آپ کے شہر کے پکوان

لڑی کے ممبران دوبارہ پکوانوں کی گفتگو پر تشریف لے آئیں۔ جزاک اللّٰہ!!
ہاں تو اے خان حلوا کھلانے کب آرہے ہو؟
لیکن حلوا، حلوا ہو سوجی کا ملبہ نہ ہو۔

 

پکوانوں پر بھی گفتگو ہی کروانا بھائی کبھی کھلانا مت!!!

 

چلیں مذاق برطرف۔۔۔
بقول اے خان حلوہ، پوری، قیمہ، چنے اور مغز نہاری ۔۔۔
جو ہم نے ملک ہوٹل (بہادر آباد نزد عالمگیر ٹرسٹ ) میں کھائی نہایت مزے دار پائی!!!

 

کیا اس دوران کسی نے باہر سے کچھ نہیں کھایا؟؟؟
حیرت ہے!!!

 

آج کل ہمارے یہاں بنوں بیف پلاؤ کافی مشہور ہورہا ہے۔کافی عرصہ قبل کراچی کمپنی کے ایریا میں شدید بھوک کا شکار ہوئے تو ٹرائی کیا تھا تب بارش بھی کافی تیز تھی اور بھوک بھی اور پلاؤ گرما گرم تو کھا ہی لیا۔ مگر اب یہاں اپنے علاقے میں جگہ جگہ دیکھ رہا ہوں تو کھانے کی ہمت نہیں ہورہی کہ اب کہاں پہلے سی صحت۔
ذکر اس لیے کردیا کہ بنوں جہاں سے یہ چلا ہے، وہاں تو لوگ سخت کام کاج کے عادی ہیں۔ان کے لیے تو شاید مسئلہ نہ ہو مگر میں حیران ہوں ہماری یہاں تو کھاؤ پیو اور سو جاؤ کی پالیسی ہے تو ایسے میں اس ڈش کو ہضم کر لینا کیسے ممکن ہے؟
ویسے میں تو اسے بھاری بھرکم سمجھ کر ڈر رہا ہوں مگر کوئی اور جو ریسپی سے واقف ہو بہتر بتا سکے۔

 

پلاؤ میں تو مرچ مسالے بھی نہیں ہوتے پھر بھاری بھرکم کیسے ہوگئی؟؟؟

 

پلاؤ تو ہمارے ہاں ملتا ہے. ہائے ہائے کیا ذائقہ ہوتا ہے.
تصویر بھی مل گئی.

 

اب کوئی مہمان نواز ہوتا تو اس سے فرمائش بھی کرتے۔۔۔
ویسے یہ کابلی پلاؤ ہے۔۔۔
ہمارے افغانی دوست اکثر کھلاتے ہیں!!!

 

جی کابلی پلاؤ ہے. میری مہمان پر کیا شک ہے کبھی آؤ بھی

 

ٹھیک ہے آتے ہیں کبھی!!!

 

ضرور

 

آپ کراچی تشریف لے آئیں۔ یہ پلاؤ کھلانا ہمارے ذمہ رہا۔ ان شاء اللہ
الآصف اسکوائر (سہراب گوٹھ) اس کا مرکز ہے، مگر شاید یہ پشاور کے کابلی پلاؤ جتنا لذیذ نہ ہو۔

 

کولیسٹرول وغیرہ کے حساب سے۔
پڑوس میں جاننے والے بھی ہفتہ دس دن تک شروع کررہے ہیں تو ان سے ریسپی لوں گا۔ کابلی یا افغانی پلاؤ کی نسبت یہ اس لیے الگ ہے کہ شاید "نلیوں" میں بنتا ہے تو یقیناً "چربی" کا دخل زیادہ ہوگا۔ چاولوں سے دگنا گوشت شامل کرتے ہیں۔

 

چلیں پھر ہم بھی امید رکھ لیں کہ کابلی پلاؤ کے بعد کٹوہ کھانے عبداللہ بھائی کے پڑوس میں بھی حاضری لگے گی۔

 

آپ جیسے دوچار قدر دان اور مل جائیں تو سمجھو اپنا ایک ماہ کا کوٹہ تو پورا ہوگیا۔۔۔
تیاریاں پکڑ لو بھیا اور بھائی!!!

 

یعنی کولیسٹرول کے لیے تو نہایت مفید ثابت ہوگا!!!

 

کٹوہ کھانے کی یا بنوں بیف پلاؤ کھانے کی

 

یہ دونوں تو ہیں ہی مگر ۔۔۔
ستاروں سے آگے جہاں اور بھی ہیں ۔۔۔
محفلین ان شہروں کے پاس اور بھی ہیں۔۔۔
لہٰذا پیوستہ رہ محفلین سے، امید طعام رکھ!!!

 

زیادہ امیدیں باندھنا بھی اچھا نہیں ہوتا، بھیا کی صحبت کا مارا کوئی محفلین ایسا مل گیا جو چائے کی پیالی پلاکر یہ کہتے ہوئے ٹرخادے کہ:
پیوستہ رہ شجر سے امید بہار رکھ
بنتے ہیں تیرے چار سو فی الحال چار رکھ
تو کرایہ فری میں (میرا مطلب ہے چائے میں) گلے پڑجائے گا۔