شعر و شاعر (اشعار اور خالق)

[طارق شاہ]

اپنا زمانہ آپ بناتے ہیں اہلِ دِل !
ہم وہ نہیں کہ جِن کو زمانہ بنا گیا

جِگر مُراد آبادی

 

[طارق شاہ]

اِک بار مجھے عقل نے چاہا تھا بُھلانا
سو بار جنُوں نے تِری تصوِیر دِکھادی

ماہؔر القادری

 

[طارق شاہ]

آنکھ تمھاری مست بھی ہے ، مستی کا پیمانہ بھی
ایک چھلکتے ساغر میں، مے بھی ہے میخانہ بھی

ساغؔر نظامی

 

[طارق شاہ]

اُنھیں کو عرضِ وفا کا تھا اِشتِیاق بہت !
اُنھیں کو عرضِ وفا ناگوار گُذری ہے

جواد علی عاؔبِد

 

[طارق شاہ]

اُس شہر میں اِک آہُوئے خوش چشم سے ہم کو
کم کم ہی سہی، اِک نِسبَتِ رِندانہ رہی ہے

مخدؔوم مُحی الدین

 

[طارق شاہ]

ابھی آزادیِ اِنساں ہے فریبِ اِنساں
دلِ اِنساں ہے نشانہ، وہی اِنسانوں کا

شاہد عزیز رَوِشؔ

 

[طارق شاہ]

اُن کی معصُوم اداؤں پہ نہ جانا ، اے دِل!
سادگی میں بھی، قیامت کا فسُوں ہو تا ہے

آل احمد سُرُورؔ

 

[طارق شاہ]

اُٹھ کر تو آگئے ہیں تِری بزم سے، مگر
کُچھ دِل ہی جانتا ہےکہ کِس دِل سے آئے ہیں

فیض احمد فیضؔ

 

[طارق شاہ]

اِک فصلِ گُل کو لے کے تہی دست کیا کریں
آئی جو فصلِ گُل تو گریباں بھی چاہیئے

حبیبؔ احمد صدیقی

 

[طارق شاہ]

اُن کا آنا ، حشر سے کُچھ کم نہ تھا
اور جب پلٹے، قیامت ڈھا گئے

نِثار احمد نِثاؔر

 

[طارق شاہ]

اے دوست! آ بھی جا ، کہ مَیں تصدِیق کرسکوُں
سب کہہ رہے ہیں، آج فِضا خوشگوار ہے

خُماؔر بارہ بنکوی

 

[طارق شاہ]

ایک کُوزہ میں سما جائے گا دریا کیونکر
کِس طرح رکھ کے لفافہ میں تمنّا بھیجوُں

اداؔ جعفری

 

[طارق شاہ]

آئی تھی چند گام اُسی بےوفا کے ساتھ
پِھر عُمر بھر کو ، بُھول گئی زندگی ہَمَیں

جاویؔد کمال

 

[طارق شاہ]

اے بادِ صبا! ہم تو جب جانیں بہار آئی
سوسن میں ہو گویائی، نرگِس میں ہو بینائی

رشید کوثؔر

 

[طارق شاہ]

بِھیڑ تنہائیوں کا میلا ہے
آدمی آدمی اکیلا ہے

صباؔ اکبر آبادی

 

[طارق شاہ]

اب تو میخانۂ اُلفت میں چلا آیا ہُوں
اِس سے کیا بحث، رہا یا میرا ایمان گیا

صباؔ اکبر آبادی

 

[طارق شاہ]

ہے یہی حکم، تو تعِمیل کریں گے صاحب
نہ کریں گے تمھیں ہم یاد، جو دِل مان گیا

صباؔ اکبر آبادی

 

[طارق شاہ]

کِس کو معلوُم تھی پہلے سے خِرد کی قیمت
عالَمِ ہوش پہ احسان ہے دِیوانے کا

چشمِ ساقی مجھے ہر گام پہ یاد آتی ہے
راستہ بُھول نہ جاؤں کہیں میخانے کا

اب تو ہر شام گُزرتی ہے اُسی کوُچے میں
یہ نتیجہ ہُوا ناصح تِرے سمجھانے کا

منزِلِ غم سے گُزرنا تو ہے آساں، اقبالؔ
عِشق ہے نام خود اپنے سے گُزر جانے کا

اقبال صفی پوری

 

[طارق شاہ]

بُلایا موت کو برسوں میں اِلتجا کر کے
خدا کے پاس چلا ہُوں خُدا خُدا کر کے

بیخوؔد دہلوی

 

[طارق شاہ]

مارے خوشی کے مر گئے صُبحِ شبِ فِراق !
کتنے سُبک ہُوئے ہیں گِراں جانیوں میں ہم

حکیم مومن خاں مومنؔ