سترھویں سالگرہ ا ب پ سے ترتیب وار اشعار کا سلسلہ

[محمد عبدالرؤوف]

بس اے شمع! کر فکر اپنی ذرا
انہی چار آنسو پہ اتنا گھمنڈ

انشا اللہ خان انشا

 

[محمداحمد]

پہلی بارش بھیجنے والے
میں تیرے درشن کا پیاسا تھا

ناصر کاظمی

 

[محمد عبدالرؤوف]

تو نے یہ کیا غضب کیا مجھ کو بھی فاش کر دیا
میں ہی تو ایک راز تھا سینۂ کائنات میں

علامہ محمد اقبال

 

[محمداحمد]

ٹک حرص و ہوا کو چھوڑ میاں مت دیس بدیس پھرے مارا
قزاق اجل کا لوٹے ہے دن رات بجا کر نقارا

نذیر اکبر آبادی

 

[سیما علی]

ثبوت عشق کی یہ بھی تو ایک صورت ہے
کہ جس سے پیار کریں اس پہ تہمتیں بھی دھریں

قتیل شفائی

 

[سیما علی]

جس مٹکے سے پیاس بجھائی
اس میں مٹی گھول رہے ہیں
علامہ طالب جوہری

 

[سیما علی]

چتونوں سے ملتا ہے کچھ سراغ باطن کا
چال سے تو کافر پہ سادگی برستی ہے
یگانہ چنگیزی

 

[سیما علی]

حرم کی آبرو لٹتی رہے گی
یہاں بھی غزنوی آتے رہے ہیں
قابل اجمیری

 

[یاسر شاہ]

خدا تجھے کسی طوفاں سے آشنا کر دے
کہ تیرے بحر کی موجوں میں اضطراب نہیں
اقبال

 

[سیما علی]

دل دے تو اس مزاج کا پروردگار دے
غم کی گھڑی کو بھی ہنس کر گزار دے

 

[محمد عبدالرؤوف]

ڈرتے ہیں چشم و زلف و نگاہ و ادا سے ہم
ہر دم پناہ مانگتے ہیں ہر بلا سے ہم

داغ دہلوی

 

[محمد عدنان اکبری نقیبی]

ذرا میں زخم لگائے، ذرا میں دے مرہم
بڑے عجیب روابط مرے صبا سے ہیں

خورشید رضوی

 

[محمد عبدالرؤوف]

روح فرہاد بھی خوش ہو کے مٹھائی بانٹے
گر سنے تجھ لب شیریں ستی گالی اے شوخ

سراج الدین اورنگ آبادی

 

[سیما علی]

ڑ سے شعر بنا کر ہم نے
حیراں سب کو کر ڈالا ہے

 

[سیما علی]

” ڑ کے اوپر ط ہوتی ہے جناب یقین نہ آئے تو دکھادوں کتاب ”
ڑکہتا ہے میں بھی ہوں اکیلا شوق سے کھاتا ہوں میں کیلا ” ۔

 

[فاخر]

وعلیکم السلام ورحمۃ اللٰہ و برکاتہ
لیجئے ہماری محفل اب ماشاء اللٰہ’سترہویں رُت ‘‘ میں داخل ہوچکی ہے ۔ اُن تمام بانیان کا تہہ دل سے شکریہ جنہوں نے اُردو محفل فورم جیسا پلیٹ فارم مہیا کرایا ۔

اس لڑی کے سلسلے میں ہماری ایک درخواست یہ تھی کہ ا ب ب پ کی ترتیب سے اپنے اشعار پیش کئے جائیں تو اور بھی بہتر ہوتا اور پرُ لطف ہوتا۔

 

[سیما علی]

زندگی کیا تری آہٹ کی صدا ہو جیسے
بندگی کیا، ترے ملنے کی دعا ہو جیسے

 

[سیما علی]

وعلیکم السلام ورحمۃ اللٰہ و برکاتہ
لیجئے ہماری محفل اب ماشاء اللٰہ’سترہویں رُت ‘‘ میں داخل ہوچکی ہے ۔ اُن تمام بانیان کا تہہ دل سے شکریہ جنہوں نے اُردو محفل فورم جیسا پلیٹ فارم مہیا کرایا ۔

اس لڑی کے سلسلے میں ہماری ایک درخواست یہ تھی کہ ا ب ب پ کی ترتیب سے اپنے اشعار پیش کئے جائیں تو اور بھی بہتر ہوتا اور پرُ لطف ہوتا۔

فاخر میاں جو شاعر نہیں پھر وہ کہاں جائیں ☹️

 

[گُلِ یاسمیں]

ساغر وہ کہہ رہے تھے کہ پی لیجئے حضور
ان کی گزارشات سے گھبرا کے پی گیا!

ساغر صدیقی

 

[گُلِ یاسمیں]

شرط سلیقہ ہے ہر اک امر میں
عیب بھی کرنے کو ہنر چاہئیے

میر تقی میر