La Alma
لائبریرین
وقت کی ہر گھات کی ہوں معترف
پل، گھڑی، اوقات کی ہوں معترف
رازِ قدرت ہے چُھپا اضداد میں
سو نفی اثبات کی ہوں معترف
جو عیاں ہے جستجو اُس کی نہیں
غیب کی ہر بات کی ہوں معترف
آبِ کوثر جان کر پیتے ہیں مے
نیتِ سادات کی ہوں معترف
تلخیِ ایّام کا شکوہ نہیں
خوئے تسلیمات کی ہوں معترف
ہو گئی اپنے پرائے کی خبر
گردشِ حالات کی ہوں معترف
ہار میں اپنی ہی اُس کی جیت تھی
آج بھی اُس مات کی ہوں معترف
آنسو بن کر بہہ گئی برفاب رُت
حدّتِ جذبات کی ہوں معترف
خود شناسائی کی لذّت دے گئے
درد کے لمحات کی ہوں معترف
کون المٰی اُنؐ سے بڑھ کر ہے حسیں
فخرِ موجودات کی ہوں معترف
پل، گھڑی، اوقات کی ہوں معترف
رازِ قدرت ہے چُھپا اضداد میں
سو نفی اثبات کی ہوں معترف
جو عیاں ہے جستجو اُس کی نہیں
غیب کی ہر بات کی ہوں معترف
آبِ کوثر جان کر پیتے ہیں مے
نیتِ سادات کی ہوں معترف
تلخیِ ایّام کا شکوہ نہیں
خوئے تسلیمات کی ہوں معترف
ہو گئی اپنے پرائے کی خبر
گردشِ حالات کی ہوں معترف
ہار میں اپنی ہی اُس کی جیت تھی
آج بھی اُس مات کی ہوں معترف
آنسو بن کر بہہ گئی برفاب رُت
حدّتِ جذبات کی ہوں معترف
خود شناسائی کی لذّت دے گئے
درد کے لمحات کی ہوں معترف
کون المٰی اُنؐ سے بڑھ کر ہے حسیں
فخرِ موجودات کی ہوں معترف
