بیت بازی سے لطف اٹھائیں (3)

[شمشاد]

ایس آصف صاحب اردو محفل میں خوش آمدید۔

یہ بیت بازی کا دھاگہ ہے۔ بیت بازی کے اصول تو معلوم ہی ہوں گے۔

 

[شمشاد]

نگر نے معجزہ مانگا تیری محبت کا
تو جھوم جھوم کے صحراؤں سے اٹھا میرا دل

 

[تیشہ]

لب پہ ہے مے تلخی ایام ورنہ فیض
ہم تلخی کلام پہ مائل ذرا نہ تھے ۔

 

[راجہ صاحب]

یہ جو ہر طرف بے حسی چھا رہی ہے
زمانے کی اس کو ہوا کہہ رہے ہو
(ناہید ورک)

 

[تیشہ]

وہ جو خلقِ شہر میں مشہور تھا شعلہ صفت
آج اسکی مضطرب 'سرکش انا بھی سوگئی۔

 

[عمر سیف]

یہ سچ ہے پیار پہلا ہی بسا رہتا ہے سانسوں میں
یہ سچ ہے عمر بھر پہلی محبت یاد رہتی ہے

 

[راجہ صاحب]

یہ چراغ بے نظر ہے یہ ستارہ بے زباں ہے
ابھی تجھ سے ملتا جلتا کوئی دوسرا کہاں ہے

( بشیر بدر)

 

[شمشاد]

یہ مہ و نجوم کی روشنی ترے حسن کا پرتو بدل نہیں
ترا ہجر، شب کا سہاگ تھا، مرے غم کی مانگ بھری رہی
(سید نصیر الدین نصیر)

 

[راجہ صاحب]

یاس کی تاریکیوں میں‌ ڈوب جانے دو مجھے
اب میں‌شمعِ ‌آرزو کی لو بڑھا سکتا نہیں


ساحر

 

[شمشاد]

نیکیاں ہی کرنے میں عمر جو لگی تم کو
اس کو پھر جتانے میں وقت چاہیے کچھ تو
(نزھت عباسی)

 

[راجہ صاحب]

وہ جو ہم میں تم میں قرار تھا، تمہیں یاد ہو کہ نہ یاد ہو
وہی وعدہ یعنی نباہ کا، تمہیں یاد ہو کہ نہ یاد ہو

مومن خان مومن

 

[شمشاد]

وہ تَشبیہیں پہن کر آرہی ہے
حقیقت بَر محل کہنا پڑے گی

خِراج اَب اور کیا دینا ہے اُس کو
مُجھے تازہ " غزل" کہنا پڑے گی!
(محسن نقوی)

 

[محمد شعیب خٹک]

یہ عمر بھر کی مسافت ہے دل بڑا رکھنا
کہ لوگ ملتے بچھڑتے رہیں گے رستے میں

 

[فرخ منظور]

نہ آتے ہمیں اس میں تکرار کیا تھی
مگر وعدہ کرتے ہوئے عار کیا تھی
(علامہ اقبال)

 

[شمشاد]

یہ لاش بے کفن اسدِ خستہ جاں کی ہے
حق مغفرت کرے عجب آزاد مرد تھا
(چچا)

 

[عائشہ عزیز]

ایک ہو جائیں تو بن سکتے ہیں خورشیدِ مبیں
ورنہ ان بکھرے ہوئے تاروں سے کیا بات بنے

 

[محمد شعیب خٹک]

یہ بزم دیکھی ہے میری نگاہ نے کہ جہاں
بغیر شمع بھی جلتے رہے ہیں پروانے
(صوفی تبسم)

 

[شمشاد]

یوں عرض و طلب سے کب اے دل، پتھر دل پانی ہوتے ہیں
تم لاکھ رضا کی خو ڈالو، کب خوئے ستمگر جاتی ہے
(فیض)

 

[یونس عارف]

یہ جو زندگی کی کتاب ہے، یہ کتاب بھی کیا کتاب ہے
کہیں اک حسیں سا خواب ہے، کہیں جان لیوا عذاب ہے​

 

[جٹ صاحب]

اپنی ناقدری پہ مجھ کو انجان
ہائے کیا کیا نہ ہنر یاد آئے