آج کا شعر - 3

[فرحت کیانی]

اے ہم سخنو! کچھ تو کہو عہدِ ستم میں
اک حرف سے ممکن ہے حکایت نکل آئے

احمد فراز

 

[مغزل]

رمیدگی تھی تو پھر ختم تھا گریز اس پر
سپردگی تھی تو بے انتہا زیادہ تھی
فراز

 

[محمداحمد]

یوں نہ ہو اٹھ کے چلے جائیں تری بزم سے ہم
اور پھر لوٹ کے آنے میں زمانے لگ جائیں

اختر عبدالرزاق

 

[مغزل]

اس نے ہر بات نبھائی ہے خدا خیر کرے
اب نہ آوں گا یہ کہہ کے اٹھا تھا ہم سے

 

[محمد وارث]

کم ہونگے اس بساط پہ ہم جیسے بدقماش
جو چال ہم چلے سو نہایت بُری چلے

(ذوق)

 

[نوید صادق]

روشنی نام ہے تمدن کا
طاق میں کچھ نہ کچھ رکھا کیجے

شاعر: ذوالفقار عادل

 

[الف نظامی]

منزل تیرے مقصد کی کعبہ ہے نہ بت خانہ
ان دونوں سے آگے چل اے ہمت مردانہ
بیدم وارثی

 

[الف نظامی]

میں نہیں کہتا کہ تم ایسا کرو ویسا کرو
ان (صلی اللہ علیہ و آلہ وسلم) کی صورت آئینہ ہے ، آئینہ دیکھا کرو

 

[نوید صادق]

وہ جن دنوں میں کرم بے حساب تھا تیرا
وہی تو دن تھے مرے کھیلنے کے کھانے کے

شاعر: احمد مشتاق

 

[literature]

ایک شعر - منیر نیازی

اس سمت چلو تم بھی اے بھٹکے ہوئے لوگو
جس سمت یہ ویراں سی چپ چاپ سڑک جائے​

 

[نوید صادق]

آنکھوں میں تیز دھوپ کے نیزے گڑے رہے
ہم تیرے انتظار میں پھر بھی کھڑے رہے

شاعر: رام ریاض

 

[محمداحمد]

یہ حوصلہ بھی تجھے جیت کر نصیب ہوا
وگرنہ ہار کے کس نے شکست مانی ہے

 

[فرحت کیانی]

بلا سے ہم نے نہ دیکھا تو اور دیکھیں گے
فروغِ گلشن و صوتِ ہزار کا موسم

فیض احمد فیض

 

[محمداحمد]

موسم مزاج تھا نہ زمانہ سرشت تھا
میں اب بھی سوچتی ہوں وہ کیسے بدل گیا

پروین شاکر

 

[نوید صادق]

وہ پتیوں سے بھری ٹہنیاں تری بانہیں
بلا رہے ہیں شجر تیرے آستانے کے

احمد مشتاق

 

[محمداحمد]

جب پھول مرے چاکِ گریباں‌پہ ہنسے تھے
لمحہ وہی گزرا ہے گراں موسمِ گل کا

شکیب جلالی

 

[نوید صادق]

وفا ہے گھر سے بھی لازم مگر دلوں میں، ظفر
محبتوں کا تو خانہ ہی اور ہوتا ہے

شاعر: ظفر اقبال

 

[مغزل]

اک مکمل جنوں کا قصہ ہے
اک ادھوری خراش پتھر پر
قیصر منور (کراچی)

 

[محمداحمد]

تھکیں جو پائو ں تو چل سر کے بل نہ ٹھہر آتش
گل ِ مراد ہے منزل میں خار راہ میں ہے

 

[فرخ منظور]

کچھ ترا شوق کچھ تری حسرت
اور رکھا ہی کیا ہے اب ہم میں

(داغ دہلوی)