بچوں کا جلد سے جلد کتاب سے تعارف کروانا کیوں ضروری ہے؟

محمداحمد نے 'مطالعہ کتب' کی ذیل میں اس موضوع کا آغاز کیا، ‏جولائی 17, 2019

  1. محمداحمد

    محمداحمد لائبریرین

    مراسلے:
    23,101
    جھنڈا:
    Pakistan
    موڈ:
    Amazed
    بچوں کا جلد سے جلد کتاب سے تعارف کروانا کیوں ضروری ہے؟
    ندا ملجی

    بچپن کے دنوں میں میرے کچھ ایسے بھی دوست تھے جو رات کو والدین سے چھپ کر بستر میں کتابوں کا مطالعہ کیا کرتے تھے، حالانکہ ان کتابوں کا مواد بھی ذرا بھی غیر مناسب نہیں تھا بلکہ یہ کتابیں اسکول کی لائبریری سے حاصل کی جاتیں تھیں جن کے موضوعات مرکزی دھارے کے ادب سے متعلق ہوتے۔ آج میں سوچتی ہوں کہ آخر والدین کیونکر بچوں کو مطالعے جیسے اچھے کام سے روکا کرتے تھے۔

    گرمیوں کی چھٹیوں میں جب زیادہ تر بچوں کو معمول کی مصروفیت سے وقفہ مل جاتا ہے اور اس دوران انہیں مطالعے کے لیے کافی فارغ وقت مل سکتا ہے، اس عادت کو پیدا کرنے کا یہی اچھا وقت ثابت ہوسکتا ہے۔

    کئی گھرانوں میں مخصوص سماجی سوچ موجود ہوتی ہے جس کے باعث وہ اپنے بچوں کو بہتر سے بہتر تعلیم تو دلوانا چاہتے ہیں، اور بعدازاں وہ افراد بڑی خوشی کے ساتھ اپنے بچے کی اسکول میں شاندار کارکردگی کا تذکرہ بھی کرتے دکھائی دیں گے مگر ساتھ ہی ساتھ وہ یہ بھی چاہیں گے کہ بچے کے ذہن اور تجسس کا دائرہ محدود ہی رہے۔

    ایسا کیوں ہے کہ ہمارے بچے اسکول میں تو بہت ہی شاندار نتائج حاصل کرتے ہیں لیکن کسی قسم کے مباحثے میں تعمیری حیثیت میں حصہ لینے کے قابل نہیں ہوتے؟ ان میں سے کئی بچے اپنے اساتذہ، والدین، گھروالوں اور دوستوں کے آگے بولنے سے اتنا گھبراتے کیوں ہیں؟ شاید اس کی وجہ یہ ہے کہ ہم اپنے بچے کو ہر قسم کا ادب پڑھنے کی اجازت نہیں دیتے۔ ہمیں ان کے مطالعے کے دائرے پر اپنا ضابطہ قائم رکھنا پسند ہے کیونکہ ہم ڈرتے ہیں کہ کہیں وہ ایسی ویسی چیز نہ پڑھ لیں کہ جس سے آگے چل کر وہ سماجی رکاوٹوں کو عبور کرنے لگیں اور اپنی رائے کا کھل کر اظہار کریں۔

    مطالعے کا اپنا ہی لطف ہے اور یہ ذہنی صحت کے لیے اسی طرح اہم ہے جس طرح جسم کے لیے خوراک اور غذائیت۔ ہماری زندگی میں شاید ہی ایسی کوئی چیز ہو جو بستر میں ایک اچھی کتاب کے مطالعے سے ملنے والے طمانیت کے احساس کا متبادل ہوسکے۔ ویسے آج کل لوگوں کی ایک بڑی تعداد ای-بکس کا مطالعہ تو کرتی ہے لیکن آج بھی ہمیں 'حقیقی' کتابوں کی اہمیت ہر جگہ واضح طور پر نظر آتی ہے۔

    سچ تو یہ ہے کہ 90 فیصد ای بک مالکان کا کہنا ہے کہ وہ ای بکس کے مطالعے سے زیادہ پیپر بیک ہی پڑھتے ہیں۔ بریکلے کی کیلی فورنیا یونیورسٹی کی تحقیق کے مطابق جن بچوں کو جتنا جلدی کتابوں سے متعارف کروایا گیا، یا جنہیں ایک سے تین برس کی عمر میں والدین نے کتاب پڑھ کر سنائی، انہوں نے زندگی میں آگے چل کر ذہانت کے امتحانوں میں بہت زیادہ نمبر حاصل کیے۔

    بچے ٹی وی دیکھنے سے زیادہ کتابوں سے نئے الفاظ سیکھتے ہیں۔ کتابوں میں چھپی تصاویر ان پر علمی دنیا کے دروازے کھولتی ہیں، تجسس کو جنم دیتی ہیں، ذہن کو مختلف زاویوں سے سوچنے پر مجبور کرتی ہیں اور بچوں سے کچھ اس انداز میں گفتگو کرتی ہیں کہ جو ان کے سوچنے کے عمل، شناخت، زندگی میں ان کے مقام اور کردار میں گہرائی کے ساتھ پیوست ہوجاتی ہے۔

    تو پھر ہم کیوں اپنے بچوں کو کتاب پڑھ کر سنانے کی عادت اتنی دیر سے اختیار کرتے ہیں؟ بطور ایک استاد میں ایسے سیکڑوں والدین سے مل چکی ہوں جو اکثر یہ شکایت کرتے ہیں کہ ان کے بچے کو مطالعے کا شوق نہیں ہے اور وہ ایک کتاب بھی ختم نہیں کرپاتا۔ یہ سن کر میں ان سے پوچھتی ہوں کہ انہوں نے اپنے بچے کا پہلی بار کتاب سے تعارف کب کروایا؟ اس پر اکثر یہ جواب ملتا ہے کہ جب بچے نے اسکول جانا شروع کیا۔

    یہی وجہ ہے کہ بچوں کی کتاب سے وابستگی کی وجہ بالکل ہی مختلف ہوجاتی ہے، دراصل ایسے بچے کتاب کو اسکول کے تعلیمی دباؤ اور سخت محنت سے وابستہ کردیتے ہیں، جبکہ وہ بچے جن کے والدین ان کی پیدائش کے بعد سے کہانیاں پڑھ کر سناتے ہیں، وہ کتابوں کو والدین کے ساتھ گہرے رشتے، گھروالوں کے ساتھ گزرے وقت کی یادوں اور تجربات کے تبادلے سے منسلک کرتے ہیں۔ یہ وہ بچے ہیں جو مطالعے سے خالص خوشی حاصل کرتے ہیں اور یہ خوشی ان کے اندر گہرائی تک بسی ہوتی ہے۔

    تحقیق کے مطابق جن بچوں کو وقت گزاری کے لیے مطالعہ کرنے کی عادت ہوتی ہے، ان میں اکیلے پن اور ڈپریشن لاحق ہونے کے امکانات بہت ہی کم ہوتے ہیں، خاص طور پر ان بچوں کے مقابلے میں تو بہت ہی کم جنہوں نے اپنے اندر مطالعے کی عادت پیدا نہیں کی ہوتی ہے۔

    مطالعہ جواں سال افراد کو پُرسکون رکھنے میں مدد کرتا ہے، انہیں اپنی قدر جاننے کا احساس پیدا کرنے میں مدد کرتا ہے، دیگر لوگوں کے لیے ہمدردی کے جذبات پیدا کرتا ہے، ذہنی صلاحیتوں میں تقویت پہنچاتا ہے، زندگی میں آگے چل کر الزائمر جیسی بیماریوں کے امکانات کو کم کرتا ہے، ہمدردی اور سخاوت سکھاتا ہے، زندگی کو دیکھنے کے لیے ایک سے زائد زوایے فراہم کرتا ہے۔ مطالعے کے فوائد بے تحاشا ہیں، شاید آم کھانے کے فوائد سے بھی زیادہ۔

    آخر کیوں والدین بچے کے ابتدائی برسوں کے دوران تربیت و پرورش کے اس اہم پہلو پر زیادہ دھیان نہیں دیتے؟ حالانکہ مطالعہ بچے اور والدین کے درمیان رشتے کی مضبوطی میں اہم کردار ادا کرتا ہے لیکن اس کے باوجود چند والدین سمجھتے ہیں کہ بچوں کو مطالعہ کی طرف راغب کرنا صرف اور صرف اساتذہ کا کام ہے۔

    اسکولیسٹک ایجوکیشن ریسرچ فاؤنڈیشن (Scholastic Education Research Foundation) کی جانب سے بچوں پر کی جانے والی تحقیق میں یہ پایا گیا کہ 4 سے 10 برس کے 80 فیصد بچوں کو گھروں میں باآواز بلند مطالعے کا رجحان پسند ہے اور پورے دن میں یہی ان کا پسندیدہ وقت ہوتا ہے کیونکہ اس دوران وہ اپنے والدین کے ساتھ خصوصی وقت گزارتے ہیں۔

    کئی بچوں کے لیے ایک ایسا شخص مطالعے کے لیے ترغیب کا باعث بنتا ہے جو کہانیوں پر ہونے والی گفتگو میں دلچسپی ظاہر کرتا ہے۔ بچوں کو صرف مطالعہ ہی پسند نہیں ہوتا بلکہ انہیں کہانی دہرانے کا بھی کافی شوق ہوتا ہے۔

    مطالعے سے شغف کو ایک تنہائی پسند سرگرمی سمجھنا بالکل بھی ٹھیک نہیں۔ کسی کہانی کے بارے میں اگر ایک بچہ جو کچھ سوچتا ہے اس پر والدین اگر دلچسپی ظاہر کریں اور کہانی کے حوالے سے اس کے نکتہ نظر کو سنیں تو اس طرح بچے میں تجزیاتی صلاحیت پیدا ہوگی اور اپنی رائے دیگر لوگوں تک پہنچانے کے لیے اعتماد حاصل ہوگا۔

    یہ مضمون 11 جولائی 2019ء کو ڈان اخبار میں شائع ہوا۔
     
    • پسندیدہ پسندیدہ × 10
    • زبردست زبردست × 4
    • معلوماتی معلوماتی × 2
  2. کامران عاشر

    کامران عاشر محفلین

    مراسلے:
    534
    جھنڈا:
    Pakistan
    موڈ:
    Busy
    چھوٹے بچوں کے نصابی کتب سے بھرے بیگ دیکھ کر ہی خوف آتا ہے ، بھلا نصابی کتب کے انبار کی موجودگی میں ان کو غیر نصابی مطالعہ کی راغب کرنا آسان نہیں
     
    • متفق متفق × 1
  3. محمد تابش صدیقی

    محمد تابش صدیقی منتظم

    مراسلے:
    26,363
    جھنڈا:
    Pakistan
    موڈ:
    Breezy
    مسز نے اور میں نے سلسلہ شروع کیا ہے کہ جہاں اچھی سٹوری بکس نظر آئیں، چاہے اردو ہوں یا انگریزی، خرید کر حفصہ کی لائبریری میں ایڈ کر دیتے ہیں۔
    ابھی خود نہیں پڑھ سکتی، اس لیے مسز رات کو کسی ایک سٹوری بک سے کہانی سنا دیتی ہیں۔ خواہش یہی ہے کہ کتاب سے رابطہ بنے اور شوق پیدا ہو۔
    حذیفہ بھی ساتھ ساتھ ہی دلچسپی لے رہا ہے۔ :)
     
    • پسندیدہ پسندیدہ × 8
    • زبردست زبردست × 4
  4. جاسمن

    جاسمن مدیر

    مراسلے:
    15,013
    جھنڈا:
    Pakistan
    موڈ:
    Fine
    الحمداللہ بچوں کو بہت چھوٹی عمر سے کہانیاں سنانی شروع کیں۔ خود سے بھی اور کتابوں سے بھی۔
    بیٹا تو بہت پڑھتا ہے ماشاءاللہ۔ اردو انگریزی دونوں زبانوں میں۔
    سکول کی لائبریری کی ساری کتب پڑھنے والا پوری تاریخ میں پہلا بچہ۔ سکول کے سب اساتذہ اسے اس حوالہ سے بھی جانتے ہیں۔ اب بھی اپنے ہم جماعت اور اساتذہ سب میں کتابیں بانٹتا نظر آتا ہے۔ شیلف میں کتابیں کم نظر آتی ہیں تو اماں ناراض ہوتی ہیں کہ ضرور دیا کرو۔ بہت اچھی بات ہے لیکن واپس بھی لیا کرو۔
    سنٹرل لائبریری میں ممبر شپ بھی ہے دونوں کی۔ جب یہ لوگ ابھی فرمائشیں کرنا نہیں شروع ہوئے تھے، تب بھی میں بہت کتابیں لایا کرتی تھی۔ جہاں نظر آگئیں، اور جتنی نظر آگئیں۔کتابوں کے سلسلہ میں نے کبھی پیسوں کا حساب نہیں کیا۔ ڈاک سے منگوا رہی ہوں۔ پرانی کتابیں، نئی کتابیں۔
    پہلے خود پڑھ کے دیتی تھی لیکن پھر یہ بہت مشکل لگنے لگا۔ اب خود پڑھتا ہے۔ کئی اساتذہ متاثرین میں شامل ہیں۔ انگریزی والے کہتے ہیں کہ انھوں نے اتنا پڑھنے والا بچہ نہیں دیکھا۔ اور یہ کہ ایم فل کے کئی طلباء سے زیادہ پڑھا ہے اس بچہ نے۔ تاریخ، اسلامیات، اردو اور انگریزی کے ساتھ اس مرتبہ فزکس کے استاد بھی متاثر نظر آئے۔
    محمد، ایمی اور میری تینوں کی الگ الگ شیلفیں ہیں۔ ایمی کی تھوڑی بچوں والی ہیں۔ وہ نسبتاً کم پڑھتی ہے۔
    لکھتا بھی ہے۔ اردو میں ایک بہت بڑی کہانی لکھی تھی۔ اب انگریزی میں ایک ناویلا لکھا ہے۔
     
    • زبردست زبردست × 5
    • پسندیدہ پسندیدہ × 4
  5. سید عمران

    سید عمران محفلین

    مراسلے:
    14,945
    جھنڈا:
    Pakistan
    یہ بہت اچھا کیا ہے!!!
     
    • دوستانہ دوستانہ × 1
  6. محمداحمد

    محمداحمد لائبریرین

    مراسلے:
    23,101
    جھنڈا:
    Pakistan
    موڈ:
    Amazed
    اسی لئے مضمون نگار کا کہنا ہے کہ بچوں کو اسکول اور بستے سے شناسائی سے پہلے کتابوں سے تعارف کروایا جائے تاکہ کتابیں اُن کے لئے ایک مثبت اور دلچسپ شے بن سکیں۔

     
    • پسندیدہ پسندیدہ × 2
    • متفق متفق × 1
  7. یاقوت

    یاقوت محفلین

    مراسلے:
    550
    موڈ:
    Breezy
    یقین کریں اگر بچپن میں کتاب کا نشہ دماغ کی رگوں میں صحیح طور پر اتر گیا تو ہمسفر زندگی کیلئے کتاب "سوتن" کی صورت اختیار کر جائے گی۔
     
    • پر مزاح پر مزاح × 4
  8. محمد تابش صدیقی

    محمد تابش صدیقی منتظم

    مراسلے:
    26,363
    جھنڈا:
    Pakistan
    موڈ:
    Breezy
    ہمیں پہلے ہی یہ علم الیقین محمد وارث بھائی کروا چکے ہیں۔
     
    • پر مزاح پر مزاح × 4
    • زبردست زبردست × 1
  9. محمداحمد

    محمداحمد لائبریرین

    مراسلے:
    23,101
    جھنڈا:
    Pakistan
    موڈ:
    Amazed
    بہت خوب!

    کون سی کلاس میں ہیں حفصہ؟
     
    • پسندیدہ پسندیدہ × 3
  10. یاقوت

    یاقوت محفلین

    مراسلے:
    550
    موڈ:
    Breezy
    جی ہمارا بچپن بھی غیر نصابی کتابوں میں حد سے زیادہ دلچسپی کی وجہ سے مار کھاتے کھاتے گزرا ہے۔
    پر یہ نشہ ہی عجیب ہے ۔۔۔۔
    اترتی ہی نہیں کافر "دماغ" کو چڑھی۔
     
    • پسندیدہ پسندیدہ × 1
    • پر مزاح پر مزاح × 1
  11. محمداحمد

    محمداحمد لائبریرین

    مراسلے:
    23,101
    جھنڈا:
    Pakistan
    موڈ:
    Amazed
    ماشاءاللہ !

    زبردست!
     
    • دوستانہ دوستانہ × 1
  12. محمد تابش صدیقی

    محمد تابش صدیقی منتظم

    مراسلے:
    26,363
    جھنڈا:
    Pakistan
    موڈ:
    Breezy
    اب ریسیپشن 2 (کے جی 2) میں جائے گی۔
     
    • پسندیدہ پسندیدہ × 2
  13. یاقوت

    یاقوت محفلین

    مراسلے:
    550
    موڈ:
    Breezy
    میں اس وقت پانچویں کلاس میں پڑھتا تھا ہماری کلاس کے دو دروازے تھے میں دوسرے دروازے کے ساتھ بیٹھا ہواتھا۔استاد صاحب جماعت کو انگلش کا سبق دی بیلون پڑھا رہے تھے اور ہم کتاب کھولے شان بے نیازی سے کتاب میں ہی ایک کہانی رکھے اسمیں غرق تھے ناگاہ پرنسپل صاحب کا وہاں سے گزر ہوا ہمیں تو تب پتا چلا جب قیامت ہماری پشت پر گر چکی تھی۔اس دن ہماری کیا درگت بنی اس سے اندازہ لگائیں کہ کئی دن تک ہم سیدھے ہو کر بیٹھ نہ پائے اور جو گھر سے عزت افزائی ہوئی سو الگ۔:p:p:p:p:p:p
    لیکن اس سب کے باوجود غیر نصابی مطالعہ ہم سے نہ چھوٹ سکا استاد مار مار کر تھک گئے گھر والے سمجھا سمجھا کر لیکن ہم نہ تھکے۔
     
    آخری تدوین: ‏جولائی 17, 2019
    • پر مزاح پر مزاح × 3
    • پسندیدہ پسندیدہ × 1
  14. زیک

    زیک محفلین

    مراسلے:
    39,170
    جھنڈا:
    UnitedStates
    موڈ:
    Bookworm
    کتابیں پڑھنے کے بہت فوائد ہیں اور بچوں کو کم عمر سے کہانیاں پڑھنے کی طرف راغب کرنا چاہیئے۔ لیکن یہ تحقیق کچھ صحیح نہیں لگتی کہ اس میں دوسرے ویریبل بھی آ جاتے ہیں۔ مثلاً ایک تحقیق ہے کہ جن بچوں کے گھر زیادہ کتب ہوں چاہے وہ انہوں نے پڑھی ہوں یا نہیں وہ زیادہ ذہین نکلتے ہیں۔ یہاں والدین اور ماحول کا رول پڑھنے سے زیادہ لگ رہا ہے
     
    • پسندیدہ پسندیدہ × 4
    • معلوماتی معلوماتی × 1
  15. جاسمن

    جاسمن مدیر

    مراسلے:
    15,013
    جھنڈا:
    Pakistan
    موڈ:
    Fine
    ناویلا کے بارے میں مجھے پہلے بالکل پتہ نہیں تھا۔ محمد سے پوچھا تو اس نے بتایا کہ یہ ناول کا بچہ ہوتا ہے:D
    ناول سے چھوٹا اور چھوٹی کہانی سے بڑا ۔:)
     
    • زبردست زبردست × 2
    • پسندیدہ پسندیدہ × 1
    • معلوماتی معلوماتی × 1
  16. محمد تابش صدیقی

    محمد تابش صدیقی منتظم

    مراسلے:
    26,363
    جھنڈا:
    Pakistan
    موڈ:
    Breezy
    اردو میں ناولٹ ہی لکھا جاتا ہے۔
     
    • پسندیدہ پسندیدہ × 1
    • متفق متفق × 1
  17. زیک

    زیک محفلین

    مراسلے:
    39,170
    جھنڈا:
    UnitedStates
    موڈ:
    Bookworm
    نوویلا بولتے ہیں انگریزی میں۔ اردو میں ناولٹ رائج ہے۔

    کبھی ٹیلی نوویلا دیکھا؟
     
    • معلوماتی معلوماتی × 2
  18. میم الف

    میم الف محفلین

    مراسلے:
    303
    جھنڈا:
    Pakistan
    موڈ:
    Fine
    بچوں کا جلد سے جلد کتاب سے تعارف مت کروائیں۔
    کیونکہ اگر بچے شرارتی ہوئے تو کاغذ پھاڑ کر بال بنا لیں گے،
    اور کتاب کی جِلد موٹی ہوئی تو اس کا بیٹ بنا کر چھکے چوکے ماریں گے۔
    جب ہم چھوٹے تھے تو یہ ہمارا فیورٹ گیم تھا (لنچ بریک میں)
     
    • پر مزاح پر مزاح × 5
  19. جاسمن

    جاسمن مدیر

    مراسلے:
    15,013
    جھنڈا:
    Pakistan
    موڈ:
    Fine
    اچھا!
    میں نے پھر کچھ تفصیل پڑھیں تو مجھے پتہ چلا کہ نوویلا اور ناولٹ میں بھی کچھ فرق ہے۔
    بہرحال میں نے ٹیلی نوویلا نہیں دیکھا۔:)
     
    • پسندیدہ پسندیدہ × 1
  20. محمداحمد

    محمداحمد لائبریرین

    مراسلے:
    23,101
    جھنڈا:
    Pakistan
    موڈ:
    Amazed
    چلیے مانوس تو ہو گئے نا کتاب سے۔ :)
     
    • پسندیدہ پسندیدہ × 1

اس صفحے کی تشہیر