اشعار کا سلسلہ،حروف ِ تہجی سے

[مریم افتخار]

ہزار خوف ہوں لیکن زباں ہو دل کی رفیق
یہی رہا ہے ازل سے قلندروں کا طریق

 

[عبدالقدیر 786]

نیرنگی سیاست دوراں تو دیکھئے
منزل انھیں ملی جو شریک سفر نہ تھے
محسن بھوپالی

کبھی کبھی ایسا بھی ہوتا ہے عدنان بھائی بہت خوب

 

[مریم افتخار]

یہ نغمہ فصل گل و لالہ کا نہیں پابند
بہار ہو کہ خزاں لا الہ الا اللہ

 

[مریم افتخار]

یہ دور نکتہ چی‍ں ہے کہیں چھپ کے بیٹھ رہ
جس دل میں تو مکیں ہے وہیں چھپ کے بیٹھ رہ

 

[مریم افتخار]

اقبال بھی اقبال سے آگاہ نہیں ہے
کچھ اس میں تمسخر وللہ نہیں ہے

 

[محمد عدنان اکبری نقیبی]

امید وصل نے دھوکے دئیے ہیں اس قدر حسرت
کہ اس کافر کی ‘ہاں’ بھی اب ‘نہیں’ معلوم ہوتی ہے
چراغ حسن حسرت

 

[مریم افتخار]

بھری بزم میں راز کی بات کہہ دی
بڑا بے ادب ہوں سزا چاہتا ہوں

 

[مریم افتخار]

پھولوں کو آئے جس دم شبنم وضو کرانے
رونا مرا وضو ہو، نالہ مری دعا ہو

 

[ہادیہ]

بہت دیر کی مہرباں آتے آتے۔۔
پورا شعر بھول گیا

 

[مریم افتخار]

ترے عشق کی انتہا چاہتا ہوں
مری سادگی دیکھ کیا چاہتا ہوں

 

[مریم افتخار]

ٹہنی پہ کسی شجر کی تنہا
بلبل تھا کوئی اداس بیٹھا

 

[محمد عدنان اکبری نقیبی]

بھانپ ہی لیں گے اشارہ سر محفل جو کیا
تاڑنے والے قیامت کی نظر رکھتے ہیں

 

[ہادیہ]

اففف کتنی سپیڈ ہے آپ لوگوں کی ۔ میں ایک شعر ڈھونڈتی ہوں حروف تہجی کے لحاظ سے۔۔ آپ تین چار پوسٹ کردیتے ہیں۔۔

 

[مریم افتخار]

اففف کتنی سپیڈ ہے آپ لوگوں کی ۔ میں ایک شعر ڈھونڈتی ہوں حروف تہجی کے لحاظ سے۔۔ آپ تین چار پوسٹ کردیتے ہیں۔۔

زبانی لکھیں تو تیز آئے گی سپیڈ

 

[سردار محمد نعیم]

بازیچہ اطفال ہے دنیا مرے آگے
ہوتا ہے شب و روز تماشا مرے آگے

 

[مریم افتخار]

جدائی میں رہتی ہوں میں بے قرار
پروتی ہوں ہر روز اشکوں کے ہار

 

[سردار محمد نعیم]

چلو خود سے باہر نکل کر تو دیکھیں
سنا ہے اُدھر کی بھی دنیا ہے پیاری

 

[عبدالقدیر 786]

بے خودی بے سبب نہیں غالب
کچھ تو ہے جس کی پردہ داری ہے

 

[مریم افتخار]

حرم پاک بھی اللہ بھی قرآن بھی ایک
کچھ بڑی بات تھی ہوتے جو مسلمان بھی ایک

 

[مریم افتخار]

خودی کا سر نہاں لا الہ الا اللہ
خودی ہے تیغ فساں لا الہ الا اللہ