آج کا شعر - 3

[مغزل]

غالب نے سونپ دی مجھے، عاصم عروسِ شعر
““ حق مغفرت کرے عجب آزاد مرد تھا ““
لیاقت علی عاصم

 

[زین]

نشاندہی کرنے کا شکریہ ۔

 

[پیاسا صحرا]

دل کی لگی نہ پوچھیئے بس اتنا جان لیجیئے
جلتے ھوئے چنار کو دیکھا تو ھو گا آپ نے​

 

[زین]

خیال و خواب ہوا برگ و بار کا موسم
بچھڑ گیا تیری صورت بہار کا موسم

 

[طالوت]

صورت جن کی اجلی اجلی من تاریک سمندر ہو
ایسے یاروں سے محسن صحراؤں کے ناگ بھلے

وسلام

 

[مغزل]

حسین سانپ کے نقش و نگار خوب سہی
نگاہ زہر پہ رکھ خوش نما بدن پہ نہ جا ۔۔۔
استاد کاوش عمر

 

[طالوت]

آخر تھک ہار کر یارہ یہ تسلیم کیا ہم نے
اپنی ذات سے ہے عشق سچا باقی سب افسانے ہیں

وسلام

 

[محمداحمد]

آخری سچ ہے صرف تنہائی
خواب تو صرف خواب ہوتے ہیں

عبیدالرحمٰن عبید

 

[مغزل]

ہزار کوس دلدر وہیں کھسک جاوے
کبھی جو اس کے دبے پاؤں کی سنے آہٹ

انشاء

 

[پیاسا صحرا]

کون معشوق ھے کیا عشق ھے سودا کیا ھے
میں تو اس فکر میں گم ھوں کہ یہ دنیا ھے
احسان دانش

 

[مغزل]

عشق پر زور نہیںم ہےیہ و ہ آتش غالب
جو لگائے نہ لگے اور بجھائے نہ بجھے۔

 

[محمد وارث]

اِک وہ کہ آرزؤں پہ جیتے ہیں عمر بھر
اِک ہم کہ ہیں ابھی سے پشیمانِ آرزو

(شاعر نا معلوم)

 

[فرخ منظور]

عشق پر زور نہیںم ہےیہ و ہ آتش غالب
جو لگائے نہ لگے اور بجھائے نہ بجھے۔

مغل بیٹا صحیح شعر یوں ہے

عشق پر زور نہیں‌ ہے یہ وہ آتش غالب
کہ لگائے نہ لگے اور بجھائے نہ بنے

 

[محمداحمد]

جہاں تیرے جلوہ سے معمور نکلا
پڑی آنکھ جس کوہ پر طور نکلا

داغ دہلوی

 

[زین]

وہ تو جاں لے کے بھی ویسا ہی سبک نام رہا
عشق کے باب میں سب جرم ہمارے نکلے

 

[طالوت]

ڈھونڈو گے گر ملکوں ملکوں ملنے کے نہیں نایاب ہیں ہم
تعبیر ہے جس کی حسرت و غم اے ہم نفسو وہ خواب ہیں ہم
وسلام

 

[محمداحمد]

اب بات دوستی کی نہیں حوصلے کی ہے
لازم نہیں کہ تو بھی میرا ہم خیال ہو

​

 

[مغزل]

کسی بے وفا کی خاطر یہ جنوں‌فراز کب تک ؟
جو تمھیں بھلا چکا ہے ، اسے تم بھی بھول جاؤ
احمد فراز ​

 

[طالوت]

غزالاں تم تو واقف ہو کہو مجنوں کے مرنے کی
دیوانہ مر گیا آخر تو ویرانے پہ کیا گزری
-------------------------
وسلام

 

[مغزل]

تجھ کو کیا معلوم اس کارِ جنو ں کی لذتیں
تو ، تو پتھر مارنے والوں میں بھی شامل نہ تھا
خیام قادری