پاکستان کی خوبصورت جھیلیں

[یاز]

سرال جھیل
4100 میٹر کی بلندی پر واقع یہ جھیل وادیء نیلم اور کاغان کے درمیان نوری ٹاپ کے قریب واقع ہے۔ اس تک پہنچنے کے لئے بھی دونوں اطراف سے جایا جا سکتا ہے۔ کشمیر سے شاردہ سے بائیں جانب نوری ٹاپ والے ٹریک پہ بذریعہ جیپ نوری ٹاپ تک پہنچ جائیں یا کاغان سائیڈ سے جلکھڈ سے جیپ کے ذریعے نوری ٹاپ تک پہنچ جائیں۔ وہاں سے تقریباً چار سے چھ گھنٹے کی ٹریکنگ کے بعد سرال جھیل تک پہنچ سکتے ہیں۔

 

[یاز]

سرال جھیل کی مزید تصاویر

​

 

[نیرنگ خیال]

اسلام آباد سے ۴۰ کلومیٹر دور یہ نیلا سانڈھ نامی جھیل نما کوئی جگہ ہے۔ ایک دفعہ نیرنگ خیال نے اس مقام کی سیر کروائی تھی

نیلا ساند حضور۔۔۔ سانڈھ نہیں۔۔۔

 

[یاز]

دھرم سر جھیل
یہ جھیل وادیء کاغان کی خاصی گمنام اور کم وزٹ کی جانے والی جھیلوں میں سے ایک ہے۔ بابوسر پاس سے دائیں جانب تقریباً پون گھنٹے کے جیپ ٹریک کے بعد ایک مقام پر سات چھوٹی بڑی جھیلیں نزدیک نزدیک واقع ہیں، جن کو ست سر مالا کا نام دیا جاتا ہے۔ دھرم سر جھیل بھی انہیں میں سے ایک ہے۔ یہ جھیل سطح سمندر سے 4100 میٹر سے کچھ زیادہ بلندی پر واقع ہے۔

 

[یاز]

دھرم سر جھیل کی مزید تصاویر

 

[یاز]

سمبک سر جھیل
4176 میٹر کی بلندی پر واقع سمبک سر جھیل بھی ست سر مالا جھیلوں میں سے ایک ہے۔ یہ جھیل دھرم سر کی نسبت ایک چھوٹی جھیل ہے۔ تاہم خوبصورتی میں یہ جھیل بھی اپنی مثال آپ ہے۔

 

[یاز]

سمبک سر جھیل کی مزید تصاویر

 

[زیک]

جھیل کا مزہ تبھی آتا ہے جب ایک کنارے سے دوسرا نظر نہ آئے۔

 

[یاز]

پھنڈر جھیل
یہ جھیل گلگت اور شندور کے درمیان واقع ضلع غذر کی وادیء پھنڈر میں ہے۔ یہ بھی زیادہ بڑی جھیل نہیں ہے، لیکن اس کی لوکیشن اور ہر موسم کے ساتھ بدلتے رنگ اس کی خوبصورتی اور کشش میں بے تحاشا اضافہ کرتے ہیں۔ مزید یہ کہ اس جھیل تک رسائی بھی بہت آسان ہے۔ گلگت سے پکی سڑک شندور کی جانب جاتی ہے جس پہ ڈھائی تین گھنٹے میں پھنڈر تک پہنچا جا سکتا ہے۔ جھیل کے نزدیک پی ٹی ڈی سی کا ہوٹیل بھی موجود ہے۔

 

[یاز]

مزید پھنڈر جھیل

 

[یاز]

جھیل کا مزہ تبھی آتا ہے جب ایک کنارے سے دوسرا نظر نہ آئے۔

بات تو ٹھیک ہے، لیکن اس کے لئے گریٹ لیکس جانا پڑے گا۔ پاکستان میں ایسی جھیل شاید ہی کوئی ہو۔ منچھر جھیل اور (لمبائی کے رخ پہ) تربیلا جھیل اس کے قریب قریب ہوں شاید۔

 

[یاز]

منچھر جھیل
صوبہ سندھ میں سہون شریف کے قریب واقع یہ پاکستان کی سب سے بڑی تازہ پانی کی جھیل ہے۔ یہ جھیل 1930 میں سکھر بیراج کی تعمیر کے بعد وجود میں آئی، کیونکہ سکھر بیراج سے نکلنے والی نہر سے اس جھیل کو پانی مہیا کیا تھا۔ حالیہ چند سالوں میں تازہ پانی کی آمد میں کمی سے اس جھیل کو ماحولیاتی خدشات لاحق ہو چکے ہیں اور جھیل کا پانی بتدریج نمکین ہوتا جا رہا ہے۔ جس سے اس جھیل میں ماہی گیری سے وابستہ ہزاروں مچھیروں کے روزگار کو بھی خطرہ لاحق ہے۔ اس جھیل تک جانے کے لئے حیدرآباد یا سکھر سے تقریباً 3 گھنٹوں میں پہنچا جا سکتا ہے۔ اس جھیل پہ ماہی گیروں کی گھر نما کشتیاں کافی تعداد میں موجود ہیں، جن کی وجہ سے ان کے لئے تیرتے ہوئے گاؤں کی اصطلاح بھی استعمال کی جاتی ہے۔

 

[یاز]

مزید منچھر جھیل

تیرتا گاؤں

 

[arifkarim]

جھیل کا مزہ تبھی آتا ہے جب ایک کنارے سے دوسرا نظر نہ آئے۔

اب یہ ضروری بھی نہیں کہ جس جھیل کے دونوں کنارے نظر آجائیں وہ چھپڑ ہی ہو

 

[یاز]

مہتابی جھیل
یہ مصنوعی جھیل چانگا مانگا جنگل میں واقع ہے۔ اس کا نام اس کی شکل کی وجہ سے بڑا جو کہ ہلال یعنی کریسنٹ جیسی ہے۔ یہ بھی زیادہ بڑی جھیل نہیں ہے، تاہم اتنی بھی غنیمت ہے کہ اس کے کئی سو کلومیٹر قرب و جوار میں کوئی اور بڑی جھیل موجود نہیں ہے۔ چھانگا مانگا جانے کے لئے لاہور سے براستہ رائے ونڈ، کٹ رادھا کشن بھی جا سکتے ہیں اور ملتان روڈ پہ بھائی پھیرو سے بائیں جانب چونیاں جانے والی سڑک کے ذریعے بھی جا سکتے ہیں۔

 

[یاز]

مہتابی جھیل کی مزید تصاویر

 

[نوشاب]

اتنی خوبصورت جھیلوں کی سیر کروا دی آپ نے ۔
بہت شکریہ بہت دعائیں
اب تھوڑا تیرنا بھی سکھا دیجیے
تو سونے پہ سہاگہ والی بات ہو جائے گی۔

 

[نوشاب]

مجھے خان پور ڈیم جاکر دلی افسوس ہوا کہ
کیوں مجھے پیراکی نہیں آتی ۔

اور اب تک افسوس ہے ۔

 

[یاز]

اتنی خوبصورت جھیلوں کی سیر کروا دی آپ نے ۔
بہت شکریہ بہت دعائیں
اب تھوڑا تیرنا بھی سکھا دیجیے
تو سونے پہ سہاگہ والی بات ہو جائے گی۔

نوازش جناب۔
آپ کو تیراکی کیا سکھانی جناب۔ مجھے خود بھی نہیں آتی تو ۔

 

[یاز]

مجھے خان پور ڈیم جاکر دلی افسوس ہوا کہ
کیوں مجھے پیراکی نہیں آتی ۔

اور اب تک افسوس ہے ۔

خان پور کی جھیل تو بہت خوبصورت ہے۔ نیلگوں پانی دلفریب نظارہ دیتا ہے۔