آنکھ،آنکھیں

[F@rzana]

آنکھ برسی ہے ترے نام پہ ساون کی طرح
جسم سلگا ہے تری یاد میں ایندھن کی طرح
مرتضی برلاس​

(یہ غزل کسی پاکستانی گلوکار نے بہت خوبصورتی سے گائی ہے،کسی کو کوئی اتہ پتہ ۔۔۔۔!)

 

[سیدہ شگفتہ]

شاندار۔۔۔اسے دیکھ کر تو کئی نظمیں ایک ساتھ ذہن میں آ رہی ہیں !

 

[عیشل]

زبردست،،،بہت ہی خوبصورت

 

[راجہ صاحب]

اپنی تو جہاں آنکھ لڑی پھر وہیں دیکھو
آئینے کو لپکا ہے پریشاں نظری کا

 

[شمشاد]

دن کے ڈھلتے ہی اُجڑ جاتی ہیں آنکھیں ایسے
جس طرح شام کو بازار کسی گاؤں میں
(احمد فراز)

 

[راجہ صاحب]

توٗ مجھ سے میں تجھ سے دور
تنہا تنہا پھرتے ہیں
دل ویراں آنکھیں بے نور
دوست بچھڑتے جاتے ہیں
شوق لئے جاتا ہے دور
ہم اپنا غم بھول گئے
آج کسے دیکھا مجبور
دل کی دھڑکن کہتی ہے
آج کوئ آئے گا ضرور
کوشش لازم ہے پیارے
آگے جو اس کو منظور
سورج ڈوب چلا ناصر
اور ابھی منزل ہے دور


ناصر کاظمی

 

[مغزل]

فرزانہ جی ۔ یہ مکمل غزل مل سکتی ہے کہیں سے ؟؟

 

[ماسٹر]

آنکھ سے دور سہی دل سے کہاں جائے گا
جانے والے تو ہمیں یاد بہت آئے گا

 

[فخرنوید]

ہنسنے پہ ہنستی ہیں آنکھیں
رونے پہ روتی ہیں آنکھیں
زخم بھی دیتی ہیں آنکھیں
جان بھی تو لیتی ہیں آنکھیں

 

[شمشاد]

فرزانہ جی ۔ یہ مکمل غزل مل سکتی ہے کہیں سے ؟؟

حضرت کون سی فرزانہ سے مخاطب ہیں؟

 

[مغزل]

یہی فرزانہ نیناں ، جنوں نے مرتضی برلاس کا شعر پیش کیا ہے ؟؟ کیا کوئی اور بھی ہیں یہاں ؟؟

 

[راجہ صاحب]

آنکھ اٹھی محبت نے انگرائی لی
دل کا سودا ہوا چاندنی رات میں

ان کی نظروں نے کچھ ایسا جادو کیا
لٹ گئے ہم تو پہلی ملاقات میں

استاد نصرت فتح علی خان کی آواز میں بہت خوبصورت انداز میں گائی گئی ہے
انٹرنیٹ سے لنک تلاش کرکے پوسٹ کرتا ہوں‌ اگر ملا تو

 

[مغزل]

آنکھ میں ٹھہرے ہوئے لوگ کہاں جاتے ہیں
عشق ہوجائے تو پھر روگ کہاں جاتے ہیں
شبیر نازش

 

[مغزل]

لفظ کی قید سے رہا ہوجا
آ ،مری آنکھ سے ادا ہوجا
توقیر تقی

 

[فخرنوید]

آنکھوں کی زباں وہ سمجھ نہیں پاتے
ہونٹ مگر پھر بھی کہہ نہیں پاتے
اپنی بے بسی کس طرح کہیں
کوئی ہے جس کے بنا ہم رہ نہیں پاتے

 

[شمشاد]

یہی فرزانہ نیناں ، جنوں نے مرتضی برلاس کا شعر پیش کیا ہے ؟؟ کیا کوئی اور بھی ہیں یہاں ؟؟

لیکن وہ تو غالباً دو سال قبل آخری دفعہ محفل میں آئی تھیں۔

 

[مغزل]

مجھے خبر ہے ، کل ہی ان سے بات ہوئی ، انشا اللہ دوبارہ بھی آئیں گی

 

[راجہ صاحب]

تیری تصویر، آنکھ میں پانی
درد، چاہت، وفا نے حد کردی

 

[شمشاد]

ہم سبھی خواب چراُتے تیری آنکھوں سے مگر
تیری پلکوں کو خبر نہ ہونے دیتے​

 

[راجہ صاحب]

سوکھتے ہی آنسوؤں کے نور آنکھوں سے گیا
بجھ ہی جاتے ہیں دیے جس وقت سب روغن جلا


میر