ا۔ب۔پ ۔۔۔۔۔ کھیل نمبر 62

[ناصر رانا]

حقیقت یہ ہے کہ چل ہی نہیں رہا، اتنا دوڑایا کہ اب تھک کر سستا رہا ہے۔

 

[مخلص انسان]

خراب ہوگیا ہو تو کسی مکینک کو دکھادیں ، ٹیونگ سروس ہوگی تو ٹھیک ہوجائے گا ۔۔۔۔ بس دو چار دن رواں کرنا پڑے گا ،آہستہ رفتار میں

 

[الف عین]

دماغ کی بات ہو رہی ہے؟ اس کو درست کرنے کے لئے بس خوب چلایا جائے، اتنا کہ بس دماغ چل جائے!!!!

 

[یاز]

ڈیڑھ دو گھنٹے چلانے سے کیا دماغ مکمل طور پہ چل جائے گا یا اس سے بھی زیادہ چلانا پڑے گا؟

 

[عندلیب]

ذرہ برابر بھی چلا لیں تو کافی ہے۔

 

[ناصر رانا]

ذہنی قلابازیاں دماغ کو چکراتی ہیں، نارمل رننگ سے کچھ بھی نہیں ہوتا۔

 

[عندلیب]

رہنے دیجیے ابھی یہ قلابازیاں کسی اور دن کے لیے۔

 

[یاز]

ڑ اور ژ گزرنے کا انتظار تو نہیں کر رہے سب؟

 

[مخلص انسان]

زرد چہرے پر گئے انتظار کرتے کرتے ۔۔۔ شکر ہے اس دفعہ ژالہ باری نہیں سہنا پڑی

 

[یوسف سلطان]

ژ سے شروع ہونے والے الفاظ

 

[یاز]

سچ تو یہ ہے کہ مجھے بالکل بھی علم نہ تھا کہ ژ سے اتنے سارے الفاظ شروع ہوتے ہیں۔ معلومات فراہم کرنے کا شکریہ جناب۔

 

[سارہ خان]

شکریہ آپ کا کہ ژ کے الفاظ بتائے۔۔ ان کا استعمال مگر مشکل ہے

 

[ناصر رانا]

صحیح کہا، الفاط جاننے کے باوجود بھی استعمال مشکل ہے۔

 

[یوسف سلطان]

ضروری چیز تو نہیں ، پر کچھ ڈونڈھ رہا تھا نیٹ پر تو یہ لغت (فیروز اللغات) ملی جس کا یہ صفحہ اوپر چسپاں کیا ہے ۔ اور صحیح کہا سارہ بہنا اور ناصر بھائی ان کا استمعال کچھ مشکل ہے ۔ بلکہ کچھ الفاظ پڑھنے میں بھی مشکل لگتے ہیں (مھجے) ، اور یاز بھائی اور سارہ بہنا شکریہ کی کوئی بات نہیں اس میں، چونکہ یہاں (اردو محفل) میں سیکھنے سیکھانے کا عمل ہے ، تو اگر کسی کے علم میں اضافہ ہو تو اس بڑھ کر کیا ہو سکتا ہے میرے لئے ۔ مجھے بھی یہ جان کرتھوڑی سی حیرت ہوئی کہ یاز بھائی کو نہیں معلوم تھا اس حرف کے متعلق حالانکہ اپ تو اچھی بھلی ثقیل اردو لکھتے ہیں ۔ خیر! یہ کچھ اور الفاظ جو میں نے ڈھونڈے ہیں "ژ" سے شروع ہونے والے ۔

 

[سارہ خان]

طبیعت سے یہ اردو کے الفاظ تو کہیں سے نہیں لگ رہے ۔۔

 

[مخلص انسان]

ظاہر ہے جب ہیں نہیں تو لگیں گے کیسے

 

[یاز]

عین ممکن ہے کہ کسی اور زبان سے درآمد کئے گئے الفاظ ہوں،لیکن درآمد شدہ الفاظ بھی تو اردو کا حصہ بن جاتے ہیں کہ ہماری زبان کا دامن ایسے معاملات میں کافی وسیع ہے۔

 

[سارہ خان]

عین ممکن کہ ہوں بھی اردو کے

 

[ناصر رانا]

غلط خیال ہے یہ کہ یہ اردو کے الفاظ نہیں ہیں جبکہ اوپر سرخی میں صاف لکھا ہے کہ یہ اردو اور فارسی کے الفاظ ہیں۔

 

[یوسف سلطان]

فارسى كے هيں یہ الفاظ جن كا اردو ميں ترجمہ ہے۔