آج کا شعر - 4

[مغزل]

جو اپنے طور سے ہم نے کبھی گزارے تھے
وہ صبح و شام تو جیسے فسانے ہوگئے ہیں
جون ایلیا

 

[مغزل]

گلیوں میں تو پتھر بھی ہیں اور اہلِ جنوں بھی
بچوں کو ہی فرصت نہ رہی سنگ زنی کی۔۔
نظام امینی

 

[مغزل]

نہ رہنماؤں کی مٍحفل میں لے چلو مجھ کو
میں بے ادب ہوں ہنسی آگئی تو کیا ہوگا ۔۔
احسان دانش

 

[مغزل]

نہ رہا جنونِ رخِ وفا، یہ رسن یہ دار کرو گے کیا ؟
جنہیں جرمِ عشق پہ ناز تھا وہ گناہگار چلے گئے
فیض

 

[الف نظامی]

یہ ارض وطن کا ہے تقاضا کہ عزیزو
جو بجھ نہ سکیں پیار کے وہ دیپ جلا دو
(امید فاضلی)

 

[راجہ صاحب]

اک نہ اک رفعت کے آگے سجدہ لازم ہے تو جوش
آدمی محؤ سجود سر خوباں کیوں نہ ہو


(جوش )

 

[الف نظامی]

ذہن سے مٹ گئے سب یادِ گزشتہ کے نقوش
پھر بھی اک چیز ہے ایسی کہ فراموش نہیں
(جگر)

ما ہر چہ خواندہ ایم فراموش کردہ ایم
الا حدیث یار کہ تکرار می کنم
ہم نے جو پڑھا ہے بھلا دیا ہے۔ سوائے یار کی باتوں کے جن کا ہم بار بار ذکر کرتے ہیں

 

[راجہ صاحب]

ابھی تو مل کرچلتےہیں سمندر کی مسافت میں
پھراس کے بعد دیکھیں گے کنارہ کون کرتا ہے

گٹھائیں کون لاتا ہے میری آنکھوں کے موسم میں
پھر اس کے بعد بارش کا نظارہ کون کرتا ہے

 

[فرحان دانش]

شاخیں رہیں تو پھول بھی، پتے بھی آئیں گے
یہ دن اگر برے ہیں تو اچھے بھی آئیں گے

 

[راجہ صاحب]

اس شہر بے چراغ میں جائے گی تو کہاں
آ اے شب فراق تجھے گھر ہی لے چلیں

 

[محمداحمد]

مانا کہ اس زمیں کو نہ گلنار کر سکے
کچھ خار کم تو کر گئے گزرے جدھرسے ہم

 

[زونی]

جنوں میں جتنی بھی گزری بکار گزری ھے
اگرچہ دل پہ خرابی ہزار گزری ھے



(فیض)

 

[کاشفی]

سمایا ہے جب تُو نظروں میں میری
جدھر دیکھتا ہوں اُدھر تو ہی تو ہے
(شاعر: مجھے معلوم نہیں )​

 

[ناعمہ عزیز]

کچھ اس لئے بھی مجھے تم سے محبت ہے،،،
میر ا تو کوئی ہے نہیں تیرا تو کوئی ہو۔۔۔۔
شاعر/ نامعلوم

 

[عمران شناور]

عمر کی لمبی لکیر اس کی کلائی تک تھی
کل وڈیرے نے جسے مار دیا گاؤں میں
(نقاش عابدی)

 

[راجہ صاحب]

نہ تن میں خوں فراہم، نہ اشک آنکھوں میں!
نمازِ شوق واجب ہے!! بے وضو ہی سہی!


نامعلوم

 

[ناعمہ عزیز]

کوئی ایسا اہل ِ دل ہو کہ فسا نہِ محبت،
میں اُسے سنا کے رؤں وہ مجھے سنا کےروئے۔

 

[کاشفی]

ان کے وعدوں کا ا عتبار تو ہے
زندگی ' تیرا ا عتبار نہیں
( حسن چشتی )​

 

[جٹ صاحب]

میری آنکھوں میں انتظار کے لمحات سونپ کر
میری نیند بھی لے گیا کوئی اپنے سفر کے ساتھ

 

[راجہ صاحب]

میری زندگی تو فراق ہے، وہ ازل سے دل میں مکیں سہی
وہ نگاہ شوق سے دور ہیں، رگِ جاں سے لاکھ قریب سہی

ہمیں جان دینی ہے ایک دن، وہ کس طرح وہ کہیں سہی
ہمیں آپ کھینچئے دار پر جو نہیں کوئی، تو ہمیں سہی