اُمید افزا اور ہمت بڑھانے والے اشعار

[جاسمن]

سنو اے بستگانِ زلفِ گیتی، ندا کیا آ رہی ہے آسماں سے
کہ آزادی کا اک لمحہ ہے بہتر، غلامی کی حیاتِ جاوداں سے
جوش ملیح آبادی

 

[جاسمن]

خواب کو جذبۂ بیدار دیے دیتا ہوں
قوم کے ہاتھ میں تلوار دیے دیتا ہوں
جوش ملیح آبادی

 

[جاسمن]

ہاں بارِ دگر، بارِ دگر، بارِ دگر جاگ
اے نوعِ بشر، نوعِ بشر، نوعِ بشر جاگ
جوش ملیح آبادی

 

[جاسمن]

دینا پڑے کچھ ہی ہرجانہ، سچ ہی لکھتے جانا
مت گھبرانا مت ڈرنا، سچ ہی لکھتے جانا
حبیب جالب

 

[سحرش سحر]

زورِ بازو آزما' شکوہ نہ کر صیاد سے
آج تک کوئی قفس ٹوٹا نہیں فریاد سے

 

[سحرش سحر]

ہمت کرے انسان 'تو کیا ہو نہیں سکتا
وہ کون سا عقدہ ہے جو وا ہو نہیں سکتا

 

[زیرک]

دن گزرنے پہ شب نہیں ہوتی
جگنو ہاریں تو ''رات'' بنتی ہے
عابی مکھنوی

 

[جاسمن]

خبر نہ تھی کہ میں اپنے حسیں ارادوں پر
مآل کارِ عدم خود بھی مسکرا دوں گا
عدم

 

[جاسمن]

نہیں زندگی سے کوئی خاص شکوہ
تمہاری دعا سے بسر ہورہی ہے
عدم

 

[زیرک]

خواب دیکھنا اور ان کی تکمیل کے لیے کوشان رہنا انسان کو آگے بڑھنا سکھاتا ہے۔
جذبہ، قوت، ہمت اور کچھ جنون دیا ہے
مٹی میں اک خواب کو بو کر خون دیا ہے

 

[محمد تابش صدیقی]

کٹی اب کٹی منزلِ شامِ غم
بڑھائے چلو پافگارو قدم

ہمیں سے فروزاں ہے شمعِ وفا
ہمیں نے بھرا ہے محبت کا دم

کہیں یاس کے حوصلے بڑھ نہ جائیں
کہیں آس کے رک نہ جائیں قدم

پڑھے گا زمانہ بڑے شوق سے
کیے جاؤں دل کی کہانی رقم

بدل جائے گا دیکھتے دیکھتے
یہ عہدِ خرابی، یہ عہدِ ستم

نکلنے کو ہے آفتابِ سحر
شبِ تار ہے بس کوئی اور دم

مٹا کر اندھیروں کا نام و نشاں
اجالوں کی بستی بسائیں گے ہم
٭٭٭
حبیب جالب|​

 

[زیرک]

کتنے غریب گھر ہیں اجالے سے دور دور
جتنی بھی روشنی ہے ستاروں سے چھین لو
سردی میں کتنے جسم ہیں بیگانۂ لباس
جتنی بھی چادریں ہیں مزاروں سے چھین لو​

 

[جاسمن]

ایک اسی امید پہ ہیں سب دشمن دوست قبول
کیا جانے اس سادہ روی میں کون کہاں مل جائے
جمیل الدین عالی

 

[زیرک]

کیوں نہ پلڑا ترے اعمال کا بھاری ہو نصیر
اب تو میزان پہ سرکارؐ بھی آئے ہوئے ہیں
سید نصیر الدین نصیر​

 

[محمد تابش صدیقی]

سنا ہے کوئلے کی کان سے ہیرا نکلتا ہے
اُٹھو تاریک راتوں سے کوئی سورج نکالیں ہم
عابی مکھنوی

 

[جاسمن]

سنا ہے کوئلے کی کان سے ہیرا نکلتا ہے
اُٹھو تاریک راتوں سے کوئی سورج نکالیں ہم
عابی مکھنوی

بہت خوب!

 

[جاسمن]

آنکھ رکھے ہوئے ستارے پر
کشتیاں جا لگیں کنارے پر
احمد سجاد بابر

 

[سیما علی]

اگر عثمانیوں پہ کوہِ غم ٹوٹا تو کیا غم ہے
کہ خونِ صد ہزار انجم سے ہوتی ہے سحر پیدا
(اقبال)

جاسمن جی میری جان قربان علامہ رح کے ان اشعار پر
علامہ اقبال روزِ محشر حضور ﷺ کے سامنے اپنے گناہوں کے کھلنے سے بہت ڈرتے ہیں، یہ بھی محبت کی ایک مثال ہے جسے الفاظ میں بیان نہیں کیا جا سکتا۔
تو غنی از ہر دو عالم من فقیر ….. روز محشر عذر ہائے من پذیر
ورحسابم را تو بینی نا گزیر ….. از نگاہ مصطفے پنہاں بگیر

علامہ اقبال بارگاہ الہیٰ میں التجا کر رہے ہیں کہ تو دونوں عالم سے بے نیاز ہے اور میں ایک عاجز سوالی ہوں، براہ ِکرم روزِ قیامت میری ایک عرض قبول کر لینا، اگر میرا نامہ اعمال دیکھنا بڑا ہی ضروری ہے تو برائے مہربانی حضور ﷺ کی نگاہوں سے بچا کر حساب کرنا، مطلب یہ کہ میں گناہ گار اُمتی ہوں میں اپنے نبی کے سامنے شرمند گی سے بچ جاؤں۔

 

[سیما علی]

وقت آنے دے دکھا دیں گے تجھے اے آسماں!!
ہم ابھی سے کیوں بتائیں کیا ہمارے دل میں ہے
بسمل عظیم آبادی

 

[سیما علی]

امید و بیم کے محور سے ہٹ کے دیکھتے ہیں
ذرا سی دیر کو دنیا سے کٹ کے دیکھتے ہیں!!
افتخار عارف