اُمید افزا اور ہمت بڑھانے والے اشعار

[جاسمن]

ایڑياں اونچی نہیں کی ہیں نمو پائی ہے
میں سلیقے سے تیرے قد کے برابر آیا

 

[سیما علی]

ایڑياں اونچی نہیں کی ہیں نمو پائی ہے
میں سلیقے سے تیرے قد کے برابر آیا

🥰🥰🥰🥰

 

[جاسمن]

خود کو ترتیب دیا آخرِ کار از سرِ نو
زندگی میں ترا انکار، بہت کام آیا
ظفر اقبال

 

[جاسمن]

جعفری مَیں نے اندھیروں کی کمر توڑی ہے
میری تنویر ہے ہر صبح کی تنویروں میں
ڈاکٹر مقصود جعفری

 

[جاسمن]

درکار ہے مجھے کوئی پہلو اُمید کا
پیہم تلاشتا ہوں کسی خوش نظر کو میں
محمد احمد

 

[جاسمن]

مجھے یقین ہے دنیا ضرور بدلیں گے
جو اختلاف پہ لہجہ نہیں بدلتے ہیں
ازور شیرازی

 

[جاسمن]

کسی کا پیار، کسی کی دعا ضروری ہے
دیارِ حبس میں تازہ ہوا ضروری ہے

 

[جاسمن]

دلوں کی روشنی بجھنے نہ دینا
وجودِ تیرگی محکم نہیں ہے
امجد اسلام امجد

 

[جاسمن]

بہتر ہے یہی تلخئ ماضی کو بُھلا دے
میں تُجھ کو دعا دیتا ہوں، تُو مجھ کو دعا دے
ڈاکٹر مقصود جعفری

 

[سیما علی]

ایک چراغ اور ایک کتاب اور ایک امید اثاثہ
اس کے بعد تو جو کچھ ہے وہ سب افسانہ ہے
افتخار عارف

 

[جاسمن]

تیرے ہی نقشِ پا کی بدولت سہی مگر
دنیا کے سامنے تو مرا سر بلند ہے
انور فرخ آبادی

 

[جاسمن]

آگے قدم بڑھائیں جنہیں سوجھتا نہیں
روشن چراغ راہ کئے جا رہا ہوں میں

جگر

 

[جاسمن]

گلشن پرست ہوں مجھے گل ہی نہیں عزیز
کانٹوں سے بھی نباہ کئے جا رہا ہوں میں

جگر

 

[جاسمن]

اے مریضِ الم ! تسلی رکھ
چارہ گر کر رہے ہیں تدبیریں
ساغر صدیقی

 

[سیما علی]

اے مریضِ الم ! تسلی رکھ
چارہ گر کر رہے ہیں تدبیریں
ساغر صدیقی

واہ کیا کہنے ۔
ساغر صاحب کے۔

 

[جاسمن]

اپنے اعصاب پہ تلخی نہ اتاری جائے
زندگی ایک ہے، بھرپور گزاری جائے

 

[جاسمن]

آثار رہائی ہیں یہ دل بول رہا ہے
صیاد ستم گر مرے پر کھول رہا ہے
اسد علی خان قلق

 

[جاسمن]

نئی نسلوں کے ہاتھوں میں بھی تابندہ رہے گا
میں مل جاؤں گا مٹی میں قلم زندہ رہے گا
آلوک یادو

 

[جاسمن]

بچھڑ کے تجھ سے مجھے ہے امید ملنے کی
سنا ہے روح کو آنا ہے پھر بدن کی طرف
نظم طبا طبائی

 

[جاسمن]

مجھ کو اوروں سے کچھ نہیں ہے کام
تجھ سے ہر دم امیدواری ہے
فائز دہلوی