آج کا شعر - 3

[زونی]

عجیب سوچ ھے اس شہر کے مکینوں کی
مکاں نئے ہیں مگر کھڑکیاں پرانی ہیں

 

[زونی]

ٹھہرو ذرا کہ مرگِ تمنا سے پیشتر
اپنی رفاقتوں کو پلٹ کر بھی دیکھ لیں

 

[محمداحمد]

کچھ اور ساتھ رہے گا چلو چلیں واپس
جہاں ملے تھے اُسی موڑ پر جُدا ہونا

 

[فاروقی]

[font="alvi Nastaleeq V1.0.0"] جب سے اس نے شہر کو چھوڑا ہر رستہ سنسان ہوا
اپنا کیا ہے سارے شہر کا اک جیسا نقصان ہوا
میرے حال پہ حیرت کیسی درد کے تنہا موسم میں
پتھر بھی رو پڑتے ہیں انسان تو پھر انسان ہوا [/font]

 

[محمداحمد]

یعنی

بچھڑا کچھ اس ادا سے کہ رُت ہی بدل گئی
اک شخص سارے شہر کو ویران کر گیا

 

[فاروقی]

جی یعنی

تم گئے ہو تو سر شام یہ عادت ٹہری
بس کنارے پہ کھڑے ہاتھ ہلاتے رہنا

 

[محمداحمد]

ہاں لیکن

جانے والوں کو کہاں روک سکا ہے کوئی
تم کہو بھی تو کہاں اُن کو ٹہھر جانا ہے

 

[فاروقی]

کمال ضبط کو خود بھی میں آزماوں گی
میں اپنے ہاتھ سے اس کی دلہن سجاوں گی
سپرد کر کے اسے چاندنی کے ہاتھوں میں
میں اپنے گھر کے اندھروں میں لوٹ آوں گی

 

[عندلیب]

اگر تجھ سے بہت اختلاف بھی نہ ہوا
مگر یہ دل تری جانب سے صاف بھی نہ ہوا
پروین شاکر

 

[بنگش]

لے گئے‌ وہ ساتھ اپنے ، زندگی کی رونقیں
اپنا یہ عالم ہوا ان کے چلے جانے کے بعد
جس طرح دیہات کے اسٹیشنوں پر دن ڈھلے
اک سکوت بیکراں گاڑی گز ر جانے کے بعد

 

[فاروقی]

سبھی لوگ تو کبھی بھی اچھے نہیں رہتے
جن سے سچ سیکھا ہو، وہ بھی سچے نہیں رہتے

کیوں ایسا ہے کہ اعتبار کی ٹوٹی دہلیز پر
جو بہت ہوں اپنے،اپنے نہیں رہتے

 

[جیا راؤ]

اس نے کہا کہ مجھ کو یقیں آئے کس طرح
میں نے کہا کہ میرا نام اعتبار ہے !

اعتبار ساجد

 

[فاروقی]

زندگی جبر مسلسل کی طرح کاٹی ہے
کس جرم کی پائی ہے سزا یاد نہیں.........

 

[عندلیب]

چھین کر مجھے امان بھی دے
اے خدا ! ایسا مہربان بھی دے
جو میرے سچ پہ بھی یقین نہ کرے
مجھ کو ایک ایسا بد گمان بھ دے

 

[پیاسا صحرا]

شہر آئے تو سمندر نے اسے چھین لیا
عکس لائے تھے جو اک گاؤں کے تالاب سے ھم

 

[جیا راؤ]

دل میں ہوتا تو ممکن تھا نکل بھی جاتا
اب تو وہ شخص بہت دور تلک ہے مجھ میں

 

[طالوت]

چھین کر مجھے امان بھی دے
اے خدا ! ایسا مہربان بھی دے
جو میرے سچ پہ بھی یقین نہ کرے
مجھ کو ایک ایسا بد گمان بھی دے

معلوم ہوتا ہے شاعر کو کسی سیاستدان کی تلاش ہے
وسلام

 

[فرخ منظور]

زندگی جبر مسلسل کی طرح کاٹی ہے
کس جرم کی پائی ہے سزا یاد نہیں.........

فاروقی صاحب صحیح شعر یوں ہے -

زندگی جبرِ مسلسل کی طرح کاٹی ہے
جانے کس جرم کی پائی ہے سزا یاد نہیں

 

[فرخ منظور]

زندگی کیا کسی مفلس کی قبا ہے جس میں
ہر گھڑی درد کے پیوند لگے جاتے ہیں

(فیض)

 

[محمد وارث]

راستہ دیکھتے رہنے کی بھی لذّت ہے عجیب
زندگی کے سبھی لمحات سہانے میرے

(احمد ندیم قاسمی)