زبردست جناب۔
شکریہ جناب۔گوگل سےمدد لی گئی ہے ۔
لولوسر جھیل:
لولوسر جھیل مانسہرہ سے ساڑھے تین سو کلومیٹر دور واقع ہے، ناران چلاس روڈ پر 3353 میٹر بلندی پر واقع لولوسر جھیل ناران کے قصبے سے ایک گھنٹے کی مسافت پر وادیٔ کاغان اور کوہستان کی سرحد پر واقع ہے۔ اس جھیل پر ہر سال روس سے آنے والے پرندے اور سیاح بڑی تعداد میں آتے ہیں۔
لولوسر دراصل اونچی پہاڑیوں اور جھیل کے مجموعے کا نام ہے، ناران آنے والے سیاح لولوسر جھیل دیکھنے ضرور آتے ہیں اور غضب ناک دریائے کنہار میں پانی کا بڑا ذریعہ لولوسر جھیل ہی ہے۔ جھیل کا پانی شیشے کی طرح صاف ہے اور لولوسر کی برف سے ڈھکی پہاڑیوں کا عکس جب جھیل کے صاف پانی میں نظر آتا ہے تو دیکھنے والوں کے دل موہ لیتا ہے یہ ایک قابل دید نظارہ ہوتا ہے
زیک بھائی! اپنی کھینچی ہوئی تصاویر تو بہت کم جھیلوں کی ہی دستیاب ہوں گی۔ لیکن جس جس کی میسر ہوئی، تو ضرور شیئر کروں گا۔ اور درست فرمایا کہ انٹرنیٹ پہ موجود بہت سی تصاویر غلط نام کے ساتھ اپلوڈ کی گئی ہوتی ہیں۔ اس معاملے میں یہ عرض کروں گا کہ میری حتی الامکان کوشش ہو گی کہ کوئی تصویر غلط نام کے ساتھ شیئر نہ ہو۔ پاکستان کے شمالی علاقہ جات اور خصوصاً جھیلوں سے شغف اور عقیدت کی بدولت زیادہ تر جھیلوں کی تصاویر کو تو ہم اب پہچان بھی لیتے ہیں، اور کوئی غلطی ہو تو اس کی وقتاً فوقتاً فیس بک وغیرہ پہ نشاندہی بھی کر دیا کرتے ہیں۔ تاہم اس ضمن میں پرفیکشن تو کیا، پرفیکشن بٹا دو کا دعویٰ بھی نہیں کیا جا سکتا تو غلطی کا امکان پھر بھی رہے گا۔
حسن بھائی! اس نام کی جھیل تو نہیں سنی۔ البتہ سوات کے قرب و جوار میں مشہور مہوڈنڈ جھیل ہے، اس کے علاوہ جہاز ڈنڈ اور نیل ڈنڈ نامی دور افتادہ جھیلیں بھی سوات کے علاقہ میں ہی ہیں۔ ہو سکتا ہے کہ جس جھیل کا نام آپ بتا رہے ہیں، وہ کسی اور نام سے بھی مشہور ہو۔ جیسے جہاز ڈنڈ جھیل کا زیادہ مشہور نام کٹورا جھیل ہے۔
ہوسکتا ہے کسی اور نام سے بھی مشہور ہو یا مجھے صحیح نام لینے میں مغالطہ ہو رہا ہو ۔۔ کافی عرصہ پہلے اس بارے میں ایک آرٹیکل پڑھا تھا تو اسلیئے ذہن میں ہے ۔
جھیلوں کے فائدے کا تو ہم حتمی طور پہ کچھ نہیں کہہ سکتے، تاہم ابھی تک ہم نے کسی جھیل کا نقصان بھی نہیں دیکھا
۔
ارے واہ!! زبردست یاز بھائی!! شیوسر جھیل کے کنارے ٹینٹ لگا کر وہاں رات بسر کی۔ پھر تو آپ تو قدرت کی رنگینیوں اور حُسن سے خوب خوب لطف اندوز ہوئے۔زبردست جناب۔
ہم نے اپنی زنبیل کھنگالی تو یہ تصویر برآمد ہوئی، جو 15 ستمبر 2003 کو دیوسائی کو جاتے ہوئے ہم نے اس جھیل کے پاس رک کر کھینچی تھی ۔ اس سے پہلے 2001 میں بھی اس جھیل کی زیارت نصیب ہوئی تھی۔
اسی دن دیوسائی کی سحر انگیزیوں کے مزے لیتے ہوئے شیوسر جھیل پہنچے اور وہیں ٹینٹ لگا کے رات گزاری۔ انتہائی بلند ہونے کی وجہ سے وسط ستمبر میں ہی خزاں کے رنگ نمایاں ہیں
