میرے خیال میں اردو کی ترویج کے لیے اگر کوئی کام سب سے ضروری ہے تو وہ ہے ترجمہ کا۔ اگرچہ اس میں کوئی تکنیکی چیلنج نہیں ہوتا لیکن لوگ پھر بھی طویل اور بور ہونے کی وجہ سے اس سے بھاگتے ہیں۔ میرا ارادہ یہ ہے دوسرے پراجیکٹس کی طرح اس فورم پر مختلف ویب سوفٹویرز کی اردوائزیشن کا کام بھی مربوط انداز میں شروع کیا جائے۔ بلکہ میں اس پر جلد ہی الگ سے فورم بھی بنا دوں گا۔ اس پر بعد میں بات کریں گے پہلے آتے ہیں اس فورم میں شامل انگریزی اصطلاحات کے اردو ترجمے کی۔
فورم میں نئی فیچرزشامل کرنے کے لیے عام طور پر جو MOD شامل کیے جاتے ہیں اس کے نتیجے میں کچھ نئی لینگویج فائلز بھی شامل ہوجاتی ہیں۔ بعض اوقات یہ لینگویج ریسورسز تھوڑے ہوتے ہیں اور کبھی یہ بڑی فائلیں بھی ہوسکتی ہیں۔ بہرحال یہ ترجمہ کا کام بھی ضروری ہوتا ہے۔ اپگریڈ کے بعد ایسا ہی ہوا ہے کہ اس طرح شامل ہونے والی نئی فیچرز کے ساتھ کچھ انگریزی اصطلاحات بھی شامل ہو گئی ہیں۔ اس وقت میں اور قدیر ان کا ترجمہ کر رہے ہیں۔ ہمارے پاس ابھی بھی کام ہے شئیر کرنے کے لیے۔ لہٰذا اگر کوئی صاحب ہاتھ بٹانا چاہتے ہیں تو بتائیں، ہم ایک آدھ فائل ان کے ہاتھ میں تھما دیں گے۔
