بیت بازی سے لطف اٹھائیں (3)

[شمشاد]

ان چراغوں میں تیل ہی کم تھا
کیوں گِلہ پھر ہمیں ہوا سے رہے
(جاوید اختر)

 

[مہ جبین]

یوں ہی میں دل کو پیام شکیب دیتا ہوں
شب فراق کو گویا فریب دیتا ہوں
اقبال

 

[شمشاد]

نور کا تن ہے، نور کے کپڑے، اس پر کیا زیور کی چمک ہے
چھلے، کنگن، اِکّے، جوشن، ماشاء اللہ! ماشاء اللہ!
(امیر مینائی)

 

[مہ جبین]

ہے زمین قرطبہ بھی دیدہء مسلم کا نور
ظلمت مغرب میں جو روشن تھی مثل شمع طور
اقبال

 

[شمشاد]

رات نکلی ہیں پرانی کئی چیزیں اس کی
اور کچھ خواب کے کمرے سے بھی ساماں نکلا
(منصور آفاق)

 

[مہ جبین]

آیا نہ میرے کام کمال مصوری
تصویر تیری لاکھ بنائی بنی نہیں
حزیں صدیقی

 

[شمشاد]

نہ رہنماؤں کی مجلس میں لے چلو مجھے
میں بے ادب ہوں ہنسی آگئی تو کیا ہوگا
(احسان دانش)

 

[مہ جبین]

آہ کو چاہئے اک عمر اثر ہونے تک۔۔۔۔۔!
کون جیتا ہےتیری زلف کے سر ہونے تک
غالب

 

[شمشاد]

کوئی حسرت بھی نہیں ، کوئی تمنا بھی نہیں
دل وہ آنسو جو کسی آنکھ سے چھلکا بھی نہیں
(احمد راہی)

 

[مہ جبین]

نازکی اس کے لب کی کیا کہئے
پنکھڑی اک گلاب کی سی ہے
میر تقی میر

 

[شمشاد]

یا گرمئی بازار تھی یا خوف زبان تھا
پھر بیچ دیا مجھ کو خریدار نے میرے
(احمد فراز)

 

[مہ جبین]

یوں قیامت تک نہ طے ہوگا خلا کا سلسلہ
منسلک ان سے کرو ذہن رسا کا سلسلہ
حزیں صدیقی

 

[شمشاد]

ہر اک مکان کو ہے مکیں سے شرف اسد
مجنوں جو مر گیا ہے تو جنگل اداس ہے
(چچا)

 

[تبسم]

یہ بات عیاں ہے دنیا پر ہم پھول بھی ہیں تلوار بھی ہیں
یا بزم جہاں مہکائیں گے یا خوں میں نہا کر دم لیں گے

 

[شمشاد]

بہت اچھا شعر ہے۔ شاعر کون ہے؟
----------------------------------------------------------------------

یک قدم وحشت سے درسِ دفتر امکاں کھلا
جادہ، اجزائے دو عالم دشت کا شیرازہ تھا
(چچا)

 

[امیداورمحبت]

اتنے چپ چاپ کے رستے بھی رہیں لاعلم
چھوڑ جائیں گے کسی روز نگر شام کے بعد۔۔۔۔۔۔۔۔۔۔۔

 

[شمشاد]

دل سے نکلا، پہ نہ نکلا دل سے
ہے تیرے تیر کا پیکان عزیز
(چچا)

 

[کاشف اکرم وارثی]

زمانے پر عیاں سب بھید کرتی ہے
کروں جب یاد تو یہ سانس رکتا ہے
یہ دل تھم تھم کے چلتا ہے
کوئی تو بات ایسی تھی​

 

[مہ جبین]

یہ راز خاص مجھ پہ کبھی آشکار کر
مجھ کو بھی اپنے دل کا کبھی رازدار کر
منیر نیازی

 

[شمشاد]

رتجگے اوڑھ کے گلیوں کو پہن کے منصور
جو شبِ تار سے نکلا وہ فروزاں نکلا
(منصور آفاق)