بیت بازی سے لطف اٹھائیں (3)

[مہ جبین]

اس کو خوشیوں سے خوف آتا ہے
وہم کیا ذہن یار میں بیٹھا۔۔۔۔!
منیر نیازی

 

[شمشاد]

ایک لمحے کی عبادت کیا بلندی دے گئی
جیسے ہی سجدے سے اٹھا ، آسماں سے سر لگا
(منصور آفاق)

 

[عمر سیف]

اس کی باتیں بھی دلآویز ہیں صورت کی طرح
میری سوچیں بھی پریشاں مرے بالوں جیسی

 

[کاشف اکرم وارثی]

ابھی رات کچھ ہے باقی نہ اٹھا نقاب ساقی
تیرا رِند گرتے گرتے کہیں پھر سنبھل نا جائے​

​

( فیض احمد فیض)

 

[عمر سیف]

​

ابھی رات کچھ ہے باقی نہ اٹھا نقاب ساقی​

تیرا رِند گرتے گرتے کہیں پھر سنبھل نا جائے​

​

( فیض احمد فیض)

غالبا شعر ”ی” سے لکھنا تھا ۔۔

 

[شمشاد]

​

یوں عرق جلوہ گر ہے اس مونہہ پر​

جس طرح اوس پھول پر دیکھو​

(میر تقی میر)​

 

[امیداورمحبت]

وہ تو صدیوں کا سفر کرکے یہاں پہنچا تھا
تونے جس شخص کو منہ پھیر کے دیکھابھی نہیں
اسلم انصاری

 

[کاشف اکرم وارثی]

غالبا شعر ”ی” سے لکھنا تھا ۔۔

بس جناب کچھ لمحوں کی تاخیر ہوی کہ ایک دوست نے شعر پوسٹ کرڈالا

 

[شمشاد]

کوئی بات نہیں، جب کئی ایک اراکین بیت بازی میں کھیل رہے ہوں تو ایسا ہو ہی جاتا ہے۔​

------------------------------------------------------------------------------​

​

نقص نکلیں گے ماہِ کامل میں​

وہ اگر آگئے مقابل میں​

(میر مہدی مجروح)​

 

[امیداورمحبت]

یہ روشنی کے تعاقب میں بھاگتا ہوا دن
جو تھک گیا ہے تو اب اس کو مختصر کردے

 

[شمشاد]

یہ کس مقام پر حیات مجھ کو لے کے آ گئی
نہ بس خوشی پہ ہے جہاں نہ غم پہ اختیار ہے

 

[کاشف اکرم وارثی]

یہاں کسی کو بھی کچھ حسبِ آرزو نہ ملا​

کسی کو ہم نہ ملے اور ہم کو تو نہ ملا​

​

( طفر اقبال)

 

[محمد بلال اعظم]

ایک اور دریا کا سامنا تھا منیر مجھ کو
میں ایک دریا کے پار اترا تو میں نے دیکھا

 

[شمشاد]

آ پلا مئے اسرارِ سکون و جنبش
اے بہ تمکین حرمِ قُدس و بہ شوخی آہو
(جوش)

 

[سید تراب کاظمی]

مینے تڑپ کرکھا بہت یاد آتے ہو،
وہ مٌسکرا کر بولے تمھیں اور آتا ہی کیا ے:!!!

 

[شمشاد]

تراب بیٹے آپ کو تو حرف و سے شعر دینا تھا۔ اب پھر سے کوئی اچھا سا شعر ڈھونڈو جو حرف واؤ سے شروع ہوتا ہو۔

 

[عمر سیف]

تراب بیٹے آپ کو تو حرف و سے شعر دینا تھا۔ اب پھر سے کوئی اچھا سا شعر ڈھونڈو جو حرف واؤ سے شروع ہوتا ہو۔

وہ مجھ سے پیار نہ کرتا تو اور کیا کرتا
کہ دشمنی میں بھی شدت اُسی لگاؤ کی تھی

 

[شمشاد]

یہ رشک ہے کہ وہ ہوتا ہے ہم سخن تم سے
وگرنہ خوفِ بد آموزیِ عدو کیا ہے
(چچا)

 

[عمر سیف]

یہ اتنی رات گئے کون دستکیں گے گا
کہیں ہوا کا ہی اُس نے نا روپ دھارا ہو

 

[شمشاد]

ضبط، آپ کے دیئے ہوئے شعر کے پہلے مصرعے میں گڑبڑ لگ رہی ہے۔
----------------------------------------------------------------

واں کُنگرِ استغنا ہر دم ہے بلندی پر
یاں نالے کو اور اُلٹا دعوائے رسائی ہے
(چچا)