الفارس فونٹ سیریز

معزز اراکین اردو محفل

القلم ایک معزز رکن سید ارتضی حسن رضوی جو کہ ایران سے "مریم" نامی ایک فارسی ورڈ پروسیسر خرید کر لائے ہیں اس ورڈ پروسیسر کے ساتھ انہیں تقریبا 300 خوبصورت فارسی فانٹ ملے ہیں انہوں نے ان تمام فانٹس کو اردو سے تقویت دے کر اردو دان طبقہ کے لیے قابل استعمال بنانے کا فیصلہ کیا ہے انہوں نے قسط اول کے طور پر پانچ فونٹس میں اردو سپورٹ شامل کی ہے جسے میں یہاں پر ریلیز کر رہا ہوں آپ حضرات سے درخواست ہے کہ ان فونٹس کو استعمال کر کے اپنی تجاویز دیجئے اور ان کی خوبیوں خامیوں سے مطلع فرمایئے تاکہ باقی کے فانٹس کو ان تجاویز کی روشنی میں بہتر انداز میں پیش کیا جائے
ان فونٹس کے نمونہ تحریر حسب ذیل ہے:



میں نے ان فونٹس کو اردو محفل کے ڈائون لوڈ سنٹر میں مہیا کر دیا ہے جنہیں آپ ذیل کے روابط سے اتار سکتے ہیں
1 الفارس عریبک فونٹ
2۔ الفارس عرشیہ فونٹ
3۔ الفارس اصفہان بولڈ فونٹ
4۔ الفارس کامران آؤٹ لائن فونٹ
5۔ الفارس کوڈک آؤٹ لائن فونٹ

 

بہت خوب۔
لیکن مجھے تصویر نظر نہیں آرہی

 

جزاک اللہ احسن الجزاء!

 

اگر ڈائرکٹ لنکس مل جاتے تو بہتر تھا، خیر ایسے ہی ٹھیک ہے۔ یہ مریم سافٹ ویر کیا نیٹ پر نہیں ملتا؟

 

جزاک اللہ شاکرالقادری صاحب۔ تصویر شامل کرنے میں مسئلہ ہو رہا ہے، شاید ہاٹ لنکنگ ڈس ایبل ہوئی ہوئی ہے۔ ذرا رضوی صاحب کا تعارف تو کروائیں کہ وہ فونٹ سازی میں کتنے عرصے کا تجربہ رکھتے ہیں۔ کیا وہ محفل فورم پر کبھی تشریف لائے ہیں؟

 

نبیل!
سید ارتضی حسن رضوی صاحب سے مجھے تقریبا ایک ماہ پہلے تعارف حاصل ہوا تھا انہوں نے القلم فانٹس کو استعمال کیا اور پھر کسی طرح میرا ٹیلی فون نمبر حاصل کر کے رابطہ کیا
وہ کچھ عرصہ پہلے ایران گئے تھے وہاں سے مریم نامی سافٹ ویئر خریدا اور اس کے فونٹس کو اردوانے کی خواہش رکھتے تھے لیکن اس سلسلہ میں کوئی خصوصی مہارت کے حامل نہیں کچھ معلومات میں نے فراہم کی ہیں اور کچھ انکا اپنا ذوق کام آیا اور نتائج آپ کے سامنے ہیں
موصوف تعلیم و تعلم کے شعبہ سے منسلک ہیں
اور آزاد کشمیر میں کوئی رفاہی تعلیمی ادارہ بھی چلا رہے ہیں
فی الحال القلم پر ہی آتے ہیں لیکن کم کم

 

نبیل بھائی: فائر فاکس پر تصویر نظر آرہی ہے۔ یہ انٹرنیٹ اکسپلورر کا انٹرنل مسئلہ ہے!

 

شاکر بھائی الفارس عرشیہ فونٹ کا لنک کام نہیں‌کر رہا

 

ماشاءاللہ
اللہ کریم انھیں مزید توفیق دے۔

 

جناب سید ارتضی حسن رضوی نے القلم پر اپنا تعارف ارسال کیا جو کہ اردو محفل کے قارئین کی نذر کرتا ہوں:

ا

 

اردومحفل کے تمام اراکین کی خدمت میں بھی سلام پیش کرتا ہوں
میں ابھی اردو محفل پر رجسٹریشن کر ہی رہا تھا کہ محترم شاکر القادری صاحب نے میری تحریر کو یہاں بھی نقل کردیا بہر حال میں انکا شکرگذار ہو اور انشا اللہ اردو محفل کے اراکین سے بھی تعارف حاصل ہوگا تمام اراکین سے درخواست کہ فونٹس کو کریٹیکل دیکھیں اور جو اصلاحات ضروری ہوں ان سے مجھےآگاہ کریں تاکہ اگلے فونٹس میں انکو مدنظر رکھا جاسکے، اپنی نیک دعاوْں میں ہمیشہ یاد رکھیں
والسلام
سید ارتضی حسن رضوی

 

جزاک اللہ شاکرالقادری صاحب۔ ارتضی رضوی صاحب کے بارے میں جان کر بہت خوشی ہوئی کہ القلم پر اتنی صاحب علم، باصلاحیت اور انسانیت کا درد رکھنے والی شخصیت موجود ہیں۔ اللہ تعالی ارتضی رضوی صاحب کو ان کی خدمات کی جزائے خیر عطا فرمائے، آمین۔

 

کیا اتفاق ہے کہ میرے یہ مراسلہ پوسٹ کرتے ہوئے ارتضی رضوی صاحب بھی یہاں پہنچ گئے ہیں۔
خوش آمدید رضوی صاحب، آپ کو یہاں دیکھ کر بہت خوشی ہو رہی ہے۔

 

میں نے امیج بدل دیا ہے میرے پاس تو پہلے بھی تصویر نظر آرہی تھی لیکن اب شاید امیج بدلنے سے سب کے پاس نظر آجائے

 

برادر نبیل آپکی محبت کا شکریہ

برادر نبیل
سلام علیکم
امید ہے کہ اپنی رائے سے ضرور آگاہ فرمائیں گےآپکی محبت کا شکریہ لیکن میں آپ کے تعارف سے محروم ہوں
والسلام
سید ارتضی حسن رضوی

 

شکریہ رضوی صاحب، مجھے اردو فونٹس کی تلاش رہتی ہے جنہیں سرخیاں لگانے کے لیے یا لوگو بنانے کے لیے استعمال کیا جا سکتا ہے۔ الفارس فونٹس اس مقصد کے لیے کافی کارآمد ثابت ہو سکتے ہیں۔ کچھ دوست نقشہ جات بتاتے ہوئے ان میں اردو فونٹ استعمال کرتے ہیں۔ یہاں بھی یہ فونٹ بخوبی استعمال ہو سکتے ہیں۔

میرا تعارف کوئی خاص نہیں ہے کہ اس غریب الدّیار عہد، ناآشنائے عصر، بیگانہ خویش، نمک پروردہ ریش، خرابہ حسرت کو نبیل کہتے ہیں۔

 

ماشاءاللہ۔ کیسی عاجزی و انکساری ہے!

 

اتنے عرصے سے۔۔۔

 

بہت عمدہ خصوصا "‌ ناآشنائے عصر " میں تو بہت کچھ پوشیدہ ہے۔