آج کا شعر۔۔۔۔(2)

[مغزل]

[font="urdu_umad_nastaliq"]خود پھول نے بھی ہونٹ کیے اپنے نیم وا
چوری تمام، رنگ کی تتلی کے سر نہ جائے[/font]

 

[راجہ صاحب]

کر کے اک دوسرے سے عہدِ وفا
آؤ کچھ دیر جھوٹ بولیں ہم​

 

[مغزل]

وہ مجھ سے پوچھ رہا تھا بتاؤ کیسا لگا
تم اگلے زخم کو چھوڑو یہ گھاؤ کیسا لگا
عجب سوال کیا آندھیوں نے پتوں سے
شجر سے ٹوٹ کے گرنا بتاؤ کیسا لگا ؟؟

 

[راجہ صاحب]

تمہارے بعد گزارے ہیں روز و شب ہم نے
خود اپنی ذات کے زنداں میں معتکف ہوکر

 

[مغزل]

یہ کہنے کو تو دونوں کے سفر کی داستاں ہے
مگر میں تو اکیلا چل رہا ہوں تو کہاں ہے ؟

اختر عبدالرزاق

 

[راجہ صاحب]

پہلے آتی تھی حالِ دل پہ ہنسی
اب کسی بات پہ نہیں آتی

 

[مغزل]

دم بخود میں ہی نہیں حسن کی رعنائی سے
آئنے ٹوٹ گئے آپ کی انگڑائی سے ۔۔۔۔۔۔۔

 

[راجہ صاحب]

انگڑائی بھی نا لینے پائے وہ اٹھا کے ہاتھ
دیکھا مجھے تو چھوڑ دیئے مسکرا کے ہاتھ

 

[فرخ منظور]

انگڑائی بھی وہ لینے نہ پائے اٹھا کے ہاتھ
دیکھا جو مجھ کو چھوڑ دئیے مسکرا کے ہاتھ

یہ کیا نیا ستم ہے حنا تو لگائیں غیر
اور اس کی داد چاہیں وہ مجھ کو دکھا کے ہاتھ

دینا وہ اس کا ساغرِ مے یاد ہے نظام
منہہ پھیر کر اُدھر، اِدھر کو بڑھا کے ہاتھ

 

[راجہ صاحب]

نمازِ عشق بھلا وہ ادا بھی کرتے کیا
تمام عمر ہی گزری جنہیں وضو کرتے

 

[مغزل]

نمازِ عشق پڑھنا چاہتا ہوں
مؤذن نے پکارا بھی نہیں ہے

 

[راجہ صاحب]

یہی کہا تھا، میری آنکھ دیکھ سکتی ہے
کہ مجھ پر ٹوٹ پڑا سارا شہر نابینا

 

[سارہ خان]

وہ کُچھ اور شے ہے محبت نہیں ہے
سکھاتی ھے جو غزنوی کو ایازی

علامہ اقبال

 

[فرخ منظور]

ہے یہی مری نماز، ہے یہی مرا وضو
میری نواؤں میں ہے میرے جگر کا لہو
(اقبال سیالکوٹی)

 

[گرو جی]

یہ تمنا تھی کہ تکمیل تمنا کرتے
سامنے تجھ کو بٹھا کہ تیری پوجا کرتے
کچھ نہ ہوتا تہ محبت میں ہم اتنا کرتے
ہم تیرے حسن سے ایماں کا سودا کرتے

 

[محمد وارث]

ہے یہی مری نماز، ہے یہی مرا وضو
میری نواؤں میں ہے میرے جگر کا لہو
(اقبال سیالکوٹی)

شکریہ حضور 'سیالکوٹ' پر 'زور' دینے کیلیئے۔

ایک شعر عدم کا، جناب

پری وشوں سے ہمارا، قدیم رشتہ ہے
بڑا سلیم، بڑا مستقیم رشتہ ہے

 

[فرخ منظور]

شکریہ حضور 'سیالکوٹ' پر 'زور' دینے کیلیئے۔

ایک شعر عدم کا، جناب

پری وشوں سے ہمارا، قدیم رشتہ ہے
بڑا سلیم، بڑا مستقیم رشتہ ہے

قبلہ یہ "زور" میں نے نہیں قدرتِ حق نے ہی ازل سے رکھا ہے -

 

[فرخ منظور]

اے ذوق کسی ہمدمِ دیرینہ کا ملنا
بہتر ہے ملاقاتِ مسیحا و خضر سے
(استاد ابراہیم ذوق)

 

[نوید ملک]

لہجے میں اگر رس ہو تو دو بول بہت ہیں
انسان کو رہتی ہے محبت کی زباں یاد

 

[محمداحمد]

جتنے بھی لفظ ہیں وہ مہکتے گلاب ہیں
لہجے کے فرق سے انہیں تلوار مت بنا