احباب ایک سلسلہ شرو‏ع کرنے کا کافی عرصہ سے دل چاہ رہا تھا۔ لیکن باذوق افراد کی طبیعت پر گراں گزرے، اس سبب خود کو روکے رکھا۔ لیکن اب دوبارہ جب اس چاہت نے شدت پکڑی تو سوچا ایک کھیل ہی سہی کھیل لیتے ہیں۔
ہماری زندگی میں سوشل میڈیا اب جزو لاینفک کی حیثیت اختیار کر چکا ہے۔ اور ہر کس و نا کس اس سے کسی طور جڑا ہوا ہے (الا ماشاء اللہ)۔ ایسے میں سامنا ہوتا ہے سوشل میڈیا پر پیش کی جانے والی شاعری سے۔ جو بعض اوقات شدید ناگوار بھی محسوس ہوتی ہے۔ لیکن سوشل میڈیا سے دور ہونے کے بعد اب یہ سکون حاصل ہوا ہے۔ اگر ایسی کوئی شے نظر سے گزرے تو غصہ کی بجائے ہنسی آ جاتی ہے۔ اسی پیش نظر سوچا کہ اس سلسلہ کا آغاز کیا جائے۔ جہاں سوشل میڈیائی شاہکار پیش کئے جائیں۔ اب یہ بھی ضروری نہیں کہ وہ بالکل بیکار ہی ہوں۔
پیش خدمت ہیں چند نمونہ جات۔

محبتوں کی سزا بے مثال دی اس نے
اداس رہنے کی عادت سے ڈال دی اس نے
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
بدلتے نہیں معیار میرے
وہی غم اب بھی ہے، جیسا کے تب تھا
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
تمہاری بے رخی پر بھی لٹا دی زندگی ہم نے
اگر تم مہرباں ہوتے، ہمارا حال کیا ہوتا
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
مجھے چھوڑ دے مرے حال پر ترا کیا بھروسہ ہے زندگی
تیری مختصر سی نوازشیں مرا درد اور بڑھا نہ دیں
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
 
S9QS1Gl.jpg
 
ایک صاحب فیس بک پر چھاتے جا رہے ہیں۔ مژدم خان۔ فرماتے ہیں:
اگلے وقتوں کے آدمی کہیں گے
آدمی مولوی بھی ہوتا تھا​
پھر کہتے ہیں:
دل کی حالت پہ کیا کروں افسوس
رکشے والے کو کار دے دی تھی​
تازہ غزل کا ایک شعر بھی نمونۃً پیش ہے:
غزل سناؤں اُسے میر کی اور اُس کے بعد
میں کوئی اپنی سنا دوں تو چس تو کوئی نئیں​
 
Top