میں نے کس شوق سے اِک عمر غزل خوانی کی (شبنم رومانی)

نیرنگ خیال

لائبریرین
میں نے کس شوق سے اِک عمر غزل خوانی کی
کتنی گہری ہیں لکیریں مری پیشانی کی

وقت ہے میرے تعاقب میں چھپا لے مجھ کو
جوئے کم آب!قسم تجھ کو ترے پانی کی

یُوں گزرتی ہے رگ و پے سے تری یاد کی لہر
جیسے زنجیر چھنک اُٹھتی ہے زندانی کی

اجنبی سے نظر آئے ترے چہرے کے نقوش
جب ترے حُسن پہ میں نے نظرثانی کی

مجھ سے کہتا ہے کوئی،آپ پریشاں نہ ہوں
میری زلفوں کو تو عادت ہے پریشانی کی

زندگی کیا ہے؟طلسمات کی وادی کا سفر
پھر بھی فرصت نہیں ملتی مجھے حیرانی کی

وہ بھی تھے ذکر بھی تھا رنگ غزل کا شبنؔم
پھر تو میں نے سر ِ محفل وہ گل افشانی کی

شبنؔم رومانی​
 
آخری تدوین:

غدیر زھرا

لائبریرین
مجھسے کہتا ہے کوئی،آپ پریشاں نہ ہوں
مری زلفوں کو تو عادت ہے پریشانی کی

زندگی کیا ہے؟طلسمات کی وادی کا سفر
پھر بھی فرصت نہیں ملتی مجھے حیرانی کی

کیا کہنے..بہت خوبصورت غزل :) شریک کرنے کےلیے شکریہ بھیا :)
 
زندگی کیا ہے؟طلسمات کی وادی کا سفر​
پھر بھی فرصت نہیں ملتی مجھے حیرانی کی
بہت خوب غزل
شریک کرنے کےلیے شکریہ
شاد و آباد رہیں​
 

فرحت کیانی

لائبریرین
وقت ہے میرے تعاقب میں چھپا لے مجھ کو
جوئے کم آب!قسم تجھ کو ترے پانی کی

واہ۔ حسب روایت عمدہ انتخاب۔ بیت شکریہ ذوالقرنین!
 

نیرنگ خیال

لائبریرین
مجھسے کہتا ہے کوئی،آپ پریشاں نہ ہوں
مری زلفوں کو تو عادت ہے پریشانی کی

زندگی کیا ہے؟طلسمات کی وادی کا سفر
پھر بھی فرصت نہیں ملتی مجھے حیرانی کی

کیا کہنے..بہت خوبصورت غزل :) شریک کرنے کےلیے شکریہ بھیا :)
شکریہ غدیر۔۔۔۔

شکریہ جاسمن صاحبہ۔۔۔

زندگی کیا ہے؟طلسمات کی وادی کا سفر
پھر بھی فرصت نہیں ملتی مجھے حیرانی کی
بہت خوب غزل
شریک کرنے کےلیے شکریہ
شاد و آباد رہیں​
آداب شاہ صاحب۔۔۔۔ بہت نوازش

واہ کیا ہی خوب شراکت
شکرگزار ہوں علی چشتی صاحب۔
 

نایاب

لائبریرین
زندگی کیا ہے؟طلسمات کی وادی کا سفر
پھر بھی فرصت نہیں ملتی مجھے حیرانی کی
واہہہہہہہہہ
بہت خوب انتخاب
محترم شبنم رومانی کی کہی صحرا والی غزل نے اک عرصہ سے اسیر کر رکھا ہے ۔
اب بھی پڑھی یہ غزل اور ذہن میں گونجی وہ غزل ۔۔۔۔
بہت دعائیں
 

نیرنگ خیال

لائبریرین
واہہہہہہہہہ
بہت خوب انتخاب
محترم شبنم رومانی کی کہی صحرا والی غزل نے اک عرصہ سے اسیر کر رکھا ہے ۔
اب بھی پڑھی یہ غزل اور ذہن میں گونجی وہ غزل ۔۔۔۔
بہت دعائیں
بہت محبتیں نایاب بھائی۔۔۔

خوبصورت غزل

لاجواب انتخاب!

خوش رہیے!
شکریہ سر۔۔۔ :)

اجنبی سے نظر آئے تِرے چہرے کے نقُوش
جب تِرے حُسن پہ ، مَیں نے نَظَرِ ثانی کی

کیا کہنے !

تشکّر شیئر کرنے پر
:):)
آپ کی محبتوں پر شکرگزار ہوں شاہ صاحب۔۔۔۔ جزاک اللہ
 
Top