افتخار عارف آسمانوں‌ پر نظر کر انجم و مہتاب دیکھ - افتخار عارف

[NAZRANA]

آسمانوں پر نظر کر انجم و مہتاب دیکھ
صبح کی بنیاد رکھنی ہے تو پہلے خواب دیکھ
دوش پر ترکش پڑا رہنے دے پہلے دل سنبھال
دل سنبھل جائے تو سوئے سینہِ احباب دیکھ
بوند میں سارا سمندر آنکھ میں کُل کائنات
ایک مشتِ خاک میں سورج کی آب و تاب دیکھ
افتخار عارف کے تند و تیز لہجے پر نہ جا
افتخار عارف کی آنکھوں میں الجھتے خواب دیکھ
کلامِ افتخار عارف

 

[الف نظامی]

بہت خوب!

 

[طارق شاہ]

​

غزلِ​

افتخارعارف​

آسمانوں پر نظر کر انجم و مہتاب دیکھ
صبح کی بنیاد رکھنی ہے تو پہلے خواب دیکھ

ہم بھی سوچیں گے دعائے بے اثر کے باب میں
اِک نظر تو بھی تضادِ منبر و محراب دیکھ

دوش پر ترکش پڑا رہنے دے، پہلے دل سنبھال
دل سنبھل جائے تو سوئے سینہٴ احباب دیکھ

موجہٴ سرکش کناروں سے چھلک جائے تو پھر
کیسی کیسی بستیاں آتی ہیں زیرِ آب دیکھ

بوند میں سارا سمندر آنکھ میں کل کائنات
ایک مشتِ خاک میں سورج کی آب وتاب دیکھ

کچھ قلندر مشربوں سے راہ و رسمِ عشق سیکھ
کچھ ہم آشفتہ مزاجوں کے ادب آداب دیکھ

شب کو خطّ ِ نُور میں لکھّی ہوئی تعبیر پڑھ
صبح تک دیوارِ آئیندہ میں کُھلتے باب دیکھ

افتخار عارف کے تند و تیز لہجے پر نہ جا
افتخار عارف کی آنکھوں میں اُلجھتے خواب دیکھ

افتخار عارف​

 

[مدیحہ گیلانی]

بوند میں سارا سمندر آنکھ میں کل کائنات
ایک مشتِ خاک میں سورج کی آب وتاب دیکھ
واہ واہ لاجواب انتخاب ....کیا ہی کہنے افتخار عارف صاحب کے ..بہت شکریہ شاہ صاحب

 

[طارق شاہ]

بوند میں سارا سمندر آنکھ میں کل کائنات
ایک مشتِ خاک میں سورج کی آب وتاب دیکھ
واہ واہ لاجواب انتخاب ....کیا ہی کہنے افتخار عارف صاحب کے ..بہت شکریہ شاہ صاحب

اظہار خیال کے لئے ممنون ہوں
خوشی ہوئی، جوعارف صاحب کے کلام سے یہ انتخاب آپ کو پسند آیا
مقطع کے دونوں مصرع میں عروضی نقطۂ نظر سے عارف کی بستگی قابل دید ہے
بہت شکریہ ایک بار پھر سے

 

[مزمل شیخ بسمل]

کچھ ہم آشفتہ مزاجوں کے ادب آداب دیکھ

واہ واہ ۔ بہت خوب۔ ​

 

[طارق شاہ]

کچھ ہم آشفتہ مزاجوں کے ادب آداب دیکھ

واہ واہ ۔ بہت خوب۔ ​

اظہار خیال کے لئے ممنون ہوں خوشی ہوئی، انتخاب آپ کو پسند آیا!
تشکّر