اردو بھی مقدس زبان؟

ابو ہاشم نے 'ادبیات و لسانیات' کی ذیل میں اس موضوع کا آغاز کیا، ‏جولائی 24, 2020

  1. ابو ہاشم

    ابو ہاشم محفلین

    مراسلے:
    875
    دنیا میں کئی زبانیں مقدس سمجھی جاتی ہیں جن میں مسلمانوں کے لیے عربی، یہودیوں کے لیے عبرانی، ہندوؤں کے لیے سنسکرت اور سکھوں کے لیے پنجابی شامل ہیں۔واضح رہے کہ کسی زبان کا مقدس سمجھا جانا اس زبان کےباقی رہنے کی ایک بڑی وجہ ہوتا ہے۔
    مسلمانوں کی بنیادی علمی زبان عربی ہے۔ اس کے علاوہ فارسی میں بھی مسلمانوں کا بہت سا علمی سرمایہ موجود ہے۔ اسی لیے روایتی طور پر دینی مدارس میں عربی کے ساتھ ساتھ فارسی بھی پڑھائی جاتی ہے۔ لیکن اب دینی لٹریچر کے لحاظ سے اردو فارسی کو پیچھے چھوڑ چکی ہے اور اب عربی کے بعد دینی لٹریچر کا سب سے بڑا ذخیرہ اردو میں ہے۔ اس کے علاوہ بریلوی اور دیوبندی مکاتبِ فکر کا سارا لٹریچر بھی اردو میں ہی ہے اور اسی وجہ سے بریلوی دیوبندی اختلاف بھی صرف انھی علاقوں تک ہے جہاں تک اردو کی پہنچ ہے۔
    لیکن ظاہر ہے کہ یہ بات اردو کو مقدس نہیں بناتی۔
    البتہ ایک اور بات ضرور ہے جس کی طرف میرا دھیان گیا ہے اور وہ یہ کہ احمدیوں کا سارا مذہبی لٹریچر اردو میں ہے۔ غلام احمد قادیانی کی کتب اردو میں ہیں جسے یہ لوگ اپنا نبی مانتے ہیں اور اس کے دعوے کے مطابق اس تک آنے والی وحی بھی زیادہ تر اردو میں ہے۔ اس بنیاد پر مجھے یہ خیال آیا ہے کہ شاید احمدی اردو کو مقدس زبان سمجھتے ہوں
     
    • پسندیدہ پسندیدہ × 3
  2. ظہیراحمدظہیر

    ظہیراحمدظہیر محفلین

    مراسلے:
    3,334
    جھنڈا:
    Pakistan
    موڈ:
    Busy
    البتہ بھارت میں اردو پر مسلمانوں کی مذہبی زبان کا لیبل لگا کر بہت ظلم کیا گیا ہے ۔ سرکاری اور غیرسرکاری دونوں سطحوں پر ایک عرصے سے اردو کا استیصال کیا جارہا ہے ۔ اچھی بات یہ ہے کہ عدم وسائل کے باوجود بہت سارے مدرسے اور ادارے اردو کو زندہ رکھنے کی کوششوں میں لگے ہوئے ہیں ۔
     
    • پسندیدہ پسندیدہ × 1
  3. ظفری

    ظفری لائبریرین

    مراسلے:
    11,807
    جھنڈا:
    UnitedStates
    موڈ:
    Question
    دینی لٹریچر کا اردو میں زیادہ ہونے کا یہ مقصد نہیں کہ اردو علمی اور تیکنکی بنیاد پر فارسی پر فوقیت رکھتی ہے ۔ اور برصغیر میں دینی مواد کا اردو میں ہونے کی وجہ برصغیر میں اردو کو لکھا اور پڑھا جانا ہے۔ جن مذہبی گروہ ، مسالک اور فرقوں کا آپ نے ذکر کیا ہے وہ سب اردو بولنے اور سمجھنے والے ہیں ۔ اس لیئے اردو میں مذہبی لٹریچر بھی ان کی آسانی کے لیئے لکھا گیا اور بہت لکھا گیا یا یوں کہیے کہ جس کا جو جی چاہا لکھ دیا۔ اور کسی زبانی کا مقدس ہونا اس کے الہامی تعلق سے ہوتا ہے ناکہ اس کے ذخیرے سے۔ اس لیئے اردو زبان کا مقدس ہونا کسی بھی طور مقدس زبانوں سے جوڑا نہیں جاسکتا۔
     
    • پسندیدہ پسندیدہ × 1
    • متفق متفق × 1
  4. سیما علی

    سیما علی لائبریرین

    مراسلے:
    7,713
    جھنڈا:
    Pakistan
    موڈ:
    Cool
    پر ظفری ہم لوگوں کی اُردو سے محبت نے اِسے مقدس بنادیا۔۔۔محبت بھی مقدس جذبہ ہے۔۔۔۔اور
    اُردو بھی جذبے میں مقدس۔۔۔:):)
     
    • دوستانہ دوستانہ × 1
  5. شمشاد

    شمشاد لائبریرین

    مراسلے:
    204,995
    جھنڈا:
    Pakistan
    موڈ:
    Relaxed
    ہندوستان میں جہاں تک مجھے علم ہے اردو ادب کا مواد انگریزی اور سنسکرتی ادب کے مقابلے میں خاصا مہنگا ہے۔
     
  6. سید عاطف علی

    سید عاطف علی لائبریرین

    مراسلے:
    10,213
    جھنڈا:
    SaudiArabia
    موڈ:
    Cheerful
    لیکن ظفری بھائی ۔ اس اصول کے تحت تو اردو احمدیوں کی مقدس زبان ٹھہرتی ہے جیسا کہ ابو ہاشم بھائی نے آخری حصے میں کہا کہ ان کے نبی کے دعوے کے مطابق وحی (زیادہ تر) اردو میں اترتی تھی۔
     
  7. شمشاد

    شمشاد لائبریرین

    مراسلے:
    204,995
    جھنڈا:
    Pakistan
    موڈ:
    Relaxed
    وہ اس لیے کہ ان کا نبی ظاہر ہی ایسی سرزمین پر ہوا جہاں کی زبان اردو تھی۔
     

اس صفحے کی تشہیر