آپ کے پسندیدہ اشعار!

[طارق شاہ]

قامت سے تیرے، صانِعِ قُدرت نے اے حَسِیں!
دِکھلا دِیا ہے حشْر کو سانْچے میں ڈال کے

اکبر الہٰ آبادی

 

[طارق شاہ]

لیتے ہیں لوگ اپنی دلی بات کے مزے !
میرا مزہ یہ ہے کہ، مِرے دل میں کچھ نہیں

اکبر الہٰ آبادی

 

[طارق شاہ]

ڈھلتے سُورج کی تمازت نے بِکھرکردیکھا
سر کشیدہ مِرا سایا صفِ اشجار کے بیچ

محسن نقوی

 

[طارق شاہ]

رِزق، ملبُوس، مکاں، سانْس، مرض، قرض، دوا
مُنقسم ہو گیا اِنساں اِنہیں افکار کے بیچ

محسن نقوی

 

[طارق شاہ]

یہ رکھ رکھاؤ محبّت سکھا گئی اُس کو !
وہ رُوٹھ کر بھی مجھے مُسکرا کے مِلتا ہے

محسن نقوی

 

[طارق شاہ]

اپنے قاتل کی ذہانت سے پریشاں ہُوں میں
روز اِک موت نے طرز سے ایجاد کرے

پروین شاکر

 

[طارق شاہ]

ضبْط لازم ہے مگر دُکھ ہے قیامت کا فراز !
ظالم اب کہ بھی نہ روئے گا تو مرجائے گا

احمد فراز

 

[طارق شاہ]

جب دہر کے غم سے اماں ملی، ہم لوگوں نے عشق ایجاد کیا !
کبھی شہرِ بُتاں میں خراب پھرے، کبھی دشتِ جُنوں آباد کیا

ابن انشا

 

[طارق شاہ]

کم بلندی میں نہیں عرش سے کاشانۂ عشق
دونوں عالم ہیں دو مصرع درِ خانۂ عشق

امیر مینائی

 

[طارق شاہ]

روزوشب وہ بھی اذیّت میں ہوئے ہیں شامل
یادِ جاناں میں جو رہتے تھے جُدا سے پہلے

شفیق خلش

 

[طارق شاہ]

چا ہے جانے پہ ہی، وہ ہوگئے بدنام خلش !
کیا سزا پائی ہے نسبت کی، خطا سے پہلے

شفیق خلش

 

[طارق شاہ]

مجھ کو یہ اعتراف، دُعاؤں میں ہے اثر !
جائیں نہ عرش پر جو دُعائیں تو کیا کریں

اختر شیرانی

 

[طارق شاہ]

اِک دن کی بات ہو تو اُسے بُھول جائیں ہم
نازل ہوں، روز دل پہ بَلائیں تو کیا کریں

اختر شیرانی

 

[طارق شاہ]

عہدِ طرب کی یاد میں رویا کئے بہت
اب مُسکراکے بُھول نہ جائیں تو کیا کریں

اختر شیرانی

 

[بلال جلیل]

گروہِ عاشقاں۔۔۔۔۔ پکڑا گیا ہے
جو نامہ بر رہے ہیں ڈر رہے ہیں

نا معلوم

 

[بلال جلیل]

س راز کو اک مرد فرنگي نے کيا فاش
ہر چند کہ دانا اسے کھولا نہيں کرتے

جمہوريت اک طرز حکومت ہے کہ جس ميں
بندوں کو گنا کرتے ہيں ، تولا نہيں کرتے

علامہ محمد اقبال

 

[طارق شاہ]

میرے پیکر میں تِری ذات گھُلی ہے اِتنی
کہ مِرا جسم مِری رُوح نہیں تیرے سِوا

احمد فراز

 

[طارق شاہ]

جب کُھلی آنکھ تو میں تھا، مِری تنہائی تھی
وہ جو تھا قافلۂ ہمسفراں، خواب میں تھا

احمد فراز

 

[طارق شاہ]

محفل سے اُس نے اپنی اُٹھایا تو تھا مگر
پھر آگئے کہ اتنے بھی خودار ہم نہ تھے

باقرزیدی

 

[طارق شاہ]

تقسیم کئے پارۂ دل بزمِ بُتاں میں
ہر ایک کے ہے پاس نشانی مِرے دل کی

امام بخش ناسخ