آپ کے پسندیدہ اشعار!

[طارق شاہ]

بتائیں کیا، کہ بنایا ہے اُس نے کاجل سے
نظر سے دل میں اُترتا جو خال، کیا شے ہے

وہی ہیں ولولے دل میں خلش اوائل کے
غموں سے عشق میں ہونا نڈھال کیا شے ہے

شفیق خلش​

 

[طارق شاہ]

میرے اندر بھی ہے ایک شہرِ دِگر، میرے مہتاب، اک رات اِدھر سے گُزر
کیسے کیسے چراغ ان دریچوں میں ہیں، کیسے کیسے قمر اِن مکانوں میں ہیں

عرفان صدیقی

 

[طارق شاہ]

اِس جبرِ مصلحت سے تو رُسوائیاں بھلی
جیسے کہ ہم اُنھیں وہ ہمیں جانتے نہیں

کمبخت آنکھ اُٹھی نہ کبھی اُن کے رُوبرُو
ہم اُن کو جانتے تو ہیں، پہچانتے نہیں

خماربارہ بنکوی

 

[طارق شاہ]

واعظ خُلوص ہے تِرے اندازِ فکر میں
ہم تیری گفتگو کا بُرا مانتے نہیں

حد سے بڑھے توعلم بھی ہے جہل دوستو
سب کچھ جو جانتے ہیں، وہ کچھ جانتے نہیں

خماربارہ بنکوی

 

[طارق شاہ]

رہتے ہیں عافیّت سے وہی لوگ اے خمار
جو زندگی میں دل کا کہا مانتے نہیں

خماربارہ بنکوی

 

[طارق شاہ]

دوست یک رنگ کہاں جبکہ زمانہ ہو دو رنگ ​

کہ وہی صبح کو دشمن ہے، جو ہے شام کو دوست​

​

بہادر شاہ ظفر​

​

 

[طارق شاہ]

اے ظفر دوست ہیں آغازِ مُلاقات میں سب​

دوست پر ہے وہی، جو شخص ہو انجام کو دوست​

​

بہادر شاہ ظفر​

 

[طارق شاہ]

کسی کو اپنے عمل کا حساب کیا دیتے​

سوال سارے غلط تھے جواب کیا دیتے​

​

منیر نیازی​

 

[زھرا]

آپ کو پیار ہے مجھ سے ۔۔۔۔ کے نہیں ہے مجھ سے ؟
جانے کیوں ایسے سوالات نے دل توڑ دیا . . . !

 

[طارق شاہ]

غم کا فسانہ سُننے والو، آخر شب آرام کرو
کل يہ کہانی پھر چھيڑيں گے، ہم بھی ذرا اب سو لے ہيں
۔۔۔۔۔۔۔۔۔۔۔
ہم لوگ اب تو پرائے سے ہيں، کچھ تو بتاؤ حالِ فراق
اب تو تمہيں کو پيار کرے ہيں، اب تو تمہيں سے بولے ہيں

فراق گورکھپوری

 

[طارق شاہ]

رُخصت ہُوا تو آنکھ مِلا کر نہیں گیا
وہ کیوں گیا ہے؟ یہ بھی بتا کرنہیں گیا

شاید وہ مِل ہی جائے مگرجستجو ہے شرط
وہ اپنے نقشِ پا تو مِٹا کر نہیں گیا

شہزاد احمد

 

[طارق شاہ]

کل فکر یہ تھی کشورِ اسرار کہاں ہے​

اب ڈھونڈ رہا ہوں کہ درِ یار کہاں ہے​

​

پھر حُسن کے بازار میں بِکنے کو چلا ہُوں​

اے جنسِ تدبّر کے خرِیدار کہاں ہے​

​

جوش ملیح آبادی​

 

[طارق شاہ]

فِطرت ميری عِشق و محبّت، قِسمت ميری تنہائی
کہنے کی نوبت ہی نہ آئی، ہم بھی کِسو کے ہو لے ہيں

اُف وہ لبوں پر موجِ تبسّم جيسے کروٹيں ليں، کونديں
ہائے وہ عالمِ جُنبشِ مژگاں جب فِتنے پر تولے ہيں

فراق گورکھپوری

 

[طارق شاہ]

دِین پر ہے کوئی نازاں، تو کوئی دُنیا پر​

مجھ سیہ بخت کی جھولی میں، نہ دُنیا ہے، نہ دِیں​

​

ناقدِ جبرِ طبائع کی نِگاہوں کے حضوُر​

اولیاء ہی نہ مُقدّس، نہ شیاطِینِ لعِیں​

​

جوش ملیح آبادی​

 

[طارق شاہ]

شہرِ خُوباں میں نہیں آتش مروّت کا رواج​

تشنہ لب مرجاؤں تومُمکن نہ ہو پانی مجھے​

​

خواجہ حیدرعلیآتش​

 

[طارق شاہ]

ایک حرف اُس کی عبارت کا پڑھا جاتا نہیں​

لِکھ دِیا کِس خط میں ہے یہ خطِ پیشانی مجھے​

​

خواجہ حیدرعلی آتش​

​

 

[طارق شاہ]

بعد شاعر کے ہو مشہور کلامِ شاعر​

شہرہ البتہ کہ ہو مُردے کی گویائی کی​

خواجہ حیدرعلی آتش

 

[طارق شاہ]

نشۂ عِشق میں ہر چیز اُڑی جاتی ہے
کون ذرّہ ہے کہ سرشارمحبّت میں نہیں

اصغرگونڈوی

 

[طارق شاہ]

وہ عِشق کی عظمت سے شاید نہیں واقف ہیں
سو حُسن کروں پیدا ایک ایک تمنا سے

اصغرگونڈوی

 

[طارق شاہ]

جب ساز کی لے بدل گئی تھی
وہ رقص کی کون سی گھڑی تھی

اب یاد نہیں کہ زندگی میں
میں آخری بار کب ہنسی تھی

پروین شاکر