آپ کے شہر کے پکوان

[سید عمران]

یہ کراچی کے جگت ماموں ہیں۔

جگت ماموں کیا ہوتا ہے؟؟؟

 

[محمد عدنان اکبری نقیبی]

جگت ماموں کیا ہوتا ہے؟؟؟

ہر عمر کے فرد کے لیے ماموں ہوتے ہیں۔

 

[سید عمران]

ہر عمر کے فرد کے لیے ماموں ہوتے ہیں۔

جگت بیگم بھی ہوسکتی ہے کیا؟؟؟

 

[محمد عدنان اکبری نقیبی]

جگت بیگم بھی ہوسکتی ہے کیا؟؟؟

 

[سید عمران]

 

[سید عمران]

نہاری لوورز کے لیے مزے دار نہاری کے تین اسپاٹس۔۔۔
نارتھ ناظم آباد کی فوڈ اسٹریٹ پر دہلی سہیل کی نہاری۔۔۔
عائشہ منزل سے مکا چوک جاتے ہوئے صابری کی نہاری ۔۔۔
ناگن چورنگی کے پکوان سینٹر کی لائن میں فیاض کی نہاری!!!

 

[سید عمران]

بحوالہ محمد تابش صدیقی بھائی :
بٹ ریسٹورنٹ کی چکن جنجر اور چکن کستوری بوٹی۔ یہ لاہور کے مشہور بٹ کڑاہی والے ہیں۔ اب اسلام آباد میں بھی برانچز ہیں، ایف-۸ مرکز اور نیشنل پولیس فاؤنڈیشن۔

 

[محمد تابش صدیقی]

بحوالہ محمد تابش صدیقی بھائی :
بٹ ریسٹورنٹ کی چکن جنجر اور چکن کستوری بوٹی۔ یہ لاہور کے مشہور بٹ کڑاہی والے ہیں۔ اب اسلام آباد میں بھی برانچز ہیں، ایف-۸ مرکز اور نیشنل پولیس فاؤنڈیشن۔

ارے پھر تعارف پورا کیے دیتا ہوں۔
ویسے تو ان کے سب پکوان ذائقہ دار ہیں۔ مگر ان کی اصل سپیشلٹی دیسی چکن کی مکھنی کڑاہی ہے۔

 

[سید عمران]

ارے پھر تعارف پورا کیے دیتا ہوں۔
ویسے تو ان کا کوئی بھی پکوان ذائقہ دار ہے۔ مگر ان کی اصل سپیشلٹی دیسی چکن کی مکھنی کڑاہی ہے۔

ان کا کوئی بھی پکوان ذائقہ دار ہے یا نہیں؟؟؟

 

[محمد تابش صدیقی]

ان کا کوئی بھی پکوان ذائقہ دار ہے یا نہیں؟؟؟

اب قبول ہے؟

 

[یاز]

ارے واہ جناب۔
ہماری پسند کا موضوع تو اتنے دن ہم سے مخفی ہی رہا۔
ہم بھی جلد ہی اس میں بہت سی اِن پُٹ ڈالتے ہیں۔

 

[یاز]

میٹھے پر یاد آیا کہ لاہور میں خلیفہ کی نان خطائیاں بڑی مزے دار ہوتی ہیں...
یہ کہاں ملتی ہیں ہمیں نہیں معلوم کوئی لاہوریا ہی بتائے گا...
ہمیں تو گھر بیٹھے کھانے کو مل جاتی ہیں!!!

خلیفہ کی خطائیاں اندرونِ لاہور میں کسی جگہ سے ملتی ہیں۔ شاید اکبری منڈی کے نزدیک۔ ہم خود وہاں کبھی نہیں گئے، لیکن ہمارا ایک کولیگ اکثر ہمارے لئے لے کر آیا کرتا تھا۔ زبردست چیز ہے۔

 

[یاز]

لاہور میں مسلم ٹاون میں "پھجے کے سری پائے" کا بھی کسی زمانے میں کافی شہرہ تھا۔ اب کا علم نہیں کیونکہ بس چند گھنٹوں کے لیے بھاگم بھاگ جانا ہوتا ہے۔
انارکلی کی طرف بانو بازار کی چاٹ بہت مشہور ہے۔

پھجے کے پائے کی اصل "المشہور" جگہ ایک اور ہے۔ یونیورسٹی کے دور میں ہم ایک بار وہاں سے بھی کھانے گئے تھے۔
ہمیں پائے زیادہ پسند نہیں ہیں تو ان کی بابت زیادہ صائب رائے نہیں دے سکتے۔ لیکن اردگرد کا ماحول زیادہ اچھا نہیں لگا۔

 

[یاز]

گوجرانوالہ داخل ہوتے ہی سڑک کنارے "بابا جی کی دودھ کھوئے والی قلفی" کی ریڑھیاں نظر آتی ہیں۔ یہ ایک بابا جی سے کئی بابا جی بن گئے ہیں۔ اصلی کونسے والے ہیں, پتہ نہیں چلتا۔ لیکن قلفی ہوتی بہت مزے کی ہے۔

ہاہاہا۔
گوجرانوالا کی بجائے یہ راہوالی کا احوال ہے۔ درجنوں قلفی فروش براجمان ہیں اور ہر ایک کے بڑے سے بورڈ پہ ایک عدد بابا جی کی تصویر ضرور ہے۔
ہماری معلومات کے مطابق ان میں اصلی والی قلفی حافظ سلیمان کی ہے۔ ان کی پہچان یہ ہے کہ باقی سبھی تصویری بابے سفید داڑھی والے ہیں، جبکہ ان کی داڑھی کالی ہے۔ یہ گوجرانوالا چھاؤنی کے گیٹ کے تقریباً سامنے ہیں (100 میٹر وزیر آباد کی طرف)۔ مزید یہ کہ ان کی آؤٹ لیٹ سڑک کے دونوں جانب واقع ہے۔
ذیلی تصویر زیادہ صاف نہیں ہے، لیکن نیٹ سے یہی ملی ہے۔
ویسے میں اکثر وہاں سے قلفی کھاتا رہتا ہوں۔ اب کے گیا تو تصویر بھی بنا کے یہاں لگاؤں گا انشاءاللہ۔

 

[یاز]

خوشاب کا ڈھوڈا ملتان کے سوہن حلوے کی طرح کافی مشہور ہے، خوشاب اڈے پر کافی ساری دوکانیں بنی ہیں اور سبھی کا دعوی ہے کہ اصلی اور سب سے پرانی ڈھوڈے کی دوکان.
ویسے مشہور امین ڈھوڈا یا حافظ ڈھوڈا ہے.

ڈھوڈا بھی ایک لذیذ مٹھائی ہے۔ اب تو کئی سال ہوئے ڈھوڈا کھائے ہوئے۔
اصلی آؤٹ لیٹ خوشاب میں عین چوک پہ واقع امین ڈھوڈا ہاؤس ہے۔
اسی کے گردونواح میں اصلی، نیو، سپر وغیرہ کے سابقے کے ساتھ امین ڈھوڈا ہاؤسوں کی بھرمار وغیرہ بھی ہے۔

 

[یاز]

ایبٹ آباد میں کسی ایک خاص دکان کے کباب بھی مشہور ہیں۔ لیکن مجھے دکان کا نام یاد نہیں کیونکہ میزبانوں نے کھلائے تھے۔

کاغان کیفے؟

ویسے ایبٹ آباد سے کچھ آگے مانسہرہ کے راستے میں قلندر آباد کے چپل کباب کافی مشہور ہیں۔

 

[یاز]

پنڈی کی راحت بیکری برانچز کا پیزا, سیم روسٹ اور سلاد بہت اچھا ہوا کرتا تھا۔ لیکن جب سے تہذیب اور راحت کا مکمل بریک اپ ہوا ہے, تہذیب ہر ایک میں زیادہ بہتر ہو گئی ہے۔ حتی کہ اب راحت کی صدر والی برانچ میں بھی کوالٹی ویسی نہیں رہی۔

کیا راولپنڈی صدر میں راحت بیکری بھی ہے؟
سابقہ راحت کا نام تو تہذیب بیکرز ہو چکا اب۔

 

[یاز]

پشاور میں اب طرح طرح کے چرسی تکے کھل گئے ہیں۔ اگر یہ رہنمائی بھی کر دیں کہ کون سا چرسی تکہ والا اصلی ہے، تو بہتر رہے گا۔

بقول شخصے "چرسی چرسی ہوتا ہے"
ویسے اصل چرسی تو نثار چرسی ہی ہے نمک منڈی والا۔
لیکن اسی کے قریب قریب ذائقے والے کئی اور چرسی بھی موجود ہیں۔ نثار چرسی سے کچھ دکانیں آگے ایک جمیل چرسی بھی پایا جاتا ہے۔ اس کی نمکین کڑاہی اور تکہ بھی کافی عمدہ ہیں۔
اس کے علاوہ یونیورسٹی روڈ پہ بھی خیبر چرسی کے نام سے کافی بڑا ریسٹورنٹ ہے۔ اگرچہ اس کا ذائقہ نمک منڈی والے چرسیوں سے کچھ کم ہی ہے، تاہم یہ نسبتاً بہتر جگہ ہے۔ پارکنگ اور بیٹھنے کے لئے بھی بہتر جگہ مل جاتی ہے۔

 

[یاز]

جی روڈ پر ہی سفر کرتے گجرات اور کھاریاں کے سنگم پر میاں جی دا ہوٹل جس کی مشہور ترین ڈش ان کی دال ہے. جب سے ہوش سنبھالا ان کی دال فرمائشی پروگرام پر کھائی. اب تو ان کے بیٹوں/پوتوں نے اس کو بہت بڑے ریستوران کی شکل دے دی ہے. لیکن دال کا ذائقہ ویسا ہی بہترین ہے.

میاں جی کی دال تو تقریباً ہمارے ہمسائے میں ہی واقع ہے۔
اکثر ہی ان سے فیض یاب ہوتے رہتے ہیں۔
اصلی والے میاں جی نے لالہ موسیٰ میں ایک ریڑھی سے شروعات کی تھی۔ جہاں سے ترقی پاتے پاتے اب کافی بڑا ریسٹورنٹ اور شادی ہال وغیرہ بنا چکے ہیں۔
میاں جی خود چند سال قبل فوت ہو چکے ہیں، اور اب ان کے بچے ریسٹورنٹ چلا رہے ہیں۔
ویسے لوگ کہتے ہیں کہ اب دال کا وہ ذائقہ نہیں، لیکن میں اس بات سے غیرمتفق ہوں۔ دال آج بھی ویسی کی ویسی ہی شاندار ہے۔

 

[افضل حسین]

ہمارے شہر میں ارسلان کی مٹن بریانی بہت مشہور ہیں اس کے علاوہ شیراز کی بریانی بھی بہت مقبول ہے پاکستان کرکٹرز جب کلکتے آتے ہیں تو شیراز کی بریانی ضرور کھاتے ہیں.