اُمید افزا اور ہمت بڑھانے والے اشعار

ام اویس

محفلین
جذبہ سوزِ طلب کو بیکراں کرتے چلو
کوُبہ کوُ روشن چراغِ کارواں کرتے چلو
چھین لاو آسماں سے مہرومہ کی عظمتیں
اور ٹوٹے جھونپڑوں کو ضوفشاں کرتے چلو
 

ام اویس

محفلین
بلا سے شب ہے اندھیروں کے ناگ پالے ہوئے
میرا چراغ اجالوں کو ہے سنبھالے ہوئے
کوئی بھی موجِ بلا خیز کیا ڈبوئے گی
ہمارا عزم جواں ہے ہمیں اچھالے ہوئے
نکل گئے ہیں وہی تیرگی کے جنگل سے
جو اپنی زیست کو ہیں روشنی میں ڈھالے ہوئے
 
کرگساں را رسم و آئیں دیگر است
سطوتِ پرواز شاھیں دیگر است۔۔۔۔۔۔۔۔۔۔۔۔ اقبال رحمۃاللہ

آں کہ بر افلاک رفتارش بود
بر زمیں رفتن چہ دشوارش بود ۔۔۔۔۔۔۔۔۔رومی رحمۃاللہ
جس شخص کے زوق پرواز نے آسمانوں کو پائمال کر رکھا تھا ۔ اس کیلئے زمیں پر کارہائے نمایاں سر انجام دینا کیا مشکل ہے؟
گرچہ ناخن رفت چوں باشی مرا
بر کنم من پرچم خورشید را ۔۔۔۔۔۔۔۔۔ رومی رحمۃاللہ
اگرچہ بد اعمالیوں کے سبب قوا مضمحل ہو چکے مگر جب آپ میرے ہونگے تو میں گردشِ زمانہ روند ڈالوں گا۔۔۔۔حمدیہ شعر ہے
ہم نشینی مقبلاں چوں کیماءست
ایں نظر شاں کیمیائے خود کجاست۔۔۔۔۔۔۔رومی رحمۃاللہ
نصیبہ ور لوگوں کی مصاحبت کیمیا ہے ۔۔۔ بلکہ ان جیسی تاثیر کیمیا میں بھی کہاں ہے
ہے دشت تو اب بھی دشت مگر خون پاء سے فیض
سیراب کچھ خارِ مغیلاں ہوئے تو ہیں
فیض صاحب
 

جاسمن

لائبریرین
وہ عیش کے مملوک تھے نے بندہ راحت
گلگشت چمن زار تھی گویا انہیں عزت
برداشت جفا کرتے تھے سہتے تھے صعوبت
اوروں کے بھروسے پہ نہ کرتے تھے معیشت
دنیا کے کسی کام میں ہیٹی نہ تھی عزت
بے غیرتی زنہار نہ تھی ان کی جبلت
ہمت میں تھے شاہین تو جرأت میں تھے شہباز
عزت کی بلندی پہ کیا کرتے تھے پرواز
مولانا اسمٰعیل میرٹھی
 

جاسمن

لائبریرین
تو نہیں مانتا مٹی کا ۔۔۔۔۔۔۔۔۔۔۔۔۔۔۔ دھواں ہوجانا ؟؟
تو ابھی رقص کروں ؟؟ ہوکے دکھاؤں تجھکو ؟؟
 

جاسمن

لائبریرین
بنا لیتا ہے موج خون دل سے اک چمن اپنا
وہ پابند قفس جو فطرتا آزاد ہوتا ہے
اصغر گونڈوی
 
Top