بیت بازی سے لطف اٹھائیں (3)

[محمد وارث]

جناب یہ حرف ہ سے آپ نے کیسے شعر دے دیا۔ آپ کو تو الف سے شعر دینا تھا۔
=================================================


نہ مدعی، نہ شہادت، حساب پاک ہوا
یہ خون خاک نشیاں تھا رزق خاک ہوا
(محسن نقوی)

میرے خیال میں یہ شعر فیض کا ہے

 

[عائشہ عزیز]

یہ ہی ہو ورد زباں '' یا عزیز! یا غفار ''
طلسم قلزم دوراں کو پار کرتے ہوئے

 

[شمشاد]

یاد کرتے ہو غیر کے اشعار
ہائے اس انتخاب نے مارا
(داغ)

 

[محمد شعیب خٹک]

امشب کسی کاکل کی حکایات ہیں واللہ
کیا رات ہے، کیا رات ہے، کیا رات ہے واللہ

 

[شمشاد]

ہم بڑے ناز سے آئے تھے تری محفل میں
کیا خبر تھی لبِ اظہار پہ تالے ہوں گے
(پرواز جالندھری)

 

[محمد شعیب خٹک]

یوں عرض و طلب سے کب اے دل، پتھر دل پانی ہوتے ہیں
تم لاکھ وفا کی خو ڈالو، کب خوئے ستمگر جاتی ہے

 

[شمشاد]

یہ سزا ملنی تھی لمحہ، رازداری کی تجھے
تیرے شعروں میں ترا ہر غم بیاں ہو جائے گا

 

[ناعمہ عزیز]

اے ہمسفر تجھے کیا خبر تیر ی راہ گزر میری سجدہ گاہ،
تیر اک نظر میر ی زندگی ،تیری بے رخی میری موت ہے۔

 

[شمشاد]

اے ہمسفر تجھے کیا خبر تیر ی راہ گزر میری سجدہ گاہ،
تیر اک نظر میر ی زندگی ،تیری بے رخی میری موت ہے۔

دوسرے مصرعے میں پہلا لفظ “تیر“ کی بجائے “تیری“ ہونا چاہیے۔

 

[شمشاد]

یہ اہلِ چشم یہ دارا و جَم سب نقش بر آب ہیں اے ہمدم
مٹ جائیں گے سب پروردۂ شب ، اے اہلِ وفا رہ جائیں گے ہم
(حبیب جالب)

 

[رانا]

مقیّد کردیا یہ کہہ کر سانپوں کو سپیروں نے
یہ انسانوں کو انسانوں سے ڈسوانے کا موسم ہے۔
(غالبآ پروین شاکر)

 

[عائشہ عزیز]

یہ غازی یہ تیرے پراسرار بندے
جنہیں تو نے بخشا ہے ذوقِ خدائی

 

[جٹ صاحب]

مکاری و عیاری و غداری و ہیجان
اب بنتا ہے ان چار عناصر سے مسلمان
قاری اسے کہنا تو بڑی بات ہے یارو!
اس نے کبھی کھول کے دیکھا نہیں قرآن
اقبال تیرے دیس کا کیا حال سناؤں
کردار کا گفتار کا اعمال کا مومن
قائل نہیں ایسے کسی جنجال کا مومن
سرحد کا ہے مومن کوئی بنگال کا مومن
ڈھونڈے سے بھی ملتا نہیں قرآن کا مومن
اقبال تیرے دیس کا کیا حال سناؤں

 

[شمشاد]

جٹ صاحب بیت بازی میں صرف ایک شعر لکھا جاتا ہے نہ کہ پوری غزل یا نظم لکھ دی جاتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔


نہ اب خودی کا پتہ ہے نہ بیخودی کا جگر
ہر ایک لطف کو لطفِ خدا نے لوٹ لیا
(جگر مراد آبادی)

 

[جٹ صاحب]

شمشاد بھائی نظم کے چند مصرعے تو لکھیں ہیں اگر ایک شعر لکھتا تو مزہ نہیں آتا۔

 

[شمشاد]

جٹ صاحب میں مانتا ہوں لیکن کھیل کے اصول کو مدنظر رکھنا چاہیے۔

آپ بڑے شوق سے شاعری پوسٹ کریں لیکن اس کے لیے مناسب زمرہ “میری پسند کی شاعری“ ہے۔

 

[رانا]

ارادے جن کے پختہ ہوں نظریں جن کی خدا پر ہوں
تلاطم خیز موجوں سے وہ گھبرایا نہیں کرتے

 

[جٹ صاحب]

جو حکم شمشاد بھائی

رکھتے ہیں جو اوروں کے لیے پیار کا جزبہ
وہ لوگ کبھی ٹوٹ کر بکھرا نہیں کرتے

 

[شمشاد]

آپ کو تو حرف ے سے شعر دینا تھا یہ حرف ر سے کیسے دے دیا۔

اور ہاں جذبہ ذ سے لکھتے ہیں نہ کہ ز سے۔

 

[شمشاد]

یارو مجھے معاف کرو میں نشے میں ہوں
اب تھوڑی دیر ساتھ چلو میں نشے میں ہوں
(حسرت جے پوری)