الفاظ کی تکرار

[رباب واسطی]

میں اپنے آپ کا نہیں تو میرا کون ہو قمر
رقیب تو رقیب ہے ، حبیب بھی خلاف ہے

 

[رباب واسطی]

خواب یہ ہے کہ وہ حقیقت تھا
یہ حقیقت ہے کوئی خواب تھا وہ

افروز سعیدہ

 

[زیرک]

الفاظ 'بار'، 'کہا'، 'دل' اور 'سے' کی تکرار
سو بار کہا دل سے ''چل بھول ہی جا اس کو''
ہر بار کہا دل نے ''تم دل سے نہیں کہتے''

 

[زیرک]

حیرتِ عشق ودیعت ہے تری آنکھوں کو
میری آنکھوں کا مقدر کوئ حیرت نہیں ہے

 

[زیرک]

ایک سخن ہوا نہیں، ایک کلام تھا ضرور
میرا تو ذکر ہی نہ تھا پر تِرا نام تھا ضرور

 

[محمد تابش صدیقی]

جذبۂ بے اختیارِ شوق دیکھا چاہیے
سینۂ شمشیر سے باہر ہے دم شمشیر کا
غالبؔ

 

[محمد تابش صدیقی]

ہے خیالِ حُسن میں حُسنِ عمل کا سا خیال
خلد کا اک در ہے میری گور کے اندر کھلا
غالبؔ

 

[محمد تابش صدیقی]

غم اگرچہ جاں گسل ہے، پہ کہاں بچیں کہ دل ہے
غمِ عشق گر نہ ہوتا، غمِ روزگار ہوتا
غالبؔ

 

[محمد تابش صدیقی]

عشق بھی ہو حجاب میں ، حسن بھی ہو حجاب میں
یا تو خود آشکار ہو یا مجھے آشکار کر
اقبالؒ

 

[زیرک]

بہت مہرباں تھیں وہ گلپوش راہیں
مگر ہم انہیں مہرباں چھوڑ آئے
حبیب جالب

 

[محمد تابش صدیقی]

روزِ حساب جب مرا پیش ہو دفترِ عمل
آپ بھی شرمسار ہو، مجھ کو بھی شرمسار کر
اقبالؒ

 

[زیرک]

بہت دور ہم آ گئے اس گلی سے
بہت دور وہ آستاں چھوڑ آئے
حبیب جالب

 

[محمد تابش صدیقی]

پریشاں ہو کے میری خاک آخر دل نہ بن جائے
جو مشکل اب ہے یا رب پھر وہی مشکل نہ بن جائے
اقبالؒ

 

[زیرک]

دل کی تکرار
مسلسل دل کی بے چینی کو کیا کہتے ہیں دل والو
تمہیں معلوم ہو شاید، مجھے تو آگہی کم ہے

 

[زیرک]

پاکستان کی سیاسی افراتفری پہ تکرار کرتا ایک شعر
سینچا تھا جسے زہر سے، نفرت سے، لہو سے
اب تم کو مبارک ہو وہی پیڑ جواں ہے

 

[محمد تابش صدیقی]

رحم کیا کر، لطف کیا کر، پوچھ لیا کر، آخر ہے
میرؔ اپنا، غم خوار اپنا، پھر زار اپنا، بیمار اپنا
میرؔ

 

[محمد تابش صدیقی]

خوں نہ ہوا دل چاہیے جیسا گو اب کام سے جاوے گا
کام اپنے وہ کیا آیا جو کام ہمارے آوے گا
میرؔ

 

[زیرک]

میں تیری مست نگاہی کا بھرم رکھ لوں گا
ہوش آیا بھی تو کہہ دوں گا مجھے ہوش نہیں
بہزاد لکھنوی

 

[زیرک]

تو نہیں ہے نہ سہی کیف نہیں غم ہی سہی
یہ بھی کیا کم ہے کہ خالی مرا آغوش نہیں
بہزاد لکھنوی

 

[زیرک]

بھرم کھل جائے ظالم تیرے قامت کی درازی کا
اگر اس طرۂ پُر پیچ و خم کا پیچ و خم نکلے
مرزا غالب