بیت بازی سے لطف اٹھائیں (3)

[مہ جبین]

یاد ماضی عذاب ہے یارب
چھین لے مجھ سے حافظہ میرا

 

[مغزل]

آج کی سب دعائیں آپ کی نظر
خالہ جانی سلام کیجے قبول !!!!!!!!
بدیہہ گوئی

 

[مہ جبین]

لائی حیا ت آئی قضا لے چلی چلے
اپنی خوشی نہ آئے نہ اپنی خوشی چلے


وعلیکم السلام بھانجے
بدیہہ گوئی بھی خوب ہے واہ

 

[شمشاد]

لائی حیا ت آئی قضا لے چلی چلے
اپنی خوشی نہ آئے نہ اپنی خوشی چلے

اس شعر کے پہلے مصرعے میں گڑبڑ ہے۔ ایسے ہونا چاہیے

لائی حیات آئے قضا لے چلی چلے

 

[شمشاد]

​

یہ اور بات کہ شیشہ تھا درمیاں منصور​

چراغ ہوتا ہے جیسے وہ جسم ایسا تھا​

(منصور آفاق)​

 

[مہ جبین]

اس شعر کے پہلے مصرعے میں گڑبڑ ہے۔ ایسے ہونا چاہیے

لائی حیات آئے قضا لے چلی چلے

واقعی شمشاد بھائی آپ نے صحیح کہا ، مجھ سے ٹائپنگ میں غلطی ہو گئی ۔ اصلاح کا شکریہ

 

[شمشاد]

الف سے اگلا شعر بھی تو دینا تھا ناں۔

 

[مہ جبین]

اس زلف پہ پھبتی شب دیجور کی سوجھی
اندھے کو اندھیرے میں بڑی دور کی سوجھی

 

[شمشاد]

​

یہ الگ اس مرتبہ بھی پشت پر خنجر لگا​

یہ الگ پھر زخم پچھلے زخم کے اندر لگا​

(منصور آفاق)​

 

[مہ جبین]

اسی کشمکش میں گزریں مری زندگی کی راتیں
کبھی سوزو ساز رومی، کبھی پیچ و تاب رازی

 

[شمشاد]

یہ تو اک بے مہر کا مذکورہ ہے
تم نے جب وعدہ کیا ایفا کیا
(ابن انشاء)

 

[مہ جبین]

اگر کچھ آشنا ہوتا مذاق جبہ سائی سے
تو سنگ آستان کعبہ جا ملتا جبینوں میں

 

[شمشاد]

نہ رہنماؤں کی مجلس میں لے چلو مجھے
میں بے ادب ہوں ہنسی آگئی تو کیا ہوگا
(احسان دانش)

 

[امین عاصم]

انا پرست بڑی مشکلوں سے مارے گئے
اذیتوں سے نہیں، بخششوں سے مارے گئے
(امین عاصم)

 

[شمشاد]

یوں ہی موسم کی ادا دیکھ کے یاد آیا ہے
کس قدر جلد بدل جاتے ہیں انساں جاناں
(احمد فراز)

 

[محمد بلال اعظم]

نابینا جنم لیتی ہے اولاد بھی اُن کی
جو قوم دیا کرتی ہے تاوان میں آنکھیں

 

[شمشاد]

​

نہ چھپا کہ زخم وفا ہے کیا، تری آرزؤں کی کتھا ہے کیا​

تری چارہ گر نہ یہ زندگی نہ جہان میرے قریب آ​

(اعتبار ساجد)​

 

[مہ جبین]

نظر لگے نہ کہیں اس کے دست و بازو کو
یہ لوگ کیوں مرے زخم جگر کو دیکھتے ہیں

 

[مہ جبین]

آگیا عین لڑائی میں اگر وقت نماز
قبلہ رو ہو کےزمیں بوس ہوئی قوم حجاز

 

[شمشاد]

آپ کو تھوڑی سی تاخیر ہو گئی، خیر کوئی بات نہیں۔​

​

​

نہیں بے حجاب وہ چاند سا کہ نظر کا کوئی اثر نہ ہو​

اسے اتنی گرمئ شوق سے بڑی دیر تک نہ تکا کرو​

(بشیر بدر)​