غزل: جفاؤں کی بپھری ہوا میں چراغِ وفا رکھ رہا ہوں، جسارت تو دیکھو ٭ تابش

ایک کاوش احباب کی بصارتوں کی نذر

جفاؤں کی بپھری ہوا میں چراغِ وفا رکھ رہا ہوں، جسارت تو دیکھو
میں نفرت کی بستی میں الفت کا اظہار کرنے لگا ہوں، شجاعت تو دیکھو

ستم گر سے چارہ گری کی تمنا ہے، رہزن جو ہیں اُن کو رہبر کیا ہے
میں بارش میں کچی چھتوں پر بھروسہ کیے جا رہا ہوں، حماقت تو دیکھو

زمانے کے سارے غموں کی خبر ہے، کہاں کون خوش ہے وہ سب جانتا ہوں
مگر ساتھ گھر میں کوئی مر رہا ہے، نہیں جانتا ہوں، جہالت تو دیکھو

کدورت ہے، بغض اور کینہ ہے دل میں، عبادت بنی ہے نمود و نمائش
میں دل میں لیے میل، کھوٹے عمل کی جزا چاہتا ہوں، یہ چاہت تو دیکھو

یہ مانا کہ ناقص تھی میری محبت، زمانے کی تابشؔ نے بہکا دیا تھا
لیے چشمِ گریاں، میں تجدیدِ عہدِ وفا کر رہا ہوں، ندامت تو دیکھو​
٭٭٭
محمد تابش صدیقی
 
ایک کاوش احباب کی بصارتوں کی نذر

جفاؤں کی بپھری ہوا میں چراغِ وفا رکھ رہا ہوں، جسارت تو دیکھو
میں نفرت کی بستی میں الفت کا اظہار کرنے لگا ہوں، شجاعت تو دیکھو

ستم گر سے چارہ گری کی تمنا ہے، رہزن جو ہیں اُن کو رہبر کیا ہے
میں بارش میں کچی چھتوں پر بھروسہ کیے جا رہا ہوں، حماقت تو دیکھو

زمانے کے سارے غموں کی خبر ہے، کہاں کون خوش ہے وہ سب جانتا ہوں
مگر ساتھ گھر میں کوئی مر رہا ہے، نہیں جانتا ہوں، جہالت تو دیکھو

کدورت ہے، بغض اور کینہ ہے دل میں، عبادت بنی ہے نمود و نمائش
میں دل میں لیے میل، کھوٹے عمل کی جزا چاہتا ہوں، یہ چاہت تو دیکھو

یہ مانا کہ ناقص تھی میری محبت، زمانے کی تابشؔ نے بہکا دیا تھا
لیے چشمِ گریاں، میں تجدیدِ عہدِ وفا کر رہا ہوں، ندامت تو دیکھو

٭٭٭
محمد تابش صدیقی
ما شا اللہ۔ بہت خوب
 
واہ بھیا لا جواب بہت عمدہ۔۔
اللہ کریم ذوق سخن زیادہ سے زیادہ کرے
آمین۔ شکریہ عدنان بھائی
خوبصورت!

اتنی بڑی بحر میں بہت اچھے اشعار کہے ہیں تابش بھائی!

مبارکباد قبول کیجے۔
بہت شکریہ احمد بھائی۔
واہ برادرم تابش ۔۔
بہت خوب ۔ :):)
آداب امین بھائی
خوب غزل ہے صدیقی صاحب، لاجواب۔
پسند فرمانے پر شکرگزار ہوں، وارث بھائی۔
بہت شکریہ جناب۔
تشکر بسیار
واہ واہ، کیا استادی کا مظاہرہ کیا ہے!
استاد محترم، آپ کی جانب سے یہ داد اعزاز سے کم نہیں۔ :)
بہت عمدہ کلام ہے!! زبردست!!
شکریہ لاریب بہن۔
مزے دار مزے دار۔ واہ کیا خوبصورت مترنم غزل ہے۔ بہت بہت داد قبول فرمائیے۔
پسند فرمانے پر ممنون ہوں، خلیل بھائی۔ خود بھی گنگناتا رہا۔ :)
ما شا اللہ۔ بہت خوب
شکریہ خرم بھائی۔
بڑی بحر میں شاندار غزل ہے تابش بھائی۔
آداب عرفان بھائی، بہت شکریہ۔

آپ احباب کی حوصلہ افزائی نے ڈھیروں خون بڑھا دیا۔ سلامت رہیں۔ :)
 
Top