شعر و شاعر (اشعار اور خالق)

[طارق شاہ]

عَجِیب عالَمِ افسُردگی ہے رُوبہ فروغ
نہ اب نظر کو تقاضا ، نہ دِل تمناّئی

ساحؔر لدھیانوی

 

[طارق شاہ]

کیا کریں حرص محبّت میں بھی در آتی ہے
ورنہ، کافی تھی کبھی ایک نِگہ بھی تیری

احمد فراؔز

 

[طارق شاہ]

دِل چُرایا ہے، وہ اب آنکھ مِلائیں کیونکر !
سامنے ہوتی ہے مُشکل سے گُنہگار کی آنکھ

داغؔ دہلوی

 

[طارق شاہ]

مُبتلا حرص میں ایسی رہی تھیں کب آنکھیں
دِل کی چاہت میں ثمر ڈُھونڈتی ہیں اب آنکھیں

شفیق خلشؔ

 

[طارق شاہ]

اذِیّت، مُصیبت، ملامت، بَلائیں
تِرے عشق میں ہم نے کیا کیا نہ دیکھا

مولانا حسرؔت موہانی

 

[طارق شاہ]

شوق کو دادِ حیا مِلتی نہیں
وہ نِگاہِ آشنا مِلتی نہیں

مولانا حسرؔت موہانی

 

[طارق شاہ]

تیری بے صبری ہے حسرؔت! خام کاری کی دلِیل
گریۂ عُشّاق میں ہوتی ہیں تاثیریں کہِیں

مولانا حسرؔت موہانی

 

[عبد الرحمٰن]

اے خاک کے پتلے تجھے ادراک نہیں ہے؟؟
کچھ اور بھی ہے تجھ میں فقط خاک نہیں ہے

 

[عبد الرحمٰن]

وہ نیشتر سہی ، پر جب دل میں اتر جاوے
نگاہِ ناز کو پھر کیوں نہ آشنا کہئے
غالب

 

[عبد الرحمٰن]

میں ہٹ کر اپنی فطرت سے تو کچھ بھی کر نہیں سکتا
جو جیسا ہو اسے ویسی ضرورت پیش آتی ہے
عابدبنوی

 

[عبد الرحمٰن]

اے شخص! اب تو مجھے سبھی کچھ قبول ہے
یہ بھی قبول ہے کہ تجھے چھین لے کوئی_____!
جون_ایلیاء

 

[عبد الرحمٰن]

ستم پہ خوش کبھی لطف و کرم سے رنجیدہ
سکھائیں‌ تم نے ہمیں کج ادائیاں کیا کیا
فیض احمد فیض

 

[طارق شاہ]

مداوائے دِلِ دِیوانہ کرتے
یہ کرتے ہم، تو کُچھ اچّھا نہ کرتے

شکیبائی کا دم رکھتے ، تو حسرؔت !
اُنھیں ، یوں شوق سے دیکھا نہ کرتے

مولانا حسرؔت موہانی

 

[طارق شاہ]

مِٹ کے، بربادِ جہاں ہوکے، سبھی کُچھ کھو کے
بات کیا ہے، کہ زیاں کا کوئی احساس نہیں
کار فرما ہے کوئی تازہ جنُونِ تعمِیر
دلِ مُضطر ابھی آماجگہِ یاس نہیں

مجاؔز لکھنوی

 

[طارق شاہ]

مَیں نے سوچا تھا ، کہ دُشوار ہے منزِل اپنی !
اِک حَسِیں بازوئے سیمیں کا سہارا بھی تو ہو
دشتِ ظُلمات سے آخر کو گُزرنا ہے مجھے
کوئی رخشندہ و تابندہ سِتارہ بھی تو ہو

مجاؔز لکھنوی

 

[طارق شاہ]

خواہش کی باصرار یہ پُرسِش ہے، تو کیوں ہے
ہم سے ، کہ بہرحال ہیں راضی برضا ہم

حسرؔت موہانی

 

[طارق شاہ]

دِل پذیری کے ہر انداز کی ہے تجھ سے نمُود
رُخ بھی رنگِیں ہے تِرا ، قد بھی ہے دِلجُو تیرا

شکلِ زیبا ہی تِری شُہرۂ دُنیائے جمال
کشورِ حُسن میں چرچا ہے بہر سُو تیرا

حسرؔت موہانی

 

[طارق شاہ]

مانو مِری کاظمی! تم ہو بھلے آدمی
پِھر وہی آوارگی کُچھ تو حیا چاہیے

ناصؔر کاظمی

 

[طارق شاہ]

نکہتِ گُل کو خوش آواز بنانے والے
خارِ لب بستہ کے مُنہ میں بھی زباں دیتا جا

جوؔش کے سنگِ درِ کُفر کو، اے مست خِرام
دولَتِ سجدۂ صاحب نَظَراں دیتا جا

جوؔش ملیح آبادی

 

[طارق شاہ]

خورشید کی آہٹ سے ، ہراساں ہے خرابات
اللہ کرے، رات کی ٹُوٹے نہ جماہی

جوؔش ملیح آبادی