یاد ماضی کی نہ بن جائے عذاب

[میم الف]

ایک دن سب ہوں گے جاگے دیکھیے
لیک کتنی دیر لاگے دیکھیے

فرق کرنا ہو اگر رنگوں کے بیچ
آنکھ سے درزی کی دھاگے دیکھیے

مغربی کھنچنے لگے مشرق کی اور
مشرقی مغرب کو بھاگے دیکھیے

یاد ماضی کی نہ بن جائے عذاب
پیچھے مت دیکھیں بس آگے دیکھیے

بلبلوں کا نام ہی سنیے الفؔ
اڑتے چاروں اور کاگے دیکھیے

 

[میم الف]

حضرتِ دل نواز! یاسر شاہ
اِس غزل کو ہم آپ کی خدمت میں پیش کرتے ہیں
اور اس کے علاوہ کچھ نہیں کہتے

 

[یاسر شاہ]

عزیزم منیب ! حقیقی دلنوازی کو تو ڈھونڈیے بیگم فی الحال ہم تو آپ کو باسی عید مبارک کہہ سکتے ہیں اور بطور دل نوازی میر کا ایک شعر پیش کر سکتے ہیں :

عید آئندہ تک رہے گا گلہ
ہو چکی عید تو گلے نہ ملا

اب آتے ہیں آپ کی غزل کی طرف سو صاحب بات یہ ہے کہ جو بات آپ کی شاعری میں ہے وہ بات اس غزل میں نہیں -یوں لگتا ہے بیٹھے بٹھائے ایک تجربہ کیا گیا ہے جس میں اچھے مضامین کا اظہار تو ہے مگر یہ اظہاریہ ترجمان دل نہیں محسوس ہوتا -

بھائی یہ تھا میرا بےتکلفانہ تبصرہ اور اس بے تکلفی کی اجازت میں پہلے ہی آپ سے لے چکا ہوں -

 

[میم الف]

عید آئندہ تک رہے گا گلہ
ہو چکی عید تو گلے نہ ملا

یہ گلہ بنتا اگر ہم ہم محلہ و ہم قریہ و ہم سایہ میں سے کچھ ہوتے!

اب آتے ہیں آپ کی غزل کی طرف سو صاحب بات یہ ہے کہ جو بات آپ کی شاعری میں ہے وہ بات اس غزل میں نہیں -یوں لگتا ہے بیٹھے بٹھائے ایک تجربہ کیا گیا ہے جس میں اچھے مضامین کا اظہار تو ہے مگر یہ اظہاریہ ترجمان دل نہیں محسوس ہوتا

میں آپ سے متفق ہوں۔
اصل میں زمین دشوار تھی۔ جو بن پڑا وہ کہا۔
آپ نے کہا کہ مضامین اچھے ہیں،
میرے لیے یہی ہمت افزا ہے کہ زمین کی سنگلاخی کے باوجود مضامین پست نہیں ہونے دیے۔

بھائی یہ تھا میرا بےتکلفانہ تبصرہ اور اس بے تکلفی کی اجازت میں پہلے ہی آپ سے لے چکا ہوں -

بارِ دگر اجازت ہے، یا علامہ راشد الخیری

 

[ظہیراحمدظہیر]

میم الف ، یہ کیواڑی کیا چیز ہے ؟

پہلی نظر میں کیماڑی سے بھاگ پڑھا گیا ۔ اپنی اس غلطی پر خاصی دیرمسکراتا رہا ۔ کراچی میں کیماڑی کا ساحل میری پسندیدہ جگہوں میں سے ہے ۔

 

[میم الف]

میم الف ، یہ کیواڑی کیا چیز ہے ؟

پہلی نظر میں کیماڑی سے بھاگ پڑھا گیا ۔ اپنی اس غلطی پر خاصی دیرمسکراتا رہا ۔ کراچی میں کیماڑی کا ساحل میری پسندیدہ جگہوں میں سے ہے ۔

اصل میں ’کیواڑی سے بھاگ‘ میری ایک دوسری نظم ہے۔
غلطی سے اس عنوان کے تحت اس غزل کو پوسٹ کر دیا

 

[سید عمران]

اصل میں ’کیواڑی سے بھاگ‘ میری ایک دوسری نظم ہے۔
غلطی سے اس عنوان کے تحت اس غزل کو پوسٹ کر دیا

اب اُس نظم کو کس عنوان کے تحت پیش کریں گے؟؟؟

 

[محمد تابش صدیقی]

اصل میں ’کیواڑی سے بھاگ‘ میری ایک دوسری نظم ہے۔
غلطی سے اس عنوان کے تحت اس غزل کو پوسٹ کر دیا

عنوان بتا دیجیے۔ تبدیل ہو جائے گا۔

 

[فہد اشرف]

اب اُس نظم کو کس عنوان کے تحت پیش کریں گے؟؟؟

اب اس نظم کو غزل کے عنوان سے پیش کریں گے۔

 

[میم الف]

اب اُس نظم کو کس عنوان کے تحت پیش کریں گے؟؟؟

کیواڑی سے جلدی بھاگ

 

[میم الف]

عنوان بتا دیجیے۔ تبدیل ہو جائے گا۔

بہت شکریہ تابش بھائی
اسے کر دیجیے: یاد ماضی کی نہ بن جائے عذاب