"یاد" کے موضوع پر اشعار!

[عیشل]

ناکام کہیں ایسا مقدر نہیں دیکھا
خوشیوں نے کبھی ہم کو پلٹ کر نہیں دیکھا
یوں محوِ عبادت ہوئے ہم یاد میں انکی
پھر دل سے کبھی جھانک کے باہر نہیں دیکھا​

 

[شمشاد]

آج اس کی یاد نے ہمیں تڑپایا بہت
آج نہ چاہتے ہوئے بھی وہ یاد آیا بہت

 

[عمر سیف]

آنکھ برسی ہے ترے نام پہ ساون کی طرح
جسم سلگا ہے تری یاد میں ایندھن کی طرح

 

[شمشاد]

سوچا ہی نہ تھا یوں بھی اسے یاد رکھیں گے
جب اس کو بھلانے کی بھی فرصت نہ ملے گی
(پیرزادہ قاسم)

 

[عیشل]

پھر آج عدم شام سے غمگین ہے طبیعت
پھر آج سرِ شام تیری یاد آئی ہے

 

[شمشاد]

تنہائی میں یادِ خدا تھی
تنہائی میں خوفِ خدا تھا
(ناصر کاظمی)

 

[عیشل]

دے رہا تھا یہ خبر درد کا انداز مجھے
دور لے جائے گا اس راہ پر آغاز مجھے
تھام لیتی ہے تیری یاد میری تنہائی
گھیر لیتی ہے تیرے ہجر کی آواز مجھے​

 

[شمشاد]

ہمارے خوں سے لکھی جائے گی تاریخ گلشن کی
ہمیشہ یاد ہم کو دیکھنا صیاد رکھیں گے
(نزہت عباسی)

 

[ہما]

 

[محب علوی]

بہت عمدہ جی ویسے یونیکوڈ‌ میں بھی یقینا آپ لکھ لیتی ہوں گی ہما

 

[شمشاد]

بس ایک چہرہ تری یاد کا جو ہے باقی
سو وہ بھی اب تو مرے آنسوؤں میں ڈھلتا ہے

 

[راجہ صاحب]

آتا ہے مجھ کو گزرا ہوا زمانہ
وہ باغ کی بہاریں وہ سب کا چہچہانا

 

[شمشاد]

راجہ صاحب جو لفظ شعر میں آنا ضروری تھا "یاد " وہ تو آپ نے لکھا ہی نہیں۔

 

[شمشاد]

اجنبی شہر کے اجنبی راستے ، میری تنہائی پر مسکراتے رہے
میں بہت دیر تک یونہی چلتا رہا ، تم بہت دیر تک یاد آتے رہے

 

[یونس رضا]

بیٹھ کر سایہ گل میں ناصر
ہم بہیت روئے جب وہ یاد آیا

 

[فرخ منظور]

بیٹھ کر سایہ گل میں ناصر
ہم بہیت روئے جب وہ یاد آیا

معذرت کے ساتھ یونس صاحب لیکن صحیح شعر یوں ہے -
بیٹھ کر سایہء گل میں ناصر
ہم بہت روئے وہ جب یاد آیا

 

[فرخ منظور]

وہ جو ہم میں، تم میں‌ قرار تھا، تمہیں یاد ہو کہ نہ یاد ہو
وہی وعدہ یعنی نباہ کا تمہیں یاد ہو کہ نہ یاد ہو
(مومن)

 

[شمشاد]

مرا دل اور تم کو بھول جائے ، غیر ممکن ہے
تمہاری یاد سے دم بھر یہ غافل ہو نہیں سکتا

 

[سارہ خان]

اس زندگی میں اتنی فراغت کسے نصیب
اتنا نہ یاد آ کہ تجھے بھول جائیں ھم

 

[شمشاد]

تو یاد بھی کرتا یہ گوارا ہی کہاں ہو
میں خوش ہوں مری ذات پہ احسان نہیں تھا