پروردگاں کی
یہاں کوئی کسی سے کم نہیں ہے
(امجد اسلام امجد)

 

[تیشہ]

یاد رکھو تو دل کے قریب ہیں ہم
بھول جاؤ تو یہ ہیں فاصلے بہت ،

ت،

 

[شمشاد]

تازہ نہیں ہے نشۂ فکرِ سخن مجھے
تِریاکئِ قدیم ہوں دُودِ چراغ کا
(چچا)

 

[الف عین]

اک طلسمات کی دنیا ہے یہ خوابوں کی زمیں
سینکڑوں سال کے بچھڑے ہوئے ملتے ہیں یہیں
مابدولت
ی نہیں ہے دیکھیں۔
ن سے

 

[مغزل]

نازکی اس کے لب کی کیا کہیئے
پنکھڑی اک گلاب کی سی ہے

" ے"

 

[تیشہ]

یہ کیا کم ہے اس نے بخشا ایک مہکتا درد مجھے
وہ بھی ہیں جنکو بس رنگوں کا اک چمکیلا خول دیا ،۔۔ ،،

ا ،،

 

[شمشاد]

اُس جیسا نام رکھ کے اگر آئے موت بھی
ہنس کر اُسے قتیل گلے لگاؤں میں
(قتیل شفائی)

 

[محمد وارث]

تن رہا یونہی غمِ تپ سے اگر گرم مرا
سیخِ آہن کی طرح ہونگے بدن پر مُو گرم

(ذوق)

 

[شمشاد]

وارث بھائی یہ آپ نے " ت " سے کس خوشی میں شعر دے دیا؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محرومِ خواب دیدۂ حیراں نہ تھا کبھی
تیرا یہ رنگ اے شبِ ہجراں نہ تھا کبھی
(ناصر کاظمی)

 

[تیشہ]

کیا مصیبت ہے ہر بار ی ے مجھے ہی کیوں ملتا ہے ۔


یادیں کچھ اسطرح سے سماعت پہ چھاگئیں
پیچھلی رفاقتوں کے سوا کچھ نہیں رہا ،،


ا ،

 

[شمشاد]

ابھی رن۔۔د ہے ابھی پارس۔۔ا، تجھے ت۔ابش آج ہ۔۔۔وا ہے کیا
کبھی جستجو مے و جام کی کبھی فکر آب و وضو کی ہے
(تابش دہلوی)

 

[محمد وارث]

وارث بھائی یہ آپ نے " ت " سے کس خوشی میں شعر دے دیا؟

بس دل کر رہا تھا

معذرت خواہ شمشاد صاحب، وہ دراصل ذوق کا دیوان کھولا ہوا تھا، شعر تو 'نون' کا دیکھا لیکن نہ جانے کیسے لکھتے ہوئے یہ 'ت' والا شعر لکھ دیا۔