ذرہ نوازی ہے آپ کی برادرِ من، گو آپ مجھ سے کم و بیش آدھی عمر کے ہیں، لیکن آپ کی یہ تبریک میرے لیے باعثِ صد افتخار ہے، آپ سے صاحبِ علم و ہمت کا جتنا بھی شکریہ ادا کیا جائے کم ہے۔
نوازش آپ کی برادرم، بہت شکریہ آپ کا۔
دس ہزاری پذیرائیوں پر تو طغرہ آویزاں ہونا چاہیئے۔
میں اللہ کے حضور علم و حکمت کے لازوال الماس و مروارید اور محبتوں و شوخیوں کے موتیوں کی قدردانی کی توفیق کے لیے سر بسجود ہوں ۔ اور اپنے عزیز و مشفق دوست محمد وارث صاحب کو اس سنگ میل پر خراج تحسین پیش کرتا ہوں اور دیگرتمام شارکین خصوصاً حسان خان کے لیے بھی نیک اور پر خلوص خواہشات کا اظہار کرتے ہوئے دعاگو ہوں کہ اللہ تعالی علم کے سفر میں ہم سب کے لیے تادم مرگ برکت و ترقی عطا فرمائے۔
آپ کی محبت ہے ۔ورنہ خوشہ چینوں میں ہے اپنا نام تو ، جہاں ٹھنڈی چھاؤں دیکھی غریب الوطنی کا غم غلط کرنے بیٹھ گئے۔
فارسی کا حسن ہی ایسا ہے کہ اس لڑی میں موجود اکثر احباب اس کے عاشق ہیں بلکہ بقولِ حافظ
نوازش آپ کی آغا صاحب، بہت شکریہ آپ کا
میرے خیال میں ما کی اضافت تصویر کی طرف راجع ہے یعنی ہماری تصویر اور خامہ کے ساتھ بھی اضافت ہے یعنی خامہء، سو دوسرے مصرعے کا مطلب ہو سکتا ہے کہ کچھ یوں ہو کہ "کوئی بھی خامہ ہماری تصویر ایک ہی صورت کے سوا کچھ نہیں بناتا"۔
ایسی صورت میں خامہ ای نہیں لکھا جائے گا خامہء کی جگہ؟میرے خیال میں ما کی اضافت تصویر کی طرف راجع ہے یعنی ہماری تصویر اور خامہ کے ساتھ بھی اضافت ہے یعنی خامہء، سو دوسرے مصرعے کا مطلب ہو سکتا ہے کہ کچھ یوں ہو کہ "کوئی بھی خامہ ہماری تصویر ایک ہی صورت کے سوا کچھ نہیں بناتا"۔