انٹرویو عثمان بھائی کا انٹرویو

مقدس

لائبریرین
زندگی کا ناقابل فراموش واقعہ بتائیں گے؟
کوئی ایسا خوشگوا واقعہ جسے یاد کرکے آپ ہنستے ہوں یا آپ کے چہرے پر مسکراہٹ ضرورآجاتی ہو؟
کوئی ایسا اہم فیصلہ جو آپ نے لیا ہو اور اسکا آپ کی زندگی پر کیا اثر پڑا؟
ایک ایسا واقعی جس نے آپ کی زندگی کو متاثر کیا ہو۔
آپ کا پسندیدہ شعر
پسندیدہ قول
پسندیدہ عادت
پسندیدہ نصیحت
پسندیدہ جانور
پسندیدہ پرندہ
کیا کسی جانور سے کوئی سبق سیکھا؟
زندگی نے کوئی خاص سبق سکھایا ہے تو بتائیں؟
ایسا کوئی ہے جس سے دوبارہ ملنے کی آرزو نہ ہو؟
معاف کرنا پسند ہے کہ بدلہ لینا؟
کیا کہتے ہیں کہ بدلہ کس وقت لینا ضروری ہے؟
آستین میں سانپ کبھی دیکھا؟ اگر نہیں تو اچھی بات ہے اور ہاں تو کیسا فیل ہوا اور کیا تدارک کیا؟
دوست دشمن کی پہچان کر سکتے ہیں؟
کیا الفاظ اور لہجے سے انسان کی پرکھ کر سکتے ہیں؟
کیا چہرہ شناس ہیں؟
دھوکا ایک بار ہی کھاتے ہیں کہ بار بار؟
زندگی کی پہلی ترجیح کون ہے آپ کے لیے اور آخری؟
کیا کسی کے لیے زندگی قربان کر سکتے ہیں؟
سب سے پیارا تحفہ آپ کے نزدیک؟

ان سوالات کا جواب ابھی نہیں آیا عثمان بھیا
 

عثمان

محفلین
ان سوالات کا جواب ابھی نہیں آیا عثمان بھیا
کچھ سوالات کے جوابات جو فی الوقت ذہن میں ہیں ، پیش خدمت ہیں۔ :)

زندگی نے کوئی خاص سبق سکھایا ہے تو بتائیں؟
یہ کہ آپ کسی بھی مقام پر ہوں، کلی طور پر مطمئن نہیں ہوسکتے۔ جو کچھ دسترس میں نہیں ، اس کی خواہش رہتی ہے۔

ایسا کوئی ہے جس سے دوبارہ ملنے کی آرزو نہ ہو؟
کئی ایسے فضول لوگوں سے سامنا ہوا کہ جن سے دوبارہ ملنے کی آرزو نہیں۔
بلکہ میرا خیال ہے کہ ہم اپنی زندگی میں ماسوائے کچھ اقربا کے اکثریت سے دوبارہ ملنے کے خواہشمند نہیں ہوتے۔

معاف کرنا پسند ہے کہ بدلہ لینا؟
منحصر ہے کہ کونسا عمل اس وقت تسکین پہنچائے۔ دونوں میں سے کسی ایک کا چناؤ میرے خیال سے غیر فطری ہے۔

سب سے پیارا تحفہ آپ کے نزدیک؟
کوئی بھی تحفہ جو محض روایت سے نباہ کی بجائے فرد سے چاہت کو مدنظر رکھتے ہوئے دیا جائے۔ :)
 

تعبیر

محفلین
میں نے یہ ادھورا انٹرویو بھی پڑھ لیا لیکن ریٹنگ اس لیے نہیں کی کہ اف لائن پڑھا تھا
میں بھی کچھ پوچھ لوں

1)آپ محفل پر "مسٹر انڈیا"بن کر کیوں آتے ہیں یعنی غائب

2)ماشاءاللہ سے آپ کو دونوں طرح کا تجربہ ہے:p یہ بتائیں کہ ہاتا پائی اور توں توں میں میں،میں کونسی لڑائی میں جیتنے کے مواقعے زیادہ ہیں اور مخالف کس طرح کی کروائی سے زیادہ گھائل ہو سکتا ہے؟

3)آپ نےبتایا کہ آپ کو دس سال ہونے والے ہیں کینڈا میں اس کے باجود آپ کی اردو اتنی اچھی کیسے ہے اور اردو سے لگاؤ ابھی تک کس وجہ سے ہے اور فورم بھی اردو ہی جوائن کیا ہے اسکی خاص وجہ

فی الحال اتنا ہی
 

عثمان

محفلین
آپ محفل پر "مسٹر انڈیا"بن کر کیوں آتے ہیں یعنی غائب

غور کیجیے کہ یہ تو میری عاجزی ہے۔ خاموشی سے محفل میں آتا جاتا ہوں۔ کسی کو پتا نہیں لگنے دیتا۔ ;)

ماشاءاللہ سے آپ کو دونوں طرح کا تجربہ ہے:p یہ بتائیں کہ ہاتا پائی اور توں توں میں میں،میں کونسی لڑائی میں جیتنے کے مواقعے زیادہ ہیں اور مخالف کس طرح کی کروائی سے زیادہ گھائل ہو سکتا ہے؟

جیتنے کی بجائے ہارنے کے مواقع کم کرنے کی بابت اندازہ ہوسکتا ہے۔ :)
اور اس لحاظ سے ہاتاپائی اور توں توں میں میں دونوں ہی موزوں نہیں۔ سچ پوچھیے ، تو اس ضمن میں محض فقرہ کسنا ہی بہترین ہے۔ :p

آپ نےبتایا کہ آپ کو دس سال ہونے والے ہیں کینڈا میں اس کے باجود آپ کی اردو اتنی اچھی کیسے ہے اور اردو سے لگاؤ ابھی تک کس وجہ سے ہے اور فورم بھی اردو ہی جوائن کیا ہے اسکی خاص وجہ
اردو اچھی ایسے ہے کہ میں نے میٹرک ، ایف اے تو پاکستان سے کیا تھا۔ پچپن ، لڑکپن کا سیکھا کہاں بھولتا ہے۔ :)
انسان کا اس کی زبان اول (First Language) سے لگاؤ کی بنیادی وجہ ہمیشہ ایک ہی ہے کہ وہ اسی زبان میں سوچتا ہے۔ دل و دماغ میں اٹھنے والے تمام احساسات اسی زبان میں ترتیب پاتے ہیں۔
اردو فورم میں اس لئے شمولیت اختیار کی کہ اردو آپ صرف اردو فورم پر ہی لکھ سکتے ہیں۔ کسی اور فورم پر لکھنے سے رہے۔ :p
اگر آپ کا سوال اردو محفل کی طرف مخصوص ہے تو ہاں ، محفل اردو کی دوسری تمام فورمز کی نسبت بہت مختلف ہے۔ ایک بڑی وجہ تو یہی ہے کہ اردو کی تمام فورمز میں یہ واحد فورم ہے جو فقط پاکستانی نہیں ہے۔
تو بس ، پاکستان سے باہر مقیم ، نسبتاً غیر روایتی پاکستانی سوچ کے حامل افراد کے سمانے کی گنجائش موجود ہے۔ :)
 

تعبیر

محفلین
بہت بہت شکریہ عثمان
حال ہی میں ایک محاذ پر میں بھی آپ کے ساتھ تھی ۔میں نے تو توبہ کر لی لیکن آپ وہاں تنہا ڈتے ہوئے تھے اس پر میں آپ کی ہمت کی داد دیتی ہوں اور آپ کو سلوٹ کرتی ہوں سچی سے :)
 

شمشاد

لائبریرین
عثمان بھائی میں نے تو ایسے ہی مقدس کو لکھا تھا کہ آپ کا انٹرویو کرے، یہاں تو سچ مچ میں ڈیڑھ سال سے زیادہ عرصہ ہو گیا، مقدس نے انٹرویو شروع کر رکھا ہے۔

ابھئی کئی ایک سوالوں کے جواب نہیں آئے۔ وہ بھی دے دیں، پھر آگے چلتے ہیں۔
 

عثمان

محفلین
عثمان بھائی میں نے تو ایسے ہی مقدس کو لکھا تھا کہ آپ کا انٹرویو کرے، یہاں تو سچ مچ میں ڈیڑھ سال سے زیادہ عرصہ ہو گیا، مقدس نے انٹرویو شروع کر رکھا ہے۔

ابھئی کئی ایک سوالوں کے جواب نہیں آئے۔ وہ بھی دے دیں، پھر آگے چلتے ہیں۔
ہائیں۔۔۔ کونسے سوالوں کو جواب نہیں آئے۔۔۔ سوالات کی کھالات تک تو اتار چکا ہوں۔ :oops:
 

محمدظہیر

محفلین
اس لڑی کو میں اوپر کھینچ رہا ہوں۔ لطف آیا پڑھ کر۔:):):)
محفل کی 12ویں سالگرہ پر انٹرویو کا سلسلہ دوبارہ شروع ہو تو مزہ آجائے :)
 
Top