ایک شعر ایک تلخ حقیقت --- نیا سلسلہ

[مغزل]

فضول تیز ہواؤں کو دوش دیتا ہے
اسے چراغ جلانے کا حوصلہ کم ہے

 

[غ۔ن۔غ]

کبھی جھکنے کی تمنا کبھی سرکش لہجہ
اپنی الجھی ہوئی عادات پہ رونا آيا

 

[غ۔ن۔غ]

اک پل کی رفاقت بھی احسان سمجھتا ہوں
تم کچھ نہ کہو پھر بھی اے جان سمجھتا ہوں
قسمت کا ستم دیکھو میں مل بھی نہیں سکتا
حالانکہ تجھے اپنی پہچان سمجھتا ہوں

 

[محمود احمد غزنوی]

زاہد کو مے کشوں سے جتنی خفگی ہے​

اتنا توعاصیوں سے خدا بھی خفا نہیں​

واضح ہو کہ یہ تلخ نہیں بلکہ ایک دلچسپ حقیقت ہے

ہوتا ہے شب و روز تماشا میرے آگے​

 

[غ۔ن۔غ]

یہی بہتر ہے سرابوں کو حقیقت جانیں
ورنہ صحرا میں سمندر نہیں ملنے والے

 

[مغزل]

ملے ملے نظر آتے ہیں دور سے جو درخت
قریب جاؤ تو ان میں بھی فاصلہ ہوگا۔۔
ذکی عثمانی

 

[شمشاد]

اراکین اشعار کے ساتھ ساتھ اگر شاعر کا نام بھی لکھ دیا کریں تو کیا ہی بات ہے۔

 

[مغزل]

بالکل ٹھیک۔ شمشاد بھائی جہاں جہاں یاد رہتے ہیں نام وہ تحریر کیے دیتے ہیں جو نا معلوم ہیں ان کے ساتھ نا معلوم لکھنا مجھے عجیب سا لگتا ہے۔
کہ اپنی لاعلمی کو علم گردا نتے ہوئے شاعرکو نامعلوم کردوں۔۔ ویسے آپ کا کہا سر آنکھوں پر۔۔ انشا اللہ پوری کوشش ہوگی۔

 

[imsabir]

وہ میرا ہو کر بھی مجھ سے محروم رہا
کیا کوئی میری طرح جیت کر ہارا ہوگا

 

[مغزل]

وہ دوریوں سے بھی واقف ہے اور قرب سے بھی
سو مجھ سے روح کا رشتہ بحال چاہتا ہے۔
م۔م۔مغل

 

[imsabir]

خوشبووں کے جزیروں سے ستاروں کی حدوں تک
اس شہر میں سب کچھ ہے بس تیری کمی ہے

 

[imsabir]

تیری یاد کی برف باری کا موسم
سلگتا رہا دل کے اندر اکیلے
ارادہ تھا جی لوں گا تجھ سے بچھڑکر
گزرتا نہیں اک دسمبر اکیلے

 

[imsabir]

مجھے بھلانا بھی چاہو تو بھلا نہ سکو گے
میں تو پلکوں پہ ٹہر جاؤں گا آنسو کی طرح

 

[مغزل]

کروں گا کیا جو محبت میں ہوگیا ناکام
مجھے تو اور کوئی کام بھی نہیں آتا !!
غلام محمد قاصر

 

[غ۔ن۔غ]

کروں گا کیا جو محبت میں ہوگیا ناکام
مجھے تو اور کوئی کام بھی نہیں آتا !!
غلام محمد قاصر

بہت ہی خوب ۔ ۔ ۔

 

[غ۔ن۔غ]

مجھے منزل کا رستہ مل گیا تھا
میرے آڑے مقدر آ گیا ہے

محمد اشرف کمال

 

[کاشفی]

مزے جو موت کے عاشق بیاں کبھو کرتے
مسیح و خضر بھی مرنے کی آرزو کرتے

اگر یہ جانتے چُن چُن کے ہم کو توڑیں گے
تو گُل کبھی نہ تمنائے رنگ و بو کرتے

سراغ عمرِ گذشتہ کا کیجئے گر ذوق
تمام عمر گذر جائے جستجو کرتے
(شیخ ابراہیم ذوق)

 

[مغزل]

کل پاؤں ایک کاسہء سر پر جو آگیا
یکسر وہ استخوانِ شکستہ س چُورتھا!!
کہنے لگا کہ دیکھ کے چل راہ بے خبر
میں بھی کبھو کسو کا سرِ پُر غرور تھا
میر تقی میر

 

[کاشفی]

بس کہ دشوار ہے ہر کام کا آساں ہونا
آدمی کو بھی میسر نہیں انساں ہونا
(غالب رحمتہ اللہ علیہ)

 

[مغزل]

ہجر کی راتوںمیں بھی آتی رہی دیوانہ وار
یادِ جاناں کچھ بھی تھی لیکن وہ ہرجائی نہ تھی