بیت بازی سے لطف اٹھائیں (3)

[مہ جبین]

وہ تو خوشبو ہے ہواؤں میں بکھر جائے گا
مسئلہ پھول کا ہے ، پھول کدھر جائے گا
پروین شاکر

 

[شمشاد]

​

اے دیکھنے والو مجھے ہنسہنس کہ نہ دیکھو​

تم کو بھی محبت کہیں مجھسا نہ بنا دے​

(بہزاد لکھنوی)​

 

[مہ جبین]

یاد ہیں غالب! تجھے وہ دن؟ کہ وجد و ذوق میں
زخم سے گرتا تو میں پلکوں سے چنتا تھا نمک
غالب

 

[شمشاد]

کيوں لب ِ التجا کو دوں جنبش
تم نہ مانو گے، اور نہ ماني ہے
(جوش ملیح آبادی)

 

[مہ جبین]

یہ اور بات ترک تعلق کے باوجود۔۔۔!
محسوس کی ہے تیری ضرورت کبھی کبھی

 

[شمشاد]

ناصر کاظمی کا شعر ہے اور کچھ اسطرح ہے :​

​

اے دوست ہم نے ترکِ محبت کے باوجود​

محسوس کی ہے تیری ضرورت کبھی کبھی​

------------------------------------------------------------------------------------------​

​

یاد آتا ہے روز و شب کوئی​

ہم سے روٹھا ہے بے سبب کوئی​

(ناصر کاظمی)

 

[مہ جبین]

یوں تو اے بزم جہاں! دلکش تھے ہنگامے ترے
اک ذرا افسردگی تیرے تماشاؤں میں تھی
اقبال
اوپر والا شعر درست نہیں تھا ۔ مجھ سے غلطی ہوگئی

 

[مہ جبین]

اصل میں اس طرح کی سرگرمیوں میں حصہ لئے ایک زمانہ بیت گیا تو ۔۔۔۔۔۔۔۔۔۔۔۔غلطی ہو جاتی ہے اور پھر اس کا احساس ہوتا ہے کہ کچھ غلط لکھ دیا ، یقیناً یہ ادبی ذوق رکھنے والوں کو گراں گزرتا ہوگا سو معذرت

 

[شمشاد]

مجھے اچھا نہیں لگتا یہ جو آپ ہر دفعہ معذرت چاہتی رہتی ہیں۔
کھیل ہے اس میں غلطیاں ہوتی ہی رہتی ہیں۔
--------------------------------------------------------------------------------

اُسی غزل کا ایک اور شعر :

یاد آتی ہیں دور کی باتیں
پیار سے دیکھتا ہے جب کوئی
(ناصر کاظمی)

 

[مہ جبین]

کھیل ہو یا زندگی کا کوئی بھی شعبہ، جب بھی اور جہاں بھی غلطی ہو جائے اس کو فوراً تسلیم کرلینا اچھا ہے

یہی آدم ہے سلطاں بحر و بر کا؟
کہوں کیا ماجرا اس بے بصر کا !
اقبال

 

[شمشاد]

غلطی تسلیم کرنا اور بات ہے اور معذرت طلب کرنا اور بات ہے۔​

------------------------------------------------------------------------------​

​

​

اے درد بتا کچھ تُو ہی بتا! اب تک یہ معمہ حل نہ ہوا​

ہم میں ہے دلِ بےتاب نہاں یا آپ دلِ دلِ بےتاب ہیں ہم​

(شاد عظیم آبادی)​

​

 

[سیدہ شگفتہ]

مت سہل ہمیں جانو ، پھرتا ہے فلک برسوں
تب خاک کے پردے سے انسان نکلتے ہیں

میر تقی میر

 

[مہ جبین]

میری ساری زندگی کو بے ثمر اس نے کیا
عمر میری تھی مگر اس کو بسر اس نے کیا
منیر نیازی

 

[سیدہ شگفتہ]

آج سچ بولتے رہنا کوئی آسان نہیں
لوگ تو لوگ ہیں ، آئینے مکر جاتے ہیں

سعید اظفر صدیقی

 

[مہ جبین]

نسل در نسل کے افکار غزل سے نکلا۔۔!
اتنی دیواروں سے میں اپنے عمل سے نکلا
منیر نیازی

 

[سیدہ شگفتہ]

اک اک کر کے ستاروں کی طرح ڈوب گئے
ہائے کیا لوگ مرے حلقہ احباب میں تھے

محسن احسان

 

[شمشاد]

یا مجھے افسرِ شاہانہ نہ بنایا ہوتا
یا میرا تاج گدایا نہ بنایا ہوتا
(بہادر شاہ ظفر)

 

[سیدہ شگفتہ]

اے ذوق ، کسی ہمدم دیرینہ کا ملنا
بہتر ہے ملاقات مسیحا و خضر سے

ذوق

 

[مہ جبین]

ادھر سے تیر جو آئے سجا لئے دل میں
نگاہ ناز پشیماں ہے آزما کے مجھے
حزیں صدیقی

 

[مہ جبین]

بیت بازی اس وقت زوروں پر ہے، ایک ہی لفظ پر 2 شعر ایک ساتھ