آج کی دلچسپ خبر!

[شاہد شاہ]

اصل میں یہ لفظ شاورما ہی ہے ، مگر پاکستان میں اسے لوگ شوارما کہتے ہیں یہ غلط العوام ہے، اب چونکہ بہت بری طرح اس کا غلط تلفظ رائج ہوچکا ہے تو پاکستان میں اسے شوارما ہی کہنا پڑے گا۔

غلط العام انگریزی سے اردو کرنے کی وجہ سے ہے:
Shawarma - Wikipedia

 

[شاہد شاہ]

اور چھ گھنٹوں تک گانے سننے والوں کا کیا بنا ؟

آجکل کانوں کے امراض میں مبتلا ہیں

 

[محمد عدنان اکبری نقیبی]

پنجاب میں سوشل میڈیا ہیک کئے جانے کا انکشاف

پنجاب میں سوشل میڈیا کی واٹس ایپ کو ہیک کئے جانے کے انکشاف کے بعد حکومت نے ہائی الرٹ جاری کرتے ہوئے شہریوں کو احتیاط برتنے کی ہدایت کی ہے۔
سوشل میڈیا پر ہیکرز کی تخریب کاریوں کے بعد دنیا کی پہلی بڑی میسیجنگ ایپ کو ملک میں ہیک کرکے صارفین کی تمام تر خفیہ معلومات تک رسائی حاصل کی جارہی ہے جس پر وفاق اور پنجاب کی جانب سے مختلف نوٹیفکیشنز بھی جاری کئے جاتے رہے ہیں۔
اس مرتبہ نئے طریقے سے وٹس ایپ کو ہیک کرنے کے انکشاف کے بعد پنجاب کے محکمہ ایس اینڈ جی اے ڈی نے نیا نوٹیفیکیشن جاری کیا ہے۔

 

[محمد وارث]

مطالبے میں وزن تو ہے!

 

[جاسمن]

امریکا میں غربت سے برا حال، گندگی کے ڈھیر

جس وقت امیر ترین طبقہ پورے ملک کو نچوڑ کر اسے کھوکھلا بنا رہے ہیں اس وقت سوال یہ پیدا ہوتا ہے کہ کیا امریکا اپنے عوام کو معیاری معیارِ زندگی فراہم کرے گا یا نہیں۔ یہ بھی اہم بات ہے کہ اس مقصد کے حصول کیلئے کتنے لوگوں کو قربانی دینا پڑے گی۔ امریکا دنیا کا امیر ترین ملک ہے اور اس بات کا اندازہ اس کی خام جی ڈی پی دیکھ کر ہوتا ہے لیکن حالت یہ ہے کہ یہاں بچوں کی ایک بڑی تعداد کھلے گٹر اور جگہ جگہ پھیلے کچرے اور گندگی کی وجہ سے بیمار ہو رہے ہیں۔
یہ انکشافات کسی اور نے نہیں بلکہ اقوام متحدہ کی جانب سے گزشتہ سال کرائے گئے ایک سروے کے نتیجے میں کیے گئے ہیں۔ اس سروے کیلئے امریکا کے غریب ترین علاقوں میں مسلسل دو ہفتوں تک ریسرچ کی گئی۔ اقوام متحدہ کی یہ رپورٹ گزشتہ سال دسمبر میں جاری کی گئی تھی۔

رپورٹ کی تیاری کیلئے ماہرین کی ٹیم نے کیلیفورنیا، الاباما، جورجیا، مغربی ورجینیا اور واشنگٹن ڈی سی (دارالحکومت) کا دورہ کیا۔ اقوام متحدہ کے نمائندہ برائے غربت اور حقوق انسانی فلپ آلسٹن نے اپنی رپورٹ میں لکھا ہے کہ امریکا دنیا کے امیر ترین، انتہائی طاقتور اور ٹیکنالوجی کے لحاظ سے جدید ترین ملکوں میں سے ایک ہے لیکن تمام تر دولت، طاقت اور ٹیکنالوجی کے باوجود ان مسائل کو حل نہیں کیا جا رہا جن کی وجہ سے ملک کے 4؍ کروڑ افراد بدستور غربت میں زندگی گزارنے پر مجبور ہیں۔
انہوں نے اپنی رپورٹ میں لکھا ہے کہ میں نے لاس اینجلس میں کئی غریب لوگوں سے ملاقات کی، سان فرانسسکو میں ایک پولیس والا بے گھر افراد کے ایک گروپ سے کہہ رہا تھا کہ اس جگہ سے ہٹ جائو، لیکن اس کے پاس اس سوال کا کوئی جواب نہیں تھا جو ان بے گھر افراد نے پوچھا کہ یہاں سے ہٹ کر کہاں جائیں۔ انہوں نے کہا کہ ان ریاستوں میں کئی ایسے مقامات ہیں جہاں کچرا کھلے عام پھینکا جاتا ہے اور مقامی حکومتیں حفظانِ صحت کو اپنی ذمہ داری نہیں سمجھتیں، غریب لوگوں کیلئے متعارف کرائے جانے والے ہیلتھ پروگرامز میں دانتوں کے مسائل کی سہولت شامل نہیں، ان ریاستوں میں خاندانی نظام تباہ ہو رہا ہے، شرح اموات بڑھ رہی ہے۔
رپورٹ میں بتایا گیا ہے کہ گٹر کے کچرے اور غلاظت سے بھرے ہوئے علاقے لائونڈیس کائونٹی الاباما میں موجود ہیں جس سے صحت کے مسائل پیدا ہو رہے ہیں خصوصاً ہوک ورم نامی بیماری پیدا ہو رہی ہے جو عمومی طور پر غریب ترین ملکوں میں پائی جاتی ہے۔ اس کے علاوہ دیکھیں تو نیویارک کا سب وے سسٹم زوال کا شکار ہے کیونکہ یہاں سرمایہ کاری نہیں کی جا رہی اور کرپشن زیادہ ہے۔
گزشتہ موسم سرما کی بات کی جائے تو زیر زمین ایک ٹرین پھنس گئی جس کی وجہ سے کئی مسافروں کو بغیر ایئر کنڈیشن کے اندھیرے میں ایک گھنٹے تک مدد کیلئے آہ و بکا کرنا پڑی۔

دارالحکومت واشنگٹن کی بات کی جائے تو میٹرو ٹرین ہمیشہ دیر سے آتی ہے اور ناقابل بھروسہ بھی ہے، ٹرینوں میں آگ لگنے کے واقعات بڑھ رہے ہیں، پل ٹوٹ رہے ہیں، بالٹی مور میں درجنوں اسکولز ایسے ہیں جہاں سردیوں میں گرمی پیدا کرنے کا کوئی نظام نہیں جبکہ امریکی انتظامیہ جس ایک شعبے میں زیادہ سرمایہ کاری کر رہی ہے وہ جیل خانہ جات کا شعبہ ہے یا پھر جنگ کا۔
ملک میں طلبہ کی ایک بڑی تعداد 14؍ کھرب ڈالرز کی مقروض ہے۔ جہاں تک صحت کے شعبے کی بات کی جائے تو 45؍ ہزار لوگ صرف اسلئے سالانہ مر رہے ہیں کیونکہ ہیلتھ کیئر تک رسائی ان کے بس کی بات نہیں۔ اس کے بعد پانی کے مسائل آتے ہیں، ملک بھر میں ایسی تین ہزار کائونٹیز ہیں جہاں پانی کی سپلائی میں سیسہ پایا گیا ہے لیکن مسائل کے حل کیلئے کچھ نہیں کیا جا رہا۔

حیرانی کی بات یہ ہے کہ مسائل سے بھرپور علاقوں میں زیادہ سے زیادہ عمر کی حد 64؍ سال ہے جبکہ صرف 6؍ گھنٹے دور موجود امیروں کے علاقے میں زیادہ سے زیادہ عمر کی حد 82؍ سال ہے۔ ایسے ملک میں یہ باتیں حیران کن نہیں جہاں امیر لوگ امیر ترین جبکہ غریب غریب ترین ہوتے جا رہے ہیں جبکہ متوسط طبقہ تباہ ہو رہا ہے۔

سورس؟؟؟

 

[محمد عدنان اکبری نقیبی]

سورس؟؟؟

لنک

 

[فرقان احمد]

سورس؟؟؟

یہ ربط ملاحظہ فرمائیے۔

 

[جاسمن]

جزاک اللہ خیرا کثیرا۔

 

[محمد عدنان اکبری نقیبی]

سعودی عرب کاتفریحی صنعت پر اربوں خرچ کرنے کا منصوبہ

سعودی عرب نےمغربی طرز پر تفریح کی صنعت کو بہتر بنانےکے لئے اربوں خرچ کرنے کی منصوبہ بندی کا اعلان کیا ہے۔
عرب میڈیا کے مطابق یہ منصوبہ سعودی ولی عہد محمد بن سلمان کے معاشی اور معاشرتی اصلاحی پروگرام’’ وژن 2030 ‘‘ کا حصہ ہے جس کا آغاز دو سال قبل ہوا ۔
جنرل انٹرٹینمنٹ اتھارٹی (جی ای اے) کے سربراہ، احمد بن عقیل کا کہنا ہے کہ رواں سال تقریباً 5000 تقریبات کی منصوبہ بندی کی گئی ہے ، خدا نے چاہا تو آپ 2020 میں اصل تبدیلی دیکھیں گے۔
انہوں نے کہا کہ ماضی میں، سرمایہ کار کام کی تیاری کے لیے ملک سے باہر جاتے تھے، اور اس کے بعد سعودی عرب واپس آکر اس کی نمائش کرتے تھے۔ آج تبدیلی آرہی ہے اور انٹرٹینمنٹ سے متعلقہ ہر کام یہیں ہوگا۔
رپورٹ کے مطابق ملک میں سیاحت کے فروغ کو مدنظر رکھتے ہوئے دارالحکومت ریاض کے قریب تقریباً لاس ویگس کے برابر کے ایک بڑے تفریحی شہر کی منصوبہ بندی کی گئی ہے۔
واضح رہے حالیہ دنوں سعودی عرب نے کئی ایسے اقدامات کیے ہیں جو ملک میں اپنی نوعیت کے پہلے تھے ،ان میں گذشتہ ماہ خواتین کوا سٹیڈیمز میں فٹبال میچ دیکھنے کی اجازت اور جون سے خواتین کو گاڑی چلانے کی اجازت کا اعلان اور گزشتہ دنوں پہلی بار عرب فیشن ویک کا انعقاد شامل ہیں۔
گذشتہ سال ولی عہد محمد بن سلمان نے اپنے عزم کا اظہار کرتے ہوئے کہا تھا کہ سعودی عرب ایک بار پھر ’اعتدال پسندملک بنے گا جہاں تمام مذاہب، ثقافتوں اور لوگوں کے لیے راہیں کھلیں گی۔

 

[شاہد شاہ]

گذشتہ سال ولی عہد محمد بن سلمان نے اپنے عزم کا اظہار کرتے ہوئے کہا تھا کہ سعودی عرب ایک بار پھر ’اعتدال پسندملک بنے گا جہاں تمام مذاہب، ثقافتوں اور لوگوں کے لیے راہیں کھلیں گی۔

عجیب لوگ ہیں۔ پہلے عوام کو جبراً قدامت مند پسند بنایا۔ اب جبراً لبرل بنائیں گے۔ گڈ لک

 

[زیک]

سورس؟؟؟

www.ohchr.org/EN/NewsEvents/Pages/DisplayNews.aspx?NewsID=22533&LangID=E
اصلی سورس۔

 

[شاہد شاہ]

حیرانی کی بات یہ ہے کہ مسائل سے بھرپور علاقوں میں زیادہ سے زیادہ عمر کی حد 64؍ سال ہے جبکہ صرف 6؍ گھنٹے دور موجود امیروں کے علاقے میں زیادہ سے زیادہ عمر کی حد 82؍ سال ہے۔ ایسے ملک میں یہ باتیں حیران کن نہیں جہاں امیر لوگ امیر ترین جبکہ غریب غریب ترین ہوتے جا رہے ہیں جبکہ متوسط طبقہ تباہ ہو رہا ہے۔

پھر لوگ پوچھتے ہیں انقلاب کیوں آتے ہیں۔ غربت ختم کرنے کی بجائے غریب ختم کریں گے تو ایسا ہی ہوگا۔

 

[محمد تابش صدیقی]

جماعت اسلامی کا نادرا کے ہیڈ آفس پر دھرنے کا نتیجہ
کراچی :چیئرمین نادرا عثمان مبین کا مختلف سینٹرز کے ہنگامی دورے
کراچی :عثمان مبین عام شہری بن کر قطار میں کھڑے رہے
کراچی :نادرا میگا سینٹر سائٹ پر دو کاونٹر پر عملہ غائب تھا
کراچی :ایک کاونٹر سے چیئرمین نادرا کی درخواست واپس کردی گئی
کراچی :چیئرمین نادرا نے میگا سینٹر سائٹ کے دو افسران کو معطل کردیا
کراچی :نادرا لیاقت آباد سینٹر میں خاتون اسٹاف نے شہری کی درخواست وصول کرنے سے انکار کردیا
کراچی :خاتون اسٹاف شاہین اختر نے لاڑکانہ کے شہری کو شناختی کارڈ جاری کرنے سے منع کردیا
کراچی :چیئرمین نادرا نے شاہین اختر کو برطرف کردیا
کراچی :چیئرمین نادرا نے سائٹ نادرا سینٹر کے نوید بلو کو معطل کردیا
کراچی :پاکستان کا شہری کسی بھی سینٹر سےشناختی کارڈ بنوا سکتا ہے ، عثمان مبین چیئرمین نادرا
کراچی :شہریوں کو تنگ کرنے والے اسٹاف کے خلاف سخت کارروائی کی جائیگی ، عثمان مبین چیئرمین نادرا
بشکریہ نجیب ایوبی

 

[محمد عدنان اکبری نقیبی]

بھارت میں خواجہ سراؤں کی پولیس میں بھرتی کا فیصلہ

بھارتی ریاست چھتیس گڑھ میں خواجہ سراؤں کو پولیس فورس کا حصہ بنانے کا فیصلہ کیا گیا ہے،جس کے بعد 40خواجہ سراؤں نے بھرتی کے لئے درخواستیں جمع کرادی ہیں۔
بھارتی اخبار کے مطابق ریاست چھتیس گڑھ کی حکومت نے گذشتہ ماہ خواجہ سراؤں کی پولیس میں بھرتی کا اعلان کیا تھا اور 8فروری کو اشتہار کے ذریعے درخواستیں طلب کی گئی تھیں، جس کے بعد کانسٹیبل کے عہدے کے لئے کم از کم 40خواجہ سراؤں کی درخواستیں موصل ہوچکی ہیں۔
اخبارکے مطابق حکومت کے اس اقدام کا مقصد مساوات کو فروغ دینا اورخواجہ سراؤں کو قومی دھارے میں لانا ہے۔حکام نے ریاست میں تمام کیٹگریز کے لئے کانسٹیلز کی دوہزار سے زائد اسامیوں پربھرتی کے عمل کا آغاز کردیا ہے۔
پولیس ترجمان کا کہنا ہے کہ اس حوالے سے خواجہ سراؤں کی سہولت کے لئے ورکشاپس کا انعقاد بھی کیا تھا، اُن کاکہنا تھا کہ درخواست گذار کی بھرتی تحریری امتحان پاس کرنے اور فزیکل ٹیسٹ کے بعد عمل میں آئے گی۔واضح رہے کہ ریاست چھتیس گڑھ میں تین ہزار سے زائد خواجہ سرا ہیں۔

 

[محمد عدنان اکبری نقیبی]

دوبارہ چہل قدمی کرنا چاہتا ہوں

گنیز بک آف ورلڈ ریکارڈز 2016ء میں دنیا کے وزنی ترین انسان رہنے والے میکسیکو کے جوآن پیڈرو فرینکو ان دنوں اپنا وزن کم کرنے میں مصروف ہیں اور اب تک 250 کلو گرام وزن کرچکے ہیں۔
اپنے موٹاپے کی وجہ سے وہ بستر پر ہی پڑے رہتے تھے جس کی وجہ سے اُنہیں ذیابیطس اور بلند فشار خون کے ساتھ ساتھ پھیپھڑوں میں شدید رکاوٹ کا عارضہ لاحق ہے۔
ڈاکٹرز نے اُنہیں خبردار کیا تھا کہ وزن کم نہ کرنے کی صورت میں اُن کی جان کو خطرہ ہے جس کے بعد اُنہوں نے معدے کی ڈبل سرجری کرانے کا فیصلہ کیا۔
مئی 2017ء میں اُن کی پہلی سرجری کی گئی جس میں اُن کے معدے کاحجم کم کیا گیا جبکہ چھ ماہ بعد گیسٹرک بائی پاس کے ذریعے باقی رہ جانے والے معدے کا حجم نصف کردیا گیا۔

ڈاکٹرز کا کہنا ہے کہ فرینکو مشکل سے ہی حرکت کر پاتے تھے اس لئے کیلوریز برن کرنے کا عمل کافی نہیں تھا لہٰذا اُن کے معدے کا سائز کم کرنا ہی واحد آپشن تھا۔
۔33 سالہ فرینکو کا وزن اس وقت 345 کلو گرام ہے، ڈاکٹرز کو توقع ہے کہ آئندہ ڈیڑھ سال میں وہ مزید 100 کلو وزن کم کرلیں گے۔
فرینکو اس وقت بھی آکسیجن ٹیوب کے ساتھ منسلک ہیں، تاہم اب وہ کم سے کم وقت بستر پر گزارتے ہیں، وہ واکر کی مدد سے ایک سال کے عرصے میں پہلا قدم اٹھانے میں کامیاب ہوئے، اب اُن کا کہنا ہے کہ میرا بڑا خواب ہے ’’میں دوبارہ چہل قدمی کرنا چاہتا ہوں‘‘
دھوپ نہ لگنے کی وجہ سے فرینکو کی جلد پیلاہٹ مائل سفید ہوگئی ہے، وہ اپنا وقت اسکارفز کی بنائی اور ٹافیاں بناکر گزارتے ہیں جنہیں اُس کے گھر والے فروخت کردیتے ہیں، اس طرح وہ گھر کے بجٹ میں اپنا حصہ ڈالتے ہیں۔
لیکن فرینکو نے دن کا بڑا حصہ ایکسرسائز کے لئے وقف کررکھا ہے، اُن کا کہنا ہے کہ وہ بہت خوش ہیں کیونکہ ہرچیز اچھے طریقے سے ہورہی ہے۔
ڈاکٹر کا کہنا ہے کہ فرینکو ہر روز زیادہ ایکسرسائز کرتے ہیں، وہ اپنی زندگی کو معمول پر لانے کے لئے خود کھڑے ہونے کی کوشش کررہے ہیں، اُ ن کا رویہ بہت مثبت ہے۔

فرینکو کا علاج کرنے والی ٹیم کا کہنا ہے کہ ہم ایک زندگی کو بچانے کی کوشش کررہے ہیں اور جب تک وہ خطرے سے باہر نہیں آجاتے ہم ہوشیار رہیں گے۔
اقوام متحدہ کی تنظیم برائے خوراک و زراعت اور عالمی ادار صحت کے مطابق لاطینی امریکا اور کیریبین میں 58 فیصد لوگ زیادہ وزن کا شکار ہیں۔
میکسیکو بہاماس اور چلی کے ساتھ اس مسئلے سے متاثرہ بدترین ممالک میں شامل ہے۔
فرینکو میکسیکو کے واحد شخص نہیں جو دنیا کے موٹے ترین انسان ہیں، اُن کے ہم وطن مینوئل اورائب نے بھی 2007ء میں 597 کلو وزن کے ساتھ دنیا کے موٹے ترین شخص کا اعزاز اپنے نام کیا تھا بعدازاں انہوں نے خوراک کے ذریعے اپنا وزن کم کرکے 394 کلو گرام کرلیا تھا۔
اورائب نے 2008ء میں شادی کرلی تھی۔ شادی کی تقریب میں اُنہیں کرین کے ذریعے لے جایا گیا تھا، بعدازاں وہ مئی 2014ء میں 48 سال کی عمرمیں انتقال کرگئے تھے۔

 

[محمد عدنان اکبری نقیبی]

استور میں کینیڈا کے شہری کا مہنگا ترین شکار

گلگت بلتستان کے ضلع استور میں کینیڈا کے شہری نےنایاب’ مارخور‘ کا مہنگا ترین شکار کیا ۔
محکمہ جنگلی حیات کے ترجمان نے مہنگے ترین شکار کی تصدیق کی اور کہا کہ کینیڈا کے شہری نے 76لاکھ روپے سے زائد کی بھاری فیس اداکرکے قیمتی جانور مارخور کا شکار کیا ۔
محکمہ جنگلی حیات کے ترجمان کے مطابق گلگت بلتستان میں کینیڈین شکاری نے نایاب مارخور کا شکار کیا، غیر ملکی شکاری نے مقررہ فیس 68500 امریکی ڈالر( 76لاکھ 3ہزار 500روپے) بھی ادا کی۔
محکمہ جنگلی حیات کے ترجمان کے مطابق گلگت بلتستان میں ٹرافی ہنٹنگ اسکیم کے تحت کنیڈا سے تعلق رکھنے والے مسٹر یک بن ایڈم نے ضلع استور میں 43انچ سینگ کے نایاب مارخور کا شکار کیا ۔
ترجمان کے مطابق ٹرافی ھنٹگ کے طے شدہ معاہدے اور قواعد وضوابط کے تحت شکار کی مد میں ملنے والی 80فیصد رقم شکار سے متصل علاقے دشکن کی مقامی آبادی کو ادا کی جائے گی جبکہ 20 فیصد رقم محکمہ جنگلی حیات کو ملے گی۔

 

[محمد عدنان اکبری نقیبی]

فلپائن میں سجا رنگ برنگے پھولوں سے بنے فن پاروں کا میلہ​

فلپائن کے شہر بینگیو میں رنگ بر نگے پھولوں سے بنے فن پاروں کے دلچسپ فیسٹیول کا آغاز ہو گیا ہے۔
موسمِ بہار کو خوش آمدید کہنے کے لئے منعقد کئے جانے والے اس سالانہ فیسٹیول میں مختلف انواع کے پھولوں سے تیار کردہ منفرد فن پاروں اور گلدستوں کو نمائش کے لئے پیش کیا گیا ہے۔

اس فلاور فیسٹیول میں ہر فن پارے کی تیاری میں ایک سے زائد رنگوں اور اقسام کے پھولوں کو استعما ل کیا گیا جنہیں نہ صرف سجاوٹ کے لئے استعمال کیا گیا بلکہ لوگوں نے اپنے کندھوں پر اٹھا کر مارچ بھی کیا۔

پھولوں سے دلچسپی رکھنے والے لاتعداد افراد نے اس فیسٹیول میں شرکت کی اور پھولوں کی دلچسپ پریڈ سے بھی محظوظ ہوئے جبکہ یہ رنگا رنگ فیسٹیول آئندہ کئی روز تک جاری رہے گا۔

 

[محمد تابش صدیقی]

جبکہ 20 فیصد رقم محکمہ جنگلی حیات کو ملے گی۔

اس کا نام اب محکمۂ جنگلی ممات رکھ دینا چاہیے۔
جانور مار کر حاصل کی گئی رقم سے یہ جنگلی حیات کا محکمہ چلائیں گے۔

 

[محمد عدنان اکبری نقیبی]

پارلیمنٹ میں تقریبا 50 ہزار چوہوں کی موجودگی کا انکشاف

پارلیمنٹ لاجز، پرائم منسٹر ہائوس اور ایوان صدر بھی چوہوں کے وار سے محفوظ نہیں،پارلیمنٹ میں تقریباً50ہزار چوہے موجود ہیں۔
قومی اسمبلی کی قائمہ کمیٹی نیشنل فوڈ سیکیورٹی کو بتایا گیا کہ صرف پارلیمنٹ میں چوہوں کی تعداد 50ہزار ہے، پارلیمنٹ لاجز ، پرائم منسٹر ہاوس اور ایوان صدر کے چوہوں کی تعداد ان سے الگ ہے۔
پارلیمنٹ ہائوس اور پارلیمنٹ لاجز میں چوہوں کی موجودگی کا انکشاف کئی ہوچکا ہے لیکن ان کا خاتمہ کیسے ہو؟اس کے لئے سروے کراویا گیا کئی نئے انکشافات سامنے آئے ۔
چیئرمین پی اے آر سی ڈاکٹر یوسف ظفر کے مطابق پارلیمنٹ کےکمروں،کیفے ٹیریا میں بھی چوہے موجود ہیں،جنہیں مارنے کے لئےگولیاں استعمال کیں ،لیکن کچھ دن کےبعد پھر چوہے نکل آئے۔

ان کا کہنا تھا کہ وزیر مملکت کے کہنے پر پارلیمنٹ میں چوہوں کی موجودگی پر سروے کیا، چوہوں کے خاتمے کے لیے ریسرچ کا منصوبہ بنایا ہے۔
چیئرمین کمیٹی شاکر بشیر نے کہا کہ پارلیمنٹ لاجز میں اپنے کمرے میں چوہے مار دوائی ڈالی توچند روز ہی سکون سے گزرے ۔
کمیٹی کو بتایا گیا کہ کورنگی کراچی کے پولٹری فارمز میں چوہوں کے کاٹنے سے بڑی تعداد میں مرغیاں زخمی ہوئیں اور مر بھی گئیں ،ملک میں 30 فیصدا ناج چوہوں کی وجہ سے خراب ہورہا ہے ۔

 

[محمد عدنان اکبری نقیبی]

کراچی، برطانوی دور کی یاد دلاتی قیمتی تعمیرات​

جب برطانوی نوآبادیاتی حکمراں 1947میں یہاں سے روانہ ہوئے اور پاکستان کا قیام عمل میں آیا تو حالات زیادہ ساز گار نہیں تھے، اس صورتحال میں پاکستان کے سب سے بڑے شہر کراچی میں موجود برطانوی طرز تعمیر یا اس کے زیراثر تعمیراتی نمونوں پر بہت کم توجہ دی گئی۔
اور اب ستر برس بعد برطانوی تعمیرات کے یہ قیمتی نمونے ٹوٹ پھوٹ اور خستہ حالی کا شکار ہیں۔ ان میں سے بہت سے یا تو گرچکےہیں یا پھر انھیں پاکستان کے معاشی دارالحکومت میں موجود رئیل اسٹیٹ ڈیولپرز سے خطرات لاحق ہیں۔

کراچی بڑی تیزی کے ساتھ ایک میگا سٹی میں تبدیل ہوچکا ہے، اس حوالے سےمحققین کا کہنا ہے کہ انگلش عہد کی یہ تعمیرات اس دور کی مکمل عکاسی کرتی ہیں۔ان محققین کے مطابق ان عمارتوں کے اصل مالکان وہ لاکھوں مسلمان یا ہندو مہاجرین تھے جو فسادات کے دوران اپنا گھربار چھوڑ کر چلے گئے۔
کراچی کے تاریخی ورثے پر متعدد کتابوں کے مصنف اور اس حوالےسے تحقیق کرنے والے اختر بلوچ کا کہنا ہے کہ مٹی کا ہر بلاک ان تاریخی عمارتوں کو 1947میں چھوڑ کر جانے والوں کی مکمل کہانی بیان کرتا نظرآتا ہے کہ انھوں نے کتنی محبت اور چاہت سے انھیں تعمیر کیا تھا۔

انھوں نے مزید کہا کہ جب مجھ جیسے لوگوں کو اس تاریخی ورثے کے ساتھ روارکھے جانیوالےاس عدم توجہی پر مبنی سلوک کو دیکھ کر پشیمانی کا احساس ہوتا ہے تو پھر اس عمارت کو چھوڑ جانے والوں کے خاندان کاکوئی فرد جب کبھی کراچی آئے گا تو وہ کیا محسوس کرے گا؟
کراچی کی آبادی بہت تیزی سے بڑھ رہی ہے اور 2017کےتخمینے کے مطابق تقریباً پونے دو کروڑ ہے جبکہ آزادی کے وقت اس کی آبادی چارلاکھ تھی۔ موجودہ عہد میں شہرمیں ایک ایک انچ جگہ بلڈنگ ڈیولپرز کے لیے انتہائی قیمتی ہوگئی ہے۔

جہانگیر کوٹھاری پریڈ جوبرطانوی عہد کی ایک شاندار یادگارہے لیکن اب اس کے اردگر د اوورپاس اور بلند وبالا عمارتوں نے اس کی انفرادیت کو گہنادیا ہے۔اس کے ساتھ تعمیر کی گئی چلنے کی خوبصورت جگہ اور برطانوی شاہی دور کے امپریل کسٹمز ہاوس اور دیگر تعمیرات کوگوکہ دوبارہ بحال کرنے کا کام کیا گیا ہے ۔تاہم اس قسم کے اقدامات بہت کم ہیں جبکہ اس کے مقابلے میں اگر گرنے والی عمارتوں کا احاطہ کیا جائے تو وہ بہت زیادہ ہیں۔
تیزی سے بڑھتی ہوئی اربانائزیشن بالخصوص قدیم شہر میں جہاں کثیر المنزلہ رہائشی عمارتوں کی تعمیر زیادہ منافع بخش ہے وہاں بڑے پیمانے پر پرانی تعمیرات کو مہندم کیا گیا ہےلیکن کنکریٹ کی نئی تعمیرات کے ساتھ ساتھ برطانوی عہدکی ان عمارتوں کی باقیات اپنے ساتھ برتی جانیوالی عدم توجہی کااظہارکرتی اب بھی دیکھی جاسکتی ہیں ۔

اس حوالے سے کراچی کا علاقہ صدر ،برطانوی عہد کی تاریخی تعمیرات کا سب سے بڑا مرکز ہے جبکہ سندھ کے محکمہ آثار قدیمہ نے مشرقی ضلع میں واقع نوآبادیاتی دورکے جیل کو محفوظ ورثہ قراردیدیا ہے۔
اب تک 170عمارتوں یا جگہوں کو تاریخی ورثےمیں شامل کیا گیا ہے اور یہ عمل اب بھی جاری ہے۔سندھ ثقافتی ورثہ کا تحفظ ایکٹ 1994میں متعارف کروایاگیا تھا ، یہ ایکٹ تاریخی اہمیت کی حامل ،ان تعمیرات کو قانونی تحفظ فراہم کرتی ہے۔