بیت بازی سے لطف اٹھائیں

[عندلیب]

یہ لغزشیں‌ ہی سنبھلنا تجھے سکھادیں‌ گی
قدم قدم پہ سہاروں کا منہ نہ دیکھا کر

 

[فیصل عظیم فیصل]

رہیں گے ہم بھی تونگر خدا کی بستی میں
ہمیں کسی کے سہارے کی چاہ کیونکر ہو

 

[عندلیب]

وہ بات سارے فسانے میں‌جس کا ذکر نہ تھا
وہ بات ان کو بہت ناگوار گزری ہے

 

[زھرا علوی]

یہ دونوں ایک ہی ترکش کے ہیں تیر
محبت اور مرگِ ناگہانی۔۔۔۔۔۔۔۔۔۔۔۔۔

 

[عندلیب]

یہاں رہنے کی مہلت کوئی کب پاتا ہے
آتا ہے اگر آج تو کل جاتا ہے

 

[فیصل عظیم فیصل]

آمد و رفت یہاں جاری ہے
آج دیکھو ہماری باری ہے

 

[عندلیب]

ہم آہ بھی کرتے ہیں تو ہو جاتے ہیں بدنام
وہ قتل بھی کرتے ہیں تو چرچا نہیں‌ ہوتا

 

[فیصل عظیم فیصل]

آ عندلیب مل کے کریں آہ و زاریاں
تو ہائے دل پکار میں چلاؤں ہائے کھر


(بہت عرصہ پہلے کہیں پڑھا تھا نہ شاعر کا نام پتہ معلوم ہے نہ صحت پر یقین)

 

[عندلیب]

آ عندلیب مل کے کریں آہ و زاریاں
تو ہائے دل پکار میں چلاؤں ہائے کھر


(بہت عرصہ پہلے کہیں پڑھا تھا نہ شاعر کا نام پتہ معلوم ہے نہ صحت پر یقین)

فیصل عظیم بھای ، اصل شعر یوں ہے :
آ عندلیب مل کے کریں آہ و زاریاں
تو پکارے ہائے گل میں چلاؤں ہائے دل

 

[عندلیب]

لائی حیات آئے قضا لے چلی چلے
اپنی خوشی نہ آئے نہ اپنی خوشی چلے

 

[فیصل عظیم فیصل]

فیصل عظیم بھای ، اصل شعر یوں ہے :
آ عندلیب مل کے کریں آہ و زاریاں
تو پکارے ہائے گل میں چلاؤں ہائے دل

جی آپ نے درست شعر لکھ دیا ہے اور جو میں نے پڑھا تھا وہ غلام مصطفیٰ کھر صاحب کی دوسری طلاق کے موقعے پر پڑھا تھا لہذا اس میں یہ تبدیلی اس وقت کی گئی تھی

 

[عندلیب]

جی آپ نے درست شعر لکھ دیا ہے اور جو میں نے پڑھا تھا وہ غلام مصطفیٰ کھر صاحب کی دوسری طلاق کے موقعے پر پڑھا تھا لہذا اس میں یہ تبدیلی اس وقت کی گئی تھی

غلام مصطفیٰ کھر صاحب ۔۔۔۔؟؟
یہ کون صاحب ہیں ؟؟

 

[فیصل عظیم فیصل]

انیس سو ستتر میں پاکستانی پنجاب کے گورنر ہوا کرتے تھے بڑے "شریف" آدمی ہیں

 

[عندلیب]

انیس سو ستتر میں پاکستانی پنجاب کے گورنر ہوا کرتے تھے بڑے "شریف" آدمی ہیں

اِنورٹیڈ کاماز میں "شریف" اور آپ کا "مشتبہ" موڈ ۔۔۔۔۔۔۔۔۔۔۔ پھر تو ضرور مجھے اپنی عقل استعمال کرنا چاہئے

 

[شمشاد]

لہو کی طرح رگ رگ میں جو پہیم درد بہتا ہے
زمین کی تہہ میں لے جائے تو کیا اسکا گلہ کرنا
(نیناں)

 

[ملائکہ]

ایک ہم ہیں کہ تیرا درد چُھپا کر دل میں
کام دنیا کے بدستور کئے جاتے ہیں

 

[فیصل عظیم فیصل]

نہ جینے کی ضرورت ہے نہ مرنے کا خیال
ہم تو ہر حال میں راضی برضا رہتے ہیں

 

[ملائکہ]

نغمہ درد چھیڑ کر انجمن حیات میں
عشق نے جان ڈال دی پیکر کائنات میں

 

[فیصل عظیم فیصل]

نغمہ درد کی کیوں بات کرو ہو پگلے
درد ہوتا نہیں اوروں کو بتانے کے لئے

 

[شمشاد]

یہ حصارِ ذات سرور کہیں تجھ کو لے نہ ڈوبے
بھلا ایسی کم نگاہی سرِ طورِ یار کب تک؟
(سرور)