بیت بازی سے لطف اٹھائیں

[شمشاد]

فیصل بھائی لگتا ہے آجکل آمد ہو رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ غزل کیا جو غمِ عشق سے منسوب نہ ہو
شعر کیا جس کو ترے حسن کی تائید نہیں
(سرور)

 

[منصور]

نہ تھا کچھ تو خدا تھا ' نہ ہوتا کچھ تو خدا ہوتا
ڈبویا مجھ کو ہونے نے' نہ میں ہوتا تو کیا ہوتا
(غالب)

 

[شمشاد]

نہیں گر اختیارِ یک نفس ہنگامِِ ہستی میں
ازل کے پر بریدہ ہمتِ پرواز کیا کرتے؟
(سرور)

 

[فیصل عظیم فیصل]

یہ آمد کے قصے نئے تو نہیں ہیں
اشعار ہم کو پھر سے سجھاتا ہے ربنا​

 

[شمشاد]

نہ تھا کچھ تو خدا تھا ' نہ ہوتا کچھ تو خدا ہوتا
ڈبویا مجھ کو ہونے نے' نہ میں ہوتا تو کیا ہوتا
(غالب)

منصور بھائی اصل شعر یوں ہے :

نہ تھا کچھ تو خدا تھا، کچھ نہ ہوتا تو خدا ہوتا
ڈُبویا مجھ کو ہونے نے، نہ ہوتا میں تو کیا ہوتا

تصحیح فرما لیں نہیں تو 'چچا' بہت ناراض ہوں گے۔

 

[شمشاد]

آئینہ دیکھ، اپنا سا منہ لے کے رہ گئے
صاحب کو دل نہ دینے پہ کتنا غرور تھا
(چچا)

 

[فیصل عظیم فیصل]

آدھی رات ہے اور ہم تم
کیا دونوں دیوانے ہیں

 

[نوید صادق]

نیرنگِ جلوہ، بارقہء ہوش سوز ہے
کیا امتیاز رنگ سے کیجے شمیم کا

شاعر: شیفتہ

 

[شمشاد]

اگر مجھ کو نہ کچھ ادراک حسنِ یار کا ہوتا
تو پھر اپنی حقیقت سے میں کیوں کر آشنا ہوتا؟
(سرور)

 

[فیصل عظیم فیصل]

آشنائی کی بات کرتے ہو؟
آئینہ دیکھ کر ذرا سوچو

 

[وجی]

ولا سنبھل کہ کسی کو حساب دینا ہے
یہ زندگانی کے لمحے کہاں کہاں گزرے

 

[فیصل عظیم فیصل]

یہ سنبھلنے کا کام کون کرے
وہ کرے جو کبھی گرا نہ ہو

 

[شمشاد]

وہ آئیں گھر میں ہمارے خدا کی قدرت ہے
کبھی ہم ان کو کبھی اپنے گھر کو دیکھتے ہیں

 

[فیصل عظیم فیصل]

نہ کیا کر یہ "راز" کی باتیں
راز دل تو سبھی چھپاتے ہیں

 

[عندلیب]

نہ خدا ہی ملا نہ وصال صنم
نہ ادھر کہ رہے نہ ادھر کے رہے

 

[فیصل عظیم فیصل]

یہ کیسی "عجب" شام آئی ہے پھر سے
ہمیں خوف جس میں نہیں کوئی شب کا

 

[شمشاد]

اُڑتے اُڑتے آس کا پنچھی دور اُفق میں ڈوب گیا
روتے روتے ڈوب گئی آواز کس سودائی کی
(قتیل شفائی)

(نوٹ : اگر دوسرے مصرعے میں " روتے روتے ڈوب گئی آواز قتیل شفائی کی " پڑھا جائے تو بھی چل جائے گا)

 

[فیصل عظیم فیصل]

یہ گفتگو کا سلیقہ یہ شاعری کی سمجھ
ذرا ہمیں بھی بتاؤ کہ ماجرا کیا ہے ۔۔۔؟

 

[عندلیب]

یقیں محکم ،عمل پیہم،محبت فاتح عالم
جہاد زندگانی میں یہ ہیں مردوں کی شمشیریں

 

[الف عین]

نہ گنواؤ ناوکِ نیم کش دلِ ریزہ ریزہ گنوا دیا
جو بچے ہیں سنگ سمیٹ لو، تنِ داغ داغ لُٹا دیا
فیض