آنکھ، چشم، نین، دیدہ، نگاہ، نظر پر اشعار

[عبد الرحمن]

اذیت، مصیبت، ملامت، بلائیں
ترے عشق میں ہم نے کیا کیا نہ دیکھا

لڑی کی مناسبت سے یہ شعر قابل قبول ہے؟​

 

[محمداحمد]

اذیت، مصیبت، ملامت، بلائیں
ترے عشق میں ہم نے کیا کیا نہ دیکھا

لڑی کی مناسبت سے یہ شعر قابل قبول ہے؟​

جی فی الحال چلا لیتے ہیں۔ ویسے مذکورہ الفاظ اگر شعر میں ہوں تو اچھی بات ہے۔

 

[عبد الرحمن]

آتا ہے خواب میں بھی تری زلف کا خیال
بے طور گھر گئے ہیں پریشانیوں میں ہم
بسکہ ہوں غالب اسیری میں بھی آتش زیرپا
موئے آتش دیدہ ہے حلقہ مری زنجیر کا​

 

[عبد الرحمن]

جی فی الحال چلا لیتے ہیں۔ ویسے مذکورہ الفاظ اگر شعر میں ہوں تو اچھی بات ہے۔

جی بہتر!

 

[Rehmat_Bangash]

وہ اشک بن کر میری نظر میں رہتاہے
عجیب شخص ہے پانی کے گھر میں رہتاہے

 

[Rehmat_Bangash]

تری نگاہ نے ظالم کبھی یہ سوچاہے
تری نگاہ کے ماروں کا حال کیا ہوگا

 

[محمداحمد]

وہ اشک بن کر میری نظر میں رہتاہے
عجیب شخص ہے پانی کے گھر میں رہتاہے

یہ شعر غالباً اس طرح ہے۔

وہ اشک بن کے مری چشمِ تر میں رہتا ہے
عجیب شخص ہے پانی کے گھر میں رہتا ہے

 

[ماہی احمد]

اسکی آنکھوں کو کبھی غور سے دیکھا ہے فراز
سونے والوں کی طرح جاگنے والوں جیسی

 

[ماہی احمد]

وہ کرینہ ، وہ کرشمہ، وہ ایشوریا ہو کہ مادوری
نہ شک کر دیکھ کر بٹوے میں میرے ان کی تصویریں
میں فقط اس نیت سے ان کو دیکھتا ہوں بیگم
نگاہِ مردِ مومن سے بدل جاتی ہیں تقدیریں

شاعر : سلمان گیلانی

 

[صائمہ شاہ]

سایہ چشم میں حیراں رُخِ روشن کا جمال
سُرخئی لب میں پریشاں تری آواز کا رنگ

فیض احمد فیض

 

[صائمہ شاہ]

نادم ہُوں جان دے کر ، آنکھوں کو تُو نے ظالم
رُو رُو کے بعد میرے کیوں لال کر لیا ہے

حسرت موہانی

 

[صائمہ شاہ]

کھوئی کھوئی یہ نگاہیں یہ خمیدہ پلکیں
ہاتھ اُٹھاے جسطرح کوئی دُعا مانگے ہے

جاں نثار اختر

 

[ماہی احمد]

کس کو ہمارے حال سے نسبت ہے کیا کریں
آنکھیں‌تو دوشمنوں‌کی بھی پرنم ہیں دوستو

 

[صائمہ شاہ]

کہہ رہی ہیں مجھے وہ حوصلہ افزا آنکھیں
روح تک جاوں خد و خال مسلتا ہوا میں

شاہد ذکی

 

[قرۃالعین اعوان]

مانا کہ تیری دید کے قابل نہیں ہوں میں
تو میرا شوق دیکھ' میرا انتظار دیکھ
کھولی ہیں ذوقِ دید نے آنکھیں تری اگر
ہر رہ گزر میں نقشِ کفِ پائے یار دیکھ

علامہ اقبال

 

[قرۃالعین اعوان]

تو بدلتا ہے تو بے ساختہ میری آنکھیں
اپنے ہاتھوں کی لکیروں سے الجھ جاتی ہیں

پروین شاکر

 

[قرۃالعین اعوان]

ترے جمال سے آنکھیں حسیں ہیں میری
ترے جمال سے دل میں چراغ جلتے ہیں

امجد اسلام امجد

 

[قرۃالعین اعوان]

دل ٹھہرنے دے تو آنکھیں بھی جھپکتے جاویں
ہم کہ تصویر بنے بس تجھے تکتے جاویں
چوب نم خوردہ کی مانند سلگتے رہے ہم
نہ تو تجھے پائیں نہ بھڑکیں نہ دہکتے جاویں

احمد فراز

 

[قرۃالعین اعوان]

خدا کرے تیری آنکھیں ہمیشہ ہنستی رہیں
دیارِ وقت سے تو شادماں گزرتا رہے
میں مانگتی ہوں تیری زندگی قیامت تک
ہوا کی طرح سے تو جاوداںگزرتا رہے

پروین شاکر

 

[قرۃالعین اعوان]

کبھی یوں بھی آ میری آنکھ میں کہ میری نظر کو خبر نہ ہو
مجھے ایک رات نواز دے مگر اس کے بعد سحر نہ ہو

بشیر بدر