آج پھر اُن کو گلستان میں خراماں دیکھا، عابد لاہوری

[کاشفی]

غزل
(عابد لاہوری)​

آج پھر اُن کو گلستاں میں خراماں دیکھا
رنگ کو رقص میں، نکہت کو پرافشاں دیکھا​

گوشہء باغ میں اک ماہِ منّور چمکا
اُفقِ ناز سے اک مہرِ درخشاں دیکھا​

پھر ہوئے روح میں اصنامِ تمنّا بیدار
پھر وہی قاعدہ ء جلوہء جاناں دیکھا​

پھر درِ دل پہ جنوں آکے پکارا، ہشیار!
پھر وہی سلسلہء زلفِ پریشاں دیکھا​

جس کی تابش سے کبھی بزم ِ وفا روشن تھی
آج اُس شمع کو محفل میں فروزاں دیکھا​

جانے کیا دیکھ لیا آج کہ باسوزوگداز
ہم نے عابد کو سرِ راہ غزل خواں دیکھا​

 

[محمد وارث]

واہ کیا خوبصورت غزل ہے!

بہت شکریہ جناب شیئر کرنے کیلیے۔

 

[فرخ منظور]

بہت خوبصورت غزل ہے۔ شکریہ کاشفی صاحب۔ کیا اس شعر میں قاعدہ نہیں ہونا چاہیے؟
​

پھر ہوئے روح میں اصنامِ تمنّا بیدار
پھر وہی قائدہء جلوہء جاناں دیکھا

​

 

[کاشفی]

واہ کیا خوبصورت غزل ہے!

بہت شکریہ جناب شیئر کرنے کیلیے۔

بہت بہت شکریہ جناب محمد وارث صاحب۔۔۔خوش رہیں۔۔

 

[کاشفی]

بہت خوبصورت غزل ہے۔ شکریہ کاشفی صاحب۔ کیا اس شعر میں قاعدہ نہیں ہونا چاہیے؟
​

پھر ہوئے روح میں اصنامِ تمنّا بیدار
پھر وہی قائدہء جلوہء جاناں دیکھا

​

آپ نے درست فرمایا ہے۔۔شکریہ بیحد خوش رہیں۔۔۔