محمد عدنان اکبری نقیبی
لائبریرین
چینی پولیس کا مشتبہ افراد کی تلاش کے لیے خصوصی سن گلاسزکااستعمال شروع
آج کی دلچسپ خبر!
- صاحب لڑی محمد عدنان اکبری نقیبی
- تاریخ ابتداء
محمد عدنان اکبری نقیبی
لائبریرین
بھارت میں شوہر نے بیوی کا گردہ فروخت کر دیا
بھارتی ریاست مغربی بہار میں شوہر نے جہیز نہ لانے کے جرم میں بیوی کا گردہ فروخت کر دیا۔
28سالہ ریتا سرکار کا کہنا ہے کہ اس کے شوہرنے شادی کے 12سال بعدصرف 2000روپے جہیزمیں نہ دینے کے جرم میں اس کا گردہ نکال کر فروخت کردیا ہے۔
تفصیلات کے مطابق ریتا کو2برس قبل اپینڈکس کا درد اٹھا تھا، لیکن شوہر نے اپینڈیکس کے بجائے اس کا گردہ نکال کر بلیک مارکیٹ میں فروخت کردیا۔
ریتا کو اس بات کا پتہ کچھ دن قبل اس وقت لگا جب وہ چیک اپ کے لیے اسپتال گئی اور اسٹاف نے اسکے گردے کے غائب ہونے کے بارے میں اس کو بتایا۔
محمد عدنان اکبری نقیبی
لائبریرین
کمسن دلہن نے چائلڈ میرج کے خلاف 10 سالہ جنگ جیت لی
ویب ڈیسک
بھارت میں ایک کمسن دلہن نے خوف اور دہشت کے باوجود چائلڈ میرج کے خلاف دس سالہ جنگ جیت لی۔
بھارتی میڈیا کے مطابق ریاست راجستھان کے ضلع الور میںتھانہ غازی کی 19سالہ پنکی تنور کی شادی 10سال کی عمر میں ہمت سنگھ سے ہوئی تھی۔
پنکی کی والدہ میرا دیوی نے چائلڈمیرج کے خلاف کام کرنے والی ایک این جی او ’’سارتھی ٹرسٹ‘‘ سے رابطہ کیا اور مدد کی درخواست کی، اس پر پنکی کے سسرالی طیش میں آگئے اور اُسے گھر سے اغواء کرنے کی بھی کوشش کی تاہم محلے والوں نے اُسے بچالیا۔
ٹرسٹ کی منیجنگ ڈائریکٹر ڈاکٹر کریتی بھارتی نے پنکی کو جودھ پور بلالیا جہاں اُسے مکمل تحفظ کے ساتھ ساتھ ٹیچرز کے لئے امتحانات کی تیاری کروائی۔
پنکی نے امتحان پاس کرکے کالج میں داخلہ لے لیا جہاں وہ بی ایڈکی تعلیم حاصل کررہی ہے۔
ڈاکٹر کریتی کی مدد سے پنکی نے گزشتہ برس جون میں جودھ پور کی فیملی کورٹ میں اپنی شادی کی منسوخی کے لئے پٹیشن دائر کی ، ڈاکٹرکریتی نے عدالت میں پنکی کی عمر اور جبری چائلڈ میرج سے متعلق دستاویزات جمع کرائیں ۔
فیملی کورٹ کی جج ریکھا بھرگاوا نے چائلڈ میرج ایکٹ 2016ء کے تحت پنکی کی شادی کو کالعدم قرار دینے کا حکم دیا۔
عدالت کے فیصلے پر پنکی کا کہنا تھا کہ اب میری نام نہاد چائلڈمیرج کا خاتمہ ہوگیا ہے، اب میں اپنی پڑھائی پر توجہ دوںگی اور ٹیچر بنوں گی۔
یونیسیف کی رپورٹ کے مطابق دنیا بھر میں چائلڈ میرج کے اعتبار سےبنگلادیش سرفہرست ہے جبکہ بھارت دوسرے نمبر پر ہے۔نیپال اور افغانستان بالترتیب تیسرے اور چوتھے نمبر پر ہیں۔
محمد عدنان اکبری نقیبی
لائبریرین
امریکی ریاستوں میں پھر طوفان، 1500 سے زائد پروازیں منسوخ
وسط مغربی امریکی ریاستیں ان دنوں شدید سردی کی لپیٹ میں ہیں، برف باری کے باعث 1500 سے زائد پروازیں منسوخ، تعلیمی ادارے بند جبکہ نظام زندگی بھی بری طرح متاثر ہوا ہے۔
میڈیا رپورٹس کے مطابق امریکا میں برفانی طوفان نے پھر تباہی مچادی، شکاگو سے لے کر ڈیٹرائٹ شہر تک طوفان کے باعث شدید برف باری ہوئی ہے۔
محکمہ موسمیات کے مطابق ان شہروں میں9 انچ برف باری ریکارڈ کی گئی ہے جبکہ خراب موسم کے باعث اب تک 1500کے قریب پروازیں منسوخ کر دی گئیں ، اسکولوں کو بند کردیا گیا اور نظام زندگی درہم برہم ہو کر رہ گیا ہے۔
برف باری کے باعث سڑک پر پھسلن کی وجہ سے ٹریفک کے متعدد حادثات رونما ہوئے ہیں تاہم کسی بڑے نقصان کی اطلاع نہیں ملی ہے۔
محمد عدنان اکبری نقیبی
لائبریرین
غیرملکیوں سے شادی: سعودی خواتین کے بچوں کو شہریت ملنے کا امکان
سعودی عرب کی شوریٰ کونسل میں ایسی خواتین کے بچوں کو جن کے والد غیرملکی ہیں کو سعودی شہریت دینے کے حوالے سے حمایت میں اضافہ ہوا ہے اور اب ان بچوں کو مملکت کی شہریت ملنے کا امکان بڑھ گیا ہے۔
سعودی مجلس الشوریٰ نے گزشتہ دنوں ہونے والے ایک اجلاس میں 63 ووٹوں کی واضح اکثریت کے ساتھ سعودی شہریت کے قوانین میں تبدیلی کی دو تجاویز پر بحث کی اجازت دے دی تھی۔
مجلس شوری نے سعودی خواتین اور غیر ملکی مردوں کی شادی کے نتیجے میں پیدا ہونے والے بچوں کو سعودی شہریت دینے کی نئی تجویز پر بحث کی منظوری دے دی ہے۔ اس تجویز کو دو سال قبل شوریٰ کے سامنے پیش کیا گیا تھا مگر اب تک اس کو بحث کے لئے پیش نہیں کیا گیا۔
یہ تجویز خواتین ارکان مجلس شوریٰ لطیفہ الشعلان، عطاء السباطی، حیاء المانی، ثریا عبید اور وفاء طیبہ نے پیش کی تھی۔ اس موضوع پر گرما گرم بحث چھڑ گئی تھی جس پر کچھ ارکان نے حمایت جبکہ کچھ نے سخت مخالفت کی تھی۔
محمد عدنان اکبری نقیبی
لائبریرین
شوہر،عورتوں کو’ لائیک‘ کرتا ہے، بیوی نے خلع لے لی
کویتی خاتون نے اس بنیاد پر اپنے شوہر سے خلع لے لی کہ وہ انسٹاگرام پر دوسری عورتوں کی تصاویر کو ’لائیک ‘کرتا تھا۔
کویتی اخبار کی رپورٹ کے مطابق خاتون کے وکیل نے بتایا کہ عورت نے وضاحت کی ہے کہ وہ اپنے شوہرسے علیحدگی اختیارکرنا چاہتی ہے کیونکہ وہ انسٹاگرام پر دوسری خواتین کی تصویروں کو’لائیک ‘کرتا ہے۔
وکیل نے مزید وضاحت چاہی تو خاتون نے استدلال کیا کہ اگر آج وہ ان عورتوں کی تصاویر کو ’لائیک‘ کرتا ہے ،تو کیا معلوم آگے کیا کچھ کرے۔
محمد عدنان اکبری نقیبی
لائبریرین
ونٹر اولمپکس: ناروے کی ٹیم 15 ہزار انڈے خریدنے پر مجبور
جنوبی کوریا میں سرمائی اولمپک مقابلوں میں شریک ناروے کی ٹیم مقامی زبان سے نا سمجھی کی وجہ سے 1500انڈوں کے بجائے 15ہزار انڈوں کو خریدنے پر مجبور ہوگئی۔
سرمائی اولمپک میں شریک ناروے کی ٹیم در اصل کھلاڑیوں کو کچھ اضافی پروٹین فراہم کرنے کے لیے ناشتے میں انڈے زیادہ خریدنے کا فیصلہ کیا۔
اسی خواہش کے تحت ٹیم کی انتظامیہ نے 1500 انڈے آرڈر کیے ۔
آرڈر مقامی زبان میں کرنا تھا اور ناروے کی ٹیم کو کورین زبان نہیں آتی تھی اسی لیے انہوں نے گوگل ٹرانسلیٹر کی مدد سے ترجمہ کر کے آرڈر دے دیاتاہم گوگل کے غلط ترجمے کے باعث انہوں نے 15 ہزار انڈے آرڈر کر دیئے۔
ناروے کی سرمائی اولمپک میں شامل دستے میں مجموعی طور پر 121 ایتھلیٹس اور آفیشیلز شامل ہیں۔ 17 روزہ ایونٹ کے دوران 15 ہزار انڈے کھانے پڑے تو دستے میں شامل ہر رکن کو ہر روز 124 انڈے کھانے پڑیں گے۔
زائد انڈوں کا بل گوگل ادا کریگا، ذرائع
عرفان سعید
محفلین
ناروے میں جتنی سردی پڑتی ہے، زیادہ انڈے کھانے میں کوئی حرج نہیں۔
عبید انصاری
محفلین
گویا آپ کہنا چاہتے ہیں کہ یومیہ 124 انڈے کھانے میں چنداں مضائقہ نہیں
محمد تابش صدیقی
منتظم
باقی ٹیمز میں بانٹ دیں۔ یا ہوٹل کے باہر سٹال لگا لیں۔ کھیل کا کھیل، بزنس کا بزنسگویا آپ کہنا چاہتے ہیں کہ یومیہ 124 انڈے کھانے میں چنداں مضائقہ نہیں
محمد تابش صدیقی
منتظم
اور ابال کر سٹال لگائیں تو ہاتھوں ہاتھ نکل جائیں اس سردی میں۔ گرم آنڈے ، گرم آنڈے
فہد اشرف
محفلین
اور کچھ ہارنے والے کھلاڑیوں پہ پھینکنے کے کام آئے گا
محمد عدنان اکبری نقیبی
لائبریرین
چین: شوہر کا بیوی کے لئے دلچسپ تحفہ
چینی شخص نے اپنی بیگم کو ریت کی مدد سے دلچسپ پینٹنگز بنا کر تحفے میں پیش کر دی اور دیکھنے والے کو حیران کر دیا۔
یوں تو اکثر اوقات شوہر اپنی بیوی کو خوبصورت تحائف دے کر اپنی محبت کا اظہار کر تے ہیں تاہم چین میں ایک شخص نے اپنی بیوی کو ریت کے ذریعے دلچسپ پینٹگز تحفے میں دے کر سب کو حیران کردیا ۔
چیانگ نامی اس شخص نے ریت کا استعمال کرتے ہوئے ایسے دلکش اور خوبصورت شاہکار تخلیق کئے کہ شائقین دنگ رہ گئے۔
اس نوجوان نے اپنی ماہرانہ صلاحیتوں کا استعمال کر تے ہوئے کینوس پرمٹی کو بکھیر کر اپنی بیوی کو خراج تحسین پیش کرتے ہوئے مختلف پیٹنگز بنائیں اور خوب داد وصول کی۔
واضح رہے کہ اس شخص کی بیوی ایک لوکل اسپتال میں نرس کے فرائض سر انجام دے رہی ہے۔
محمد عدنان اکبری نقیبی
لائبریرین
لندن:دریائے ٹیمز سے دوسری جنگ عظیم کا بم برآمد،ایئرپورٹ بند
لندن میں دریائے ٹیمز سے دوسری جنگ عظیم کا بم برآمد ہونے کے بعد قریبی واقع لندن سٹی ایئرپورٹ کو بند کردیا گیا ۔
برطانوی میڈیا کے مطابق دوسری جنگ عظیم کے دوران گرایا گیا یہ بم دریائے ٹیمز میں کنگ جارج ڈاک کی تہہ سے دریافت ہوا ۔
میٹروپولیٹن پولیس نے فوری طور پر آس پاس کے علاقے کو خصوصی زون قرار دیتے ہوئے لندن سٹی ایئرپورٹ کو بند کردیا اور مسافروں کو متعلقہ ایئرلائنز سے رابطہ کرنے کا کہا گیا ہے ۔بم کو ناکارہ بنانے کے لیے نیوی کی خدمات حاصل کرلی گئی ہیں ۔
عباس اعوان
محفلین
پچھلے مہینے ہانگ کانگ میں بھی امریکہ کے گرائے 2 بم دریافت ہوئے جن میں سے ہر ایک کا وزن 450 کلو گرام تھا، دونوں کو ناکارہ بنا دیا گیا۔ واضح رہے کہ یہ وزنی بم سب سے زیادہ وزن والے نہیں تھے۔
فروری 2014 میں ایک امریکی بم دریافت ہوا جس کا وزن تقریباً 905 کلو گرام تھا۔ اس کو بھی ناکارہ بنا دیا گیا تھا۔
محمد وارث
لائبریرین
گویا آپ کہنا چاہتے ہیں کہ یومیہ 124 انڈے کھانے میں چنداں مضائقہ نہیں
یہ حساب غلط ہے، 15 ہزار انڈے، 121 لوگ، 17 دن تو جواب 124 انڈے فی کس یومیہ کی بجائے صرف 7 انڈے فی کس فی یوم بنتا ہے۔ ٍ124 انڈے فی کس پورے ایونٹ یعنی 17 دنوں کے بنتے ہیں نہ کہ یومیہ! خبر نگار نے 15000 کو 121 سے تقسیم تو کر دیا لیکن پھر 17 سے تقسیم کرنا بھول گیا۔
محمد تابش صدیقی
منتظم
یعنی بزنس کے سارے پلان چوپٹ
عبید انصاری
محفلین
لگتا ہے آج اپ فارغ ہیں
اچھا آپ یہ کام بھی کرتے رہے ہیں۔ ہممم