سترھویں سالگرہ ا ب پ سے ترتیب وار اشعار کا سلسلہ

[محمد عدنان اکبری نقیبی]

السلام علیکم
آپ محفلین کو اردو محفل فورم کی سترھویں سالگرہ بہت مبارک ہو۔
سالگرہ کی مناسبت سے یہ تفریح سلسلہ شروع کر رہے ہیں۔اس لڑی ا ب پ کی ترتیب سےاشعار پیش کریں۔

 

[محمد عدنان اکبری نقیبی]

ایک ہمیں آوارہ کہنا کوئی بڑا الزام نہیں
دُنیا والے دل والوں کو اور بہت کُچھ کہتے ہیں

حبیب جالب

 

[علی وقار]

بے خودی بے سبب نہیں غالب
کچھ تو ہے جس کی پردہ داری ہے

 

[محمد عدنان اکبری نقیبی]

پہلے سے مراسم نہ سہی پھر بھی کبھی تو
رسم و رہِ دنیا ہی نبھانے کے لئے آ

 

[محمد عبدالرؤوف]

تیرے محیط میں کہیں گوہرِ زندگی نہیں
ڈھونڈ چکا میں موج موج، دیکھ چکا صدف صدف
سیما علی گُلِ یاسمیں

 

[محمد عدنان اکبری نقیبی]

ٹوٹا تو ہوں مگر ابھی بکھرا نہیں فراز
میرے بدن پہ جیسے شکستوں کا جال ہو

 

[محمد عبدالرؤوف]

ثبوت یہ ہے محبت کی سادہ لوحی کا
جب اس نے وعدہ کیا ہم نے اعتبار کیا

 

[محمد عدنان اکبری نقیبی]

جب تیری یاد میں مصرعہ کوئی لکھنے بیٹھا
میں نے کاغذ پہ بھی چھالوں کا گلستاں دیکھا
تو نے دیکھا ہے منڈیروں پہ چراغوں کو فقط
میں نے جلتا ہوا ہر دور میں انساں دیکھا

 

[فہد اشرف]

چرچا رہے گا اس کا تا حشر مے کشاں میں
خوں ریزی کی ہماری رنگین داستاں ہے
میر

 

[محمد عدنان اکبری نقیبی]

حیات لے کے چلو، کائینات لے کے چلو
چلو تو سارے زمانے کو ساتھ لے کے چلو

 

[محمد عبدالرؤوف]

خوف ناکامئ امید ہے فیض
ورنہ دل توڑ دے طلسم مجاز

 

[محمد عدنان اکبری نقیبی]

دائم آباد رہے گی دنیا
ہم نہ ہونگے کوئی ہم سا ہو گا

ناصرکاظمی

 

[محمداحمد]

ڈالی ہے اس خوش فہمی نے مجھ کو سونے کی عادت
نکلے گا جب سورج تو خود مجھ کو آن جگائے گا

شاعر: نامعلوم

 

[محمد عبدالرؤوف]

ڈوب سکتی ہے یہ کشتی تری سرگوشی سے
اے مرے خواب، مرے حامی و ناصر، خاموش!!!!

 

[یاسر شاہ]

رات یوں دل میں تری کھوئی ہوئی یاد آئی
جیسے ویرانے میں چپکے سے بہار آ جائے
فیض

 

[محمداحمد]

زندگی یوں ہوئی بسر تنہا
قافلہ ساتھ اور سفر تنہا

شاعر نامعلوم

نوٹ: دراصل شاعر نامعلوم نہیں ہے البتہ ان کا نام میرے ذہن سے نکل گیا ہے۔ معروف غزل کا شعر ہے ذرا سی سعی گوگل سرچ پر کی جائے تو مل جائے گا۔ لیکن بیت بازی میں چونکہ وقت کم ہوتا ہے اس لئے کام چوری سے کام لے رہا ہوں۔ آئندہ کے لئے بھی یہ بات ذہن میں رکھی جائے۔

 

[محمداحمد]

زندگی یوں ہوئی بسر تنہا
قافلہ ساتھ اور سفر تنہا

ویسے تجسس نے گلزار صاحب تک پہنچا دیا۔

 

[محمد عبدالرؤوف]

ژولیدہ مو و چاک گریباں سب اہلِ دل
کوئی تو اس قبیلے میں عاقل بھی چاہئے

 

[محمداحمد]

سبھی کو جان تھی پیاری سبھی تھے لب بستہ
بس اِک فراز تھا ظالم سے چُپ رہا نہ گیا

احمد فراز

 

[محمد عدنان اکبری نقیبی]

شب ہجر میں کیا ہجوم بلا ہے
زباں تھک گئ مرحبا کہتے کہتے

مومن خان مومن